شركة كبوتا السعودية

هنا و هنا2
بالتوفيق

 

وعليكم السلام والرحمة
انا شغال فيها سنه ونص الحين

مادري من وين ابتدي وين انتهي بس بعطيك الاشياء الرئيسة

الشركة تنتج tubes نوع متفرده فيه هي وشركة ثانيه على مستوى العالم واغلب الكلاينت شركات سابك وشركات البتروكيكال, شغل الشركة ماشي بقوة وممتاز حق الفرش انه يتعلم فيه ولا هو بذاك الكرف الكثير
راتب المهندسين فرش 6000-7000. الي عنده خبرة ممكن يحاول فيهم ويعطونه اعلى.بدل سكن ثلاث رواتب وبدل نقل 10%
نظام الدوام 5 ايام (7:30-5:30) للي شغالين بالادارة و6 ايام (7:30-4:30) للي بالمصنع. طبعا ذا يعتمد على القسم الي بتشتغل فيه
التامين الطبي اخس نوع, مافي دورات ولا مستعدين يحطون ريال فالموظف, زيادات مافي الاماندر, خلال 9 سنوات اعطوا بونص نص راتب مرتين فقط
بالنسبة للمقابلة راح تقابل صاحب الحلال وهو المسؤول عن التوظيف بيسالك كم سؤال شخصي واذا بغاك يعطيك العرض على طول ويقولك موافق ولا. وماعنده ستاندرد للقبول مزاجي ولا تدري على اي اساس يقبل. والاختبار الورقي قبل المقابلة بس اجراء وماياثر عالقبول.

يعني تقدر تقول كشغل واستفادة ممتازة لكن كادارة ومميزات فهي زيرو, تصلح للي ماعنده شغل انه يقزر فيها ويكتسب خبرة

واذا عندك اي استفسار انا حاضر

 

حاول تبعد عن شغل البايبات ما ورها الا التعب و المكدة و المردود المالي ضعيف حتى مع الخبرة

 

كيف طريقة التقديم ؟
موقعهم فيه ايميل مضروب

 

[email protected]
او تقدم يدوي لمقر الشركة فالصناعية الثانية

 

السلام عليكم
معك مهندس ميكانيكي خبرة 4 سنوات (ادارة مشاريع+صيانة وتشغيل)
عندي عرض "مشرف انتاج" على البايب
عطوني عرض 7500 أساسي
ومتردد أقبل أو لا
انا ساكن الخرج عند اهلي
راتبي 5884 اساسي، دوامي الجديد 8 ساعات 5 أيام
لكن عافت الخاطر ولي في زيادات تشفع
الفرق بين العرض وراتبي حول 1600

ودي استشيركم بحال الشركة من ناحية الكرف وطبيعة العمل وهل تسوى ولا لا، هل يقدرون لا صار عندي ظروف اني اخذ اجازة؟
أي شيء تعرفه يا ليت تخبرني فيه وأكون لك من الشاكرين.

والشكر