شركه إيميرسون Emerson

و عليكم السلام ،
الشركة ممتازة وفيها تطوير ، والرواتب عالية مقارنة بغيرها في مجال ال automaton و control systems ، يعني حديث التخرج تقريبا ياخذ 11 آلاف على الأقل فما بالك بالخبرة
واذا عملك فيه تنقل فالمميزات بتكون أكثر. وقبل فترة فتحوا مركزهم في وادي الظهران .

كلامي نوعا ما عام لأن ما ادري مع اي قسم بتشتغل وكيف طبيعة عملك لكن على العموم الأغلب يمدح في الشركة.
وبخصوص المقابلة ، هم يرسلون لك اسم الي بيعمل معاك المقابلة ، فأدخل على ملفه في لينكد ان عشان تاخذ فكرة عن طبيعة عمله وخبرته وممكن هالشي يفيدك عشان تعرف على ايش ممكن يسألك & شوف الديسكربيشن للوظيفة الي قدمت عليها لأن اغلب الأسئلة الي بتجيك بتكون على المسؤوليات المذكورة فيها .
و في المقابلة ممكن الي عملت معاك المقابلة على التفلون من الفلبين تكون موجودة عبر السكايب وتسألك بعض الأسئلة مشابهة لأسئلة للمقابلة على تليفون لكن بتفصيل أكثر
تالي الموظف الثاني بيكمل المقابلة معاك.
ممكن تكون فيه مقابلة ثالثة مع hr manager وهي سهلة بس بيتأكد انك مؤهل للوظيفة وبيدردش معاك.
اذا عديت المقابلة ان شاء الله بعدها باسبوعين بتتصل عليك الموظفة من الفلبين وبتسألك عن الراتب الي تتوقعه ، وبعدها بيومين بيرسلون لك الأوفر.
^^^
هذا من تجربتي معاهم و تجربة بعض الشباب الي اعرفهم لكن كلنا كنا فريش ، فيمكن يكون فيه اختلاف في بعض الإجرائات
الله يوفقك.

 

الله يعطيك العافية ...

انا سويت مقابلة الاسبوع الماضي وفي نهايه المقابلة سألتهم كذا سؤال يتعلق بالشركة ..
بعدين دورثي نفسها اللي من الفلبين قالت لي هذه المقابلة النهائية ... وراح نقيم مقابلتك مع التيم واذا وصلنا الى نتيجة راح ابلغك الاسبوع الجاي ...

تتوقع فيه شي ؟

لما سويت المقابلة هل حسيت انه فيه موشرات انك مقبول ولا ما تدري وجاك العرض بعد اسبوعين.

 

غالبا لما توصل لمقابلة المانجر سواء للديبارتمنت أوhr مانجر السعودي فيعني وصلت لآخر مرحلة توظيف عندهم ومابقى الا الأوفر .
لكن نصيحتي استمر في التقديم على بقية الشركات ، لأن عملية التوظيف في اي شركة ماتعتمد بس على أداءك ، ممكن يكون فيه مشاريع ينتظرونها او مسؤول توظيف او مانجر طالع اجازة أو بعض المرشحين للوظيفة يرفض العرض أو يكون أدائهم أفضل.

فانتظر اسبوع و شوي ، واذا ماردوا عليك ، ارسل ايميل للموظفة الي من الفلبين ك follow up

الله يوفقك وان شاء الله تكون الوظيفة من نصيبك .

 

الله يسمعك منك

نفسي اشتغل في الشركة هذه من زمان

ان شاء الله خير