كييف حالكم شباب , فيه احد ؟ الكل عدل نومه الا انا للحين نظام رمضان موضوع اليوم موضوع مهم , وهو تحميل وتأمين تعاريف الجهاز ماراح نتكلم عن تحديث التعاريف وهالسوالف , راح نتكلم فقط عن حفظ نسخة من التعاريف علشان لو بتفرمت مايردك الا توفر الطاقة الكهاربائية وبالرغم من إن هالشي راح نسويه مرة وحدة في العمر , إلا أن البعض مهمل هالجانب مقدمة جهازك يتكون من قطع وأجهزة منافذ الـ usb كرت الشاشة كرت الصوت , الطابعة ..إلخ الاجهزة هذي ماراح تشتغل معاك بدون التعاريف حقتها , اللي راح تخلي الويندوز يعرف كيف يستخدم القطعة الفلانية الأجهزة نوعين جهاز انت تشتري القطع بنفسك وتركبها وتجمعها أنت ماجمعت القطع إلا لأنك عفريت كمبيوتر ماشاء الله عليك , تعرف تدبر نفسك وجهاز من تجميع وصناعة شركة (HP, Dell, Asus, Acer, Toshiba, msi ...etc) وهذا اللي بنتكلم عنه فيه شركات اذا شريت من عندها جهاز , تعطيك اسطوانة فيها التعاريف وفيه شركات ماتعطي اذا عندك اسطوانة , خذ نسخة منها واحفظها اما الاجهزة المستضعفة اللي مامعاها اسطوانة تعاريف , ان شاء الله بعد هالموضوع راح نعرف كيف نحملهم الشرح اول شي نحتاجه موديل الجهاز , ولكي نحصل عليه ابطح اخي الكريم لابتوبك ارضا برفق طالع في الستيكرات الموجودة ودور كلمة model اكتب الموديل في ورقة خارجي او حفظه عدل جهازك وافتحه وروح قوقل واكتب [company name] [model] drivers واضغط بحث نختار نتيجة البحث اللي تبع موقع الشركة شركة compaq تابعة لـ hp لذلك باخذ النتيجة الاولى راح يفتح لك صفحة المنتج (اللابتوب حقك) عاد الحين اهنا يختلف من موقع لموقع انت دور في الصفحة على drivers اذا ماحصلتها , دور على support انا حاطين drivers في الوجه في اغلب الصفحات راح تشوف مثل هذا , يقولك حدد النظام اللي بتركب فيه التعريفات (لأن تعريفات 32 غير 64) بعد ماتحدد راح يطلع لك التعاريف حملهم كلهم رتبهم زي ترتيب الموقع علشان ترتاح وتعرف كل واحد حق شنو , مثل كذا ملاحظة : يفضل إنك تحفظهم خارج الجهاز في هاردسك خلصنا الموضوع ماعندي شي اقوله اي صح , مبرووووووووووك للي نجحوا
مشكور على الموضوع بس سؤال كان يطقطق براسي من زمان طبعاً أنا أعرف أفرمت وفرمت جهازي القديم عدة مرات (على قده الجهاز القديم) كنت أستخدم سيدي تعريفات ناسخه لي محل صيانة أجهزة بس الآن أنا أعرف أحصل التعريفات لأي جهاز، لكن أبي أعرف شلون أحرق التعريفات على سيدي حق أن لما أشغل اللابتوب المفرمت أتوماتيك السيدي يشتغل ويبدا التثبيت على نفس حركة السيدي اللي عطاني اياه راعي المحل هل سالفة عمل هالحركة لها علاقة بالـ ISO ؟ أكون شاكر لك اذا تقدر تشرح لي شلون أخلي سيدي التعريفات يشتغل اتوماتيك ويثبت التعريفات المطلوبة
اهو فيه انك تسوي cd تعاريف وتنصيب تلقائي زي اللي كان عندك https://www.raymond.cc/blog/the-easiest-way-to-automatically-install-device-drivers-on-any-windows-xp-computer/ وفيه انك تدمج التعاريف مع الويندوز نفسه ببرنامج RT Se7en Lite (تسوي نسخة ويندوز خاصة فيك , اذا نصبتها تتنصب التعاااريف والبرامج اللي دمجتها معاها) وللأمانة ماجربتهم حط الفلاش وفرمت , نصب التعاريف , وركب البرامج بـ ninite وماياخذ مني اكثر من 20 دقيقة
الله يعطيكم العاااافية , وششكررا لكم تضغط على ايقونة جهاز الكمبيوتر كلك يمين تختار "ادارة" راح تفتح لك نافذة , اختر من على جنب "ادارة الاجهزة" راح يعرض لك الاجهزة اللي في كمبيوترك , اذا شفت علامة تعجب صفرا http://www.stkfupm.com/images/icons/icon4.gif تعجب معناتها فيه تعريف ناقص اما بالنسبة للكاميرا ممكن تكون الكاميرا معرفة , بس مافيه برنامج يشغلها الكاميرا راح تشتغل معاك في برامج الشات مثل الـ skype واذا تبي تشغلها علشان تصوير , فيه برامج كثيرة اختر اللي يعجبك http://download.cnet.com/windows/webcam-software/