شركة parsons + طلب استشاره منكم

وعليكم السلام , احضر المقابلة وحاول تستعد لها صح . ما اعتقد انها سعودة لأن الراتب الي عارضينه نوعا ما جيد تقريبا 9500 , لو سعودة كان عرضوا عليك 5000 - 4000 وفي شركات كثيرة تسوي هالشي . , الشي الثاني فترة التجربة على ما اعتقد مدتها 3 اشهر فيعني لو ماعجبك الوضع تقدر تطلع منها .
وبخصوص وظيفة مضيف جوي , صحيح الوظائف قليلة هالفترة لكن حرام تظلم نفسك بوظيفة برا تخصصك زيادة على هالشي راتبها ضعيف مقارنة براتب Parsons .
لو انا منك , اروح اختبار بكرة واستعد له لكن في المستقبل لو جاني عرض من بارسونز و الخطوط , اختار بارسونز حتى لو ماكنت مقتنع حيل بالراتب , ممكن يكون مسؤول التوظيف الي بيتواصل معاك متعاون وتقدر تتفاوض على الراتب .

الله يوفقك ولاتشيل هم , اهم شي استعد لإختبار بكرة و لا تتوتر , وبعدها استعد لمقابلة بارسونز .

 

مب شرط ان المقابلة مش بروفشنل ان الموضوع سعودة لكن ممكن المشروع بيبدأ قريب ويحتاجون عدد كبير(مترو الرياض اول ما بدأ التوظيف فوري عبر الايميل من دون حتى مكالمة تليفون). عموما بارسونز شركة كبيرة وهي استشاري الهيئة الملكية بينبع(مثل بكتل بالجبيل) وحتى لو كانت الوظيفة سعودة فيمديك تستفيد اذا بادرت وأفضل من العطالة. أنت الان اقبل دام الراتب جيد واذا حصلت فرصة اخرى استقيل. عصفور باليد ولا عشرة عالشجرة.

 

لو انها سعودة يعني ماراح تفيدك او تعتبرلك كخبرة ؟

 

الراتب في الظروف الحالية يعتبر ممتاز جدا.. مثلا شركات مثل SEL رواتب اقل من بارسونز وواضح انها تبغاك سعودة لكن حسب ماسمعت انهم يكرفوك واحيان تكون في الموقع لحالك حتى لو انك فريش.. لكن تستغرب من طريقة التوظيف عندهم .. مقابلة تلفونية + اختبار + مقابلة فيس-تو-فيس تكنكال و HR ..!!

امس اتصل علي واحد من لارسن اند تبرو من بدري حددلي الراتب من 5 الى 7 الاف وقالي اخلي المنجريسوي معك مقابلة بسيطة بالتلفون وبعدها نرسلك عرض بالايميل مايحتاج تجي ؟؟!! هذا واضح انه سعودة بس ماتدري هل بتستفيد او لا ..

المقصد انه حتى لو سعودة افضل من الجلسة بدون عمل وممكن بالراتب البسيط هذا اللي تاخذه تحاول تاخذ دورات وتطور نفسك بعيدا عن العمل أفضل من الجلسة بلا عمل ..

مشكور ويعطيك العافية.. الله يوفق الجميع