مرة رحت جرير وقعدت تشوف الاجهزة ؟ مرة شفت لابتوب فيه windows x32 ؟ ما تساءلت في نفسك شنو الفرق بينه وبين x64 ؟ هذا ماسنعرفه في هذا الموضوع هههههههه (يعني يبي يسوي تشويق ) هلااا بكم شباب , فيه سلسلة مواضيع إن شاء الله بتجي , وهذا بدايتها , ممكن الكثير يشوف هالموضوع ماله داعي , بس لازم ابتدي فيه علشان اغطي كل شي مهم ملاحظة : الشروحات سويتها على win7 , بس ما اتوقع تفرق كثير عن win8 نبدأ على بركة الله مقدمة عندنا نوعين من المعالجات معالجات 32 , ومعالجات 64 وتسمية الويندوز بـ windows x64 سببها إن الجهاز فيه معالج من نوع 64 طبعا النوعين كانوا موجودين من زمااااااان نوع 32 كان اهو الشائع , وموجود في كل الاجهزة الشخصية نوع 64 ماكان موجود إلا في السوبر كمبيوتر وبما ان معظم الاجهزة من نوع 32 , كانت معظم الانظمة 32 مع مرور الوقت والتطور , رخصت القطع وصارت الشركات تصنع اجهزة "شخصية" بمعالج من نوع 64 في سنة 2000 وسوت ميكروسوفت نسخة من نظام windows xp مخصصة لنوع 64 وهو اول نظام تسويه ميكروسوفت لنوع 64 (يعني كل الانظمة اللي قبل xp كانت 32) "هذرة هذرة هذرة" ادري عارف شالفرف بين معالج 64 ومعالج 32 ؟ معالج 64 يتميز بالسرعة في العمليات الحسابية لأنه متعدد النواة , فيه معالج 64 ثنائي النواة , 64 رباعي النواة و 64 سداسي النواة اما معالج 32 فهو احادي النواة , علشان كذا مو سريع زي 64 الفرق الثاني ان معالج 64 يمديه يخزن كمية اكبر من البيانات من معالج 32 زبدة الكلام ان معالج 64 حق الاشغال المتعددة والبرامج الثقيلة افضل من معالج 32 كيف اعرف نوع الويندوز اللي عندي هل هو 64 او 32 ؟ تروح جهاز الكمبيوتر تضغط كلك يمين في الفراغ بعدين بتطلع قايمة خيارات , نختار خصائص راح تفتح نافذة فيها معلومات عن جهازك و شوف "نوع النظام" انزين ,, جهازي الحين 32 , هل معناتها اني ما اقدر اركب ويندوز 64 ؟؟ مب شرط , اهي في الأول والأخير على المعالج اللي عندك , هل هو احادي النواة (32) او متعدد النواة (64) وفيه طريقة علشان تعرف اذا يمديك تركب 64 ولا لأ نرووح لوحة التحكم بعدين نروح معلومات الأداء والأدوات (اذا مالقيتها طالع الصورة حقتها ) راح يفتح لك تقييم الجهاز حقك , اضغط على زر "اطبع معلومات مفصلة عن الأداء والجهاز" راح يطلع لك لستة طويلة عن معلومات جهازك , روح لمعلومات النظام علشان تعرف اذا يدعم جهازك 64 ولا لأ وهنا يظهر أن جهازي المتواضع حفظه الله يقبل 64 على تواضعه وزهده أسئلة متكررة إذا كان جهازي فيه ويندوز 64 , هل اقدر اركب ويندوز 32 ؟؟ تقدر , بس ذا معناتها انك بتستخدم نواة وحدة بس إذا كان جهازي 32 , هل معناتها ما اقدر اركب 64 ؟؟ مب شرط , تعتمد على المعالج اللي عندك انا كنت استخدم 32 , بعدين عرفت انه يمديني اركب 64 , هل اقدر اركب البرامج اللي عندي من قبل على النظام الجديد ؟ معظم برامج 32 تركب على 64 , يمكن بس برامج الحماية المخصصة حق 32 ماراح تركب معاك + بعض التعاريف وبكذا خلصنا الموضوع تعبت من الهذرة , صح ؟ للي يبي تفاصيل أكثر What is the difference between a 32-bit and 64-bit CPU? 32-bit and 64-bit Windows: frequently asked questions
اللهم زد وبارك مواضيعك جميلة وخفيفة، شكلك نشيط فعلاً بس مادري ليش أحسك من حقين منتديات الأنمي بطريقة تنظيمك للموضوع والفواصل نترقب مواضيعك
جميل، استمر إضافة: أقصى حد للذاكرة ram يمكن لنظام 32 استخدامه هو 4gb. بمعنى آخر، لو عندك ذاكرة 6gb و ثبتت نظام 32، سيستخدم منها 4gb فقط.
شكل الموضوع مهم وشووووكررا ع الإطراء إن شاء الله , مدام فيه ناس تشجع اكمل مافيه مشكل وشووكرررا ع الإضافة خلك موجود وان شاء الله بتزهق من كثر ماتشوف اسمي