#@# شــ*ــاعــ*ــر و مــ*ــشـ*ــاعــ*ــر #@#

>> شـــاعـــر و مـــشــاعــــر <<

السـلام علـيـكـم و رحـمــة الـلــه و بـركـاتـه

بسم الله الرحمن الرحيم

حياكم الله جميعا في هذه المدونة و التي أستهلها بـبـيـتــيـن :


يــا مرحـبــا بالــزايــريــن الـكــرام *** أهــل الـوفــا و الطيــب و الشيمــه

بمــدونـتــنـــا مـا نـحــب النظــام *** تـاخيــرة ن فيــهــا و تـــقـديــمــــه



يا هلا و يا مسهلا

 

في يوم من الايام جاء شاب اعمى ودخل على الشاعر
الامير بدربن عبد المحسن وقاله قصته
...
كان خالد و ساره يشكلان أحلى ثنائي على وجه الأرض

وكانت السعاده تغمرهم من كل جهه ولاكن كما نعلم السعاده لاتدوم

يقول الشاب انة يحب بنت عمة موت وراح خطبها من ابوها

طلب منه مهر خرافي او ما ياخذ بنته

وبما ان الشاب يحب بنت عمة راح وجمع دراهم الي يبيها عمة

ورجع تقدم لها مررة ثانية

رفض بشده بإحتجاج أن قبيلته لا تؤمن بالحب قبل الزواج

(من النوع اللي مالك الا ولد عمك )

فعاد خالد با ئسا لايعرف ماذا يفعل ومانهاية هذا الحب

وعندما علمت ساره عن رأي والدها أصيبت بخيبة أمل

البنت من كثر ما تحب ولد عمها والاب حارمها جاها المرض

الخبيث الله يكفينا شرررره جميعا فمرضت بعدها وعرضت

على أكثر من طبيب ولاكن دون جدوى

فكان علاجها يستوجب السفر إلى الخارج

وفي هذي الحظة حس الاب انة ما لة حق وندم

وقرر انة يعالجها بس البنت رفضت العلاج

وقالت لية اعالج ولية اعيش من دون ما اخذ الي انا ابي ؟

الاب وعدها ان شفت انة يعطيها الي تبي

فرحت البنت وخلاص تبي تسافر


المفاجأة

وفي الطائره توفت ساره وعندما علم خالدولدعمهاعن وفاتها

لم تتوقف عيناه عن البكاء حتى إختفى لون عينه

وصار اعمى؟

كتب الامير كلمات تشيب الراس صراحه

وهي كلمات المسافر راح

اسمعوها وخصوصا لما يقول

يا الله يا قلبي سرينا ضاقت الدنيا علينا

وبعد

لما يقول

هذا وجهك يالمسافر لما كانت لي عيون

وينها عيوني حبيبي سافرت مثلك حبيبي

يقصدعندما يتذكر خالد وجه محبوبته ساره أنه صار أعمى

*************

وهذه الكلمات التي تمثلها

**************



لا تلوح للمسافر
المسافر راح
ولا تنادي المسافر
المسافر راح
يا ضياع أصواتنا في المدى والريح
القطار وفاتنا
والمسافر راح

يالله يا قلبي تعبنا من الوقوف
ما بقى بالليل نجمة ولا طيوف
ذبلت أنوار الشوارع وإنطفى ضيّ الحروف
يالله يا قلبي سرينا ضاقت الدنيا علينا
القطار وفاتنا
والمسافر راح

مادري باكر هالمدينة وشتكون
النهار والورد الأصفر والغصون
هذا وجهك يالمسافر لما كانت لي عيون
وينها عيوني حبيبي
سافرت مثلك حبيبي
القطار وفاتنا
والمسافر راح

 

الســـلام عليكــم ..

مســاكم ..|.. صبحكم .. الله ... بالخيــر جميييييييع

القصيـدهـ نابعهـ من موقف حصل للشاعر بصري الوضيحي الشمري وهو رجل مسن ( عود )

كان بصـري من أجمل الرجال في صباه فاوغل في هواء البنـاتـ ومضى به
قطار العمر ويومن كبــر الرجال خذوهـ عيـالهـ للحج واثناء الطواف ويومن جاء بيحب الحجر الاسود
إلا بخد بنت ٍ فيها الجمال اوصاااااف اقرب لهـ من الحجر فقبل خدها ، وعــاد اللي حولهـ صاحو بهـ ..:

تاه العود !!

تاه العود !!

تايه يالعود تايه ..

فقــال : التايه اللي حججني وهو يعرف أن غبار السنين ما محى خضـار قلبي ،
بعد هالحادثهـ قال متـذكر ..::



التايـه اللـي جــاب ..بـصـري يقـنـه
جدد جروح .. العود و العـود قاضـي

جيـنـا نـحـب ..ونطـلـب الله.. جـنـه
جنة نعيمٍ .. يوم يبس .. اللحاظـي

ياليت ..كانت حبتـي .. فـي معنـه
يوم العيـون عـن الخوامـل غواضـي

يامـن يعاونـي ..علـى وصــف كـنـه
اشقح ..شقاح ..ولاهقٍ ٍ بالبياضي

لا ريحـتـه .قـشـرا ولا هي..مصـنـه
ريح النفل بمطمطمات .. الفياضي

ونـهـود.. للـثـوب الحـمـر شولعـنـه
حمرٍ ثمرهـنٍ واقفـاتٍٍ.. غضاضـي

و الخـد .. ذابـوح ..القـلـوب المـرنـه
بـراق مـزنٍ لاعــج الـلـون ..يـاضـي

ياليت .. لو سني على وقم سنـه
بايـام مـا بينـي .. وبينـه .. بغاضـي

ايام جلـد.. الذيـب عنـدي .. محنـه
نصبح وزرق الريش لهـن انتفاضـي


وا جـرح قلبـي جــرح وادٍ .. وطـنـه
غـر المـزون اللـي وطـنـه وفـاضـي

والبيـض قبلـي محسـنٍٍ.. عذبنـه
ونمرٍٍ على وضحا جرا له عراضـي

والبيض .. كم مـن واحـدٍٍ يبسنـه
يبست شماليل العذوق النفاضـي

عـزي . لمـن غـر ..الثنـايـا .. كـونـه
واركـن علـى كبـده كوايٍـا اعراضـي

شوفي بعينـي و الخـدم .. يركبنـه
بنـت الشيـوخ مخدميـن الحياضـي

على اشقحٍٍ من زمل ابوها مظنه
ركبت عليـه اتشنطـحٍٍ باعتراضـي

بمشجرٍٍ من سـوق هجـرٍ ..مغنـه
علـى خياطـه نـاب الارداف راضــي

وين انت يالمشفٍي على طردهنـه
انا طويـت ارشـاي واقفيـت قاضـي

أحــدٍ يطـيـح بـنـار وأحـــدٍ ..بـجـنـه
وترى الحظيظ اللي له الرب راضي



و يقال ان بصري يومن رجع لأهله انشـدوهـ جماعته وشلون الحج معكـ يا بصري..!!

فقال مقولته المشهوره:

ياليتـنـا مــن حجـنـا .. سالميـنـا
كان الذنوب اللي علينا خفيفـات

رحنـا نبـي نخفـف ذنــوبٍ عليـنـا
وجينا وعلينا كثرها عشر ..مرات

 

نصيحة سليمان بن شريم، لابنه عبد العزيز ( عزيّز ) :


عــزي لحـالـك يــا عـزيّــز وأنـــا أبـــوك
كــان الـزمـان الـلـي وطـانـي تـوطـاك

تــراه مــا ينـفـعـك خـالــك ولا أخـــوك
لا صــار مــا تقـضـي لـزومـك بيـمـنـاك

وربعـك إلـى بـان الخلـل فيـك عافـوك
أقـرب قريـبٍ لـك مـن الـنـاس عــاداك

إن كـثـر مـالـك صـدقـوا لــك وطـاعـوك
وإن قــل مــا بيـديـك شـانـت حـلايـاك

لو تطلب الماء عندهم كان ما اسقوك
أبعـد طريقـك عـن ظعنهـم وممـشـاك

كـنـك ســراج البـيـت للـنـور شـبــوك
وإلـى قضـى الـلازم حـدا الـربـع طـفـاك

وإلا كـمـا ليـمـونـة الـحـمـض مـصــوك
وإلـى قضـى منهـا الطـعـم طـوحـوا ذاك

تـراك لـو تنجـع علـى الرجـل صعـلـوك
أحسن من اللـي تلتجـي لـه وياطـاك

واحـذر عـن العيلـة تـرى الحـق مـدروك
مثـل العمـل يدركـك مــا مـنـه فـكـاك

واحلم على الجاهل ترى الحلم مبروك
وقم للضعيف اللي من الضيـم ينخـاك

وادمح خطا جيـران بيتـك إلـى أوذوك
تــرى القصـيـر و حـرمـة الـجـار بـحـمـاك

و قم للضيوف اللـي عنـوا لـك وضافـوك
أغــلا كرامـتـهـم حـجـاجـك و بـشــراك

و قـم للـرجـال إن رايـعـوا لــك و حـبـوك
واحشـم خويـك و أكرمـه عنـد ملـفـاك

وإلـى اعتبـرت بسيـرة النـاس كـفـوك
مـا كثـر مـن شـيءٍ تعّبـك ثــم عـنـاك

ولا تــبــات بــهــم دنــيــاك مـضــنــوك
مـا طـاب لـك مـا دام لـك وافتهـم ذاك

لو يطلبون اخفايـك النـاس مـا اخفـوك
الرجـل مثـل النجـم فـي كـل الأفـلاك

وصــلاة ربــي عــد الأوراق والـشــوك
أو نـــاض بـــرّاقٍ ومـــا هـــل سـفّــاك

علـى الـذي مـا فيـه ريـبٍ ولا شكـوك
مـحـمــدٍ مــــا دك بـالـقـلــب دكّـــــاك

 

قصيدة نصح، وتوجيه، للشاعر خلف أبو زويد، يخاطب بها ابنه دخيل:


دخيـل خـذ مـن والـد لــك مسـالـه
مسالـةٍ مـا يفهمـه كـل رجّــال

احشـم خـويـك عــن دروب الـرذالـه
ترا الخوي عند الأجاويد له حال

المـرجـلـه بـالــك تـرخّــي حـبـالــه
وبالـك تعيـل ولا تـراخـى لـمـن عــال

وإن كـان مـا تدعـا علـى كـل حالـه
تـراك مـن حسبـة هـدومٍ بـهـا أزوال

وإن كـان دلـوك مـا تميحـه شمالـه
تـرى الرجـال يطوحونـه علـى الـجـال

ورفيقك الدانـي إلـى شفـت حالـه
احمل عليك من المعاليق ما شـال

يـا عـل رجــلٍ عيـشـتـه قـــد حـالــه
عـسـا تــدور زوجـتـه فـيـه الأبــدال

الحـمّـره تـــدرك معـيـشـة اعـيـالـه
وإلاّ الرجل يبغا منـه بعـض الأحـوال

واختار لك مـن عـوص الأنضـا زمالـه
حمـراء تـورد بـك إلـى صنقـر الــلال

خلـه مــع الـديـان تمـشـي لحـالـه
كان ما أنت للمسة الخشم حمّـال

لــو ربــع يــومٍ مقـعـدك بالشـكـالـه
يسـوا حـيـاةٍ عايشـيـنٍ بـهـا أنــذال

 

الشاعر معلاّ بن محمد، من الجملا، من ولد علا، من بني سالم، من قبيلة حرب، يمتاز شعره بحسن الإيجاز، ووضوح المعنى، ويتخلله شيءٌ من الحكمة، له هذه القصيدة، يخاطب بها حفيده خضير بن مناور بن معلاّ، عندما أصبح طاعناً في السن:

كان تنشدن يا خضير هاذي علومـي
الـشـوف دانــي والـقـدم فـيـه خـلّـه

أونس بقلبي مـن مقامـي اهمومـي
وعلـيّ مـن طـاري مقـامـي اشكـلّـه

زودٍ علـى الثنتيـن حطـيـت شـومـي
والـيـد مــن نـتـق العـصـا مستـمـلّـه

تـبّــاع لـلــي مـــا يـمـومـه يـمـومـي
يضرب على العيلات ما قلت لله

ومـا كــل مــن يحـيـا حـيـاةٍ تـدومـي
ولا كل من حصّـل حصيـلٍ حصـل لـه

العشـب لـو يخـضـر وراه السمـومـي
لــو كــل يــومٍ والـروايــح تـعله

 

http://www.youtube.com/watch?v=fVyjWjcadzs

 

يقولون والعهدة على الراوي إنها للشاعر : عبدالله بن شايق القحطاني قصيدة أقل ما يقال عنها رائعة
جزلة لأبعد حد و موضوعها اجتماعي زادها جزالة و عذوبة :



الأجواد واجـد والمراجـل لهـا كسـاب* لكن واعد العشـرة ليـا صـرت جمالـي



يطير الشـرار وكـل نـارٍ لهـا شبـاب* ومن ولع النيران يصبـر علـى الصالـي



تجارب حياتي معجزة والدروب أصعـاب* ولقيت الرجال أنـواع و ألـوان و أشكالـي



صديق الشدايد ما خذا منك علـم وجـاب* وسيع الصدر يضحك ولا هـو بزعالـي



صديـق الشدايـد لا ينافـق ولا يغتـاب* يدلـه غريـب الـدار ويزيـن الجـالـي



وصديق الرخى عقاب ومصادقـه عقـاب* شجاع الحكـي والمـدح بالقيـل والقالـي



وصديق الرخى ما غير صورة ولبس ثياب* يا ليتـه يبرقـع مالـه شمـاغ وعقالـي



وعنـدي نصيحـه جـد ماقلتهـا لعـاب* أقول الصحيـح ونايـم القلـب يصحالـي



ترا خوة أهل الطيـب يالطيبيـن أطبـاب* يطيـب السقيـم وخـوة اللاش سـلالـي



تغانم شبابك يا أبيض الوجه دامـك شـاب* ترى البدر لو يطلع قمـر عـود هلالـي



فلا تهجر المسجد وخلـك ورى المحـراب * ترى روضة المسجد لهـا منـزلٍ عالـي



ولا تترك اللي يزهمـك خايـفٍ مرتـاب * ترى الذل ما نجـى الثعـل بـالتحيالـي



ولا للنداء غير الفداء لـو تـروح أرقـاب* ومن ضاع شوره ياخذ الشـور ويمالـي



ومن باشـرك بالعـذر لا تلحقـه بعتـاب* ولا تشوف نفسك شيـخ والنـاس عمالـي



ولا تهين نفسك لو تجي بين ضرس وناب* وهيبتك لا تنقـص ولـو ربـع مثقالـي



وبنت الردي لا يعجبـك زينهـا الجـذاب* تراهـا كمـا المخيـال خيـل وتخيالـي



ولو شفت حمر خدودهـا وثمـان أعـذاب* لا بدك تمنى ليـت مـا جالـك أعيالـي



ولدها ليا شاف النقـى والملاقـى هـاب* ذليـلٍ بخيـلٍ فيـه خفخـاف وجفـالـي



أخذ بنت قرمٍ طيـبٍ ساسهـا مـا عـاب* تنومسك بنـت الشبـل ويجيلـك أشبالـي



عيال الذياب تصير مثل الذيـاب ذيـاب* و عيال الثعالـب مثلهـا زهـر الاذيالـي



وفرخ الصقر مثله وفرخ الغراب غـراب* و بـوم الخـراب ايقابـل العـش ويلالـي



إلى صار راسك فوق يا طيب الأنسـاب* فـلا ينحنـي لأقـدام رجليـن ونعـالـي



لكن الله اللي يكتـب الـرزق يـا خطـاب* هو اللي يفـك البـاب ويقـص الاقفالـي



ولا يهمـل الا واحـدٍِ عايـفٍ الاشبـاب* ولا ضيع حقوق البشر غيـر الاهمالـي



وترى للقصايد كيف و الكيف لـه شـراب* وانا ما أشرب الا كيف راسـي بفنجالـي



ولا أطاوع الجاهـل ولا أجامـل النصـاب* أقـدم يميـن الحـق واحــط معـدالـي



ولا نيب والله طيب ن له مـع مـن طـاب* ومن طاب لي بأرخص له الحال والمالـي



أكذب وأنا خابـر وأجامـل وأنـا كـذاب* سنين مضت هـي صـدق والا يورالـي



تلخبط جهاز المخ وانهـارت الاعصـاب* وفورة دمـي وارتفـع ضغطـه العالـي



لكن في رجى اللي من رجى رحمته ماخاب* هـو الواحـد العالـي وهـو ربنا الوالـي



وهو الخالق الرازق وهو المعطي الوهـاب* لـه الملـك كلـه والكمايـل والاكمالـي



رؤوفٍ رئيفٍ رحمتـه تنقـذ المنصـاب* يغيث الديـار الممحلـه عقـب الإمحالـي



شديد العقاب ويعتق المذنـب اللـي تـاب* عسـى مـا يواخذنـا بسيـات الاعمالـي



كما قالـه الله فاصبـروا يا أولـي الالبـاب* ترى الصبر زين وكلمـة الحـق تنقالـي



واصلي واسلم عد مـا تنبـت الاعشـاب* وما لاح بـراقٍ سـرى يشعـل أشعالـي



على المصطفى اللي وحد الدين والاحـزاب* شفيـع أمتـه يـوم الهوايـل والاهوالـي

 

مريت على مجلسنا المعمور مجلس المحاورة الشعرية ( اللي صار تذروه الرياح )

ولي عودة بحول الله مع أجمل المحاورات اللي هناااك

دمتم بخير

 

هذي محاورة رائعة .. بصراحة بعض أبياتها ذكرتني بالمحاورات الأولة

و هي بين mohammed10 و الـزنـقـري طول الله عمارهم على الطاعة

اللي بدعها محمد

mohammed10:
عندي علوم ٍ يا عرب مركومةٍ مثل الجبال
ما نَوّخَتْ غير الضعيف اللي عجز يشتالها
اللي يبي يبحر معي في غبةٍ ماهي زلال
يبعــث جوابه فالقناة اللي تبث ارسالهـــا

الزنقري :
يا مرحبا بك هيل عد السيل والمعنى سجال
بيني وبينك والفرس زمّت على خيالها
شفت الحمول الجايرة ترزح على ظهر الجمال
ارسم طريق القافلة ياصاحبي وانا لها

mohammed10:
القافلة يالزنقري فيها من أمّات الشوال
والمشكلة في بكرةٍ ما زِيِّنت بشوالها
مكشوفةٍ قدم البشر ما عقّلوها بالعقال
لا قرّبت يم الفحل طشّت عليه حبالها

الزنقري:
لابد تظهر عيسنا هيبة وغاية فالجمال
حتى ولو هي داعقة ما ذب تشل احمالها
خل الذلول الصاعبة تطرق ولا هي بالحيال
الله يـستر عـيـبنا والله يرحم حالها

mohammed10:
لو الجرب قد صابها مايندفع فيها ريال
ما تنستر لو إنها تبْ تدّرِق بلحالها
لازم نورد ذودنا تشرب محاميد الخصال
أما العصية تمترح مع هرشها اللي جالها

الزنقري:
سمحان ما ضرّه قراد(ن) بين اذانيه الطوال
يهبد بنيبانه وزوره فأرضها وجبالها
مادام حادي العيس يعسفها فلا تبرد محال
النار من شبابها والعيس من جمّالها



صح الله ألسنتكم و الزنقري ضروري نشوفه

 

وهذي بيني و بين ( غريب لكن ذيب ) :


غريب لكن ذيب :

سلآم الله سلآمٍ مآ يسـلّم فـ أوّل المحرآف \\ سلآم الحقّ أخير من الظليمة .. و أسر يآ سآري ..،

يخلف الله جهــود أبو خليــف و لآ عليــه خلآف \\ يجــرّ الصوت و عيونه كريمه .. و أسر يآ سآري ..،


أبو خليف :

هلا يا مرحبا بك يا هلا دام الحمول خفاف \\ سلامة و السلامة لك غنيمه ... واسر يا ساري

جهودي ما تضيع ولا وقفت أحمي لك الميقاف \\ ولكن نيتك ما هي سليمه ... واسر يا ساري


غريب لكن ذيب :

علآمك تحذف الكورة و تلعبهـآآ على الأطرآف \\ أنآ مآ أخطيت لأجل آخذ قسيمة .. و اسر يآ سآري

أنآ خآبــرك مــــن نآسٍ تغنّي و القلــــوب نظآف \\ تغنّيهــــآ على دقّــــة قديـــمة .. و اسر يــآ سآري


أبو خليف :

يقولون العرب صرف الذهب يسهل على الصراف \\ أبصرف لك وأشد شداد ريمه .... و اسر يا ساري

وأنا بأنشدك يالذيب المخوم في ذرى المشراف \\ علامك ما معك صبر و عزيمه ... و اسر يا ساري


غريب لكن ذيب :

ترآني صآرفٍ لك نصف صآع .. و لكن الأنصآف \\ تبـآهآ كآملة شكلٍ و قيمة .. و أسر يآ سآآري ..،

أثرك اللي معك حيلٍ كبير .. و فآهم و عرّآف \\ و لكن كل طقّة بـ اتعليمــة .. و اسر يآ سآري ..،


أبو خليف :

ما اريد إلا العلوم اللي على وضحى النقا تنشاف \\ كانها راحلة ولا مقيمه ... و اسر يا ساري

ليا من شبت النيران من هو صامل ن ما خاف \\و جمر السمر لا تقرب جحيمه ... و اسر يا ساري

 

آخر اختباراتي غدا إن شاء الله مايو 27

دعواتكم

 

خاطرة أبو خليف بمناسبة قرب الإجازة :

جتنا الإجازة يا أبو خالد و ريحنا \\ عقب الشقا والليال المكفهراتي

أبدعي الله بكل حزة ينجحنا \\ وأنتم ليا ادعوا يخفف من معاناتي

 

http://www.youtube.com/watch?v=hx6WTsNA3pQ

 

http://www.youtube.com/watch?v=A-A_pmaZct8

 

http://www.youtube.com/watch?v=riDDPe6pVKc

 

الشيلات الحقيقية (القديمة) اسمعوها يا هل الشيلات وتعلموا واستوعبوها زين
من الشاعر خليل الشبرمي:

http://www.youtube.com/watch?v=4Kh5iAi5cno

 

السلام عليكم و رحمة الله و بركاته

عدنا و العود أحمد بعد فترة نقاهة

حياكم الله

 

قصيــــدة في الحكمة أقل ما يقال عنها جزلة ,, اشتهر منها هذا البيت \

الفقر ماهو عيب تدري وش العيب \\ إنك غني و البيت محد ن يدله

وأنا صراحة كنت ما أعرف قايلها و سمعت إنها منسوبة لإبن جدلان الأكلبي البيت هذا و بيت ن قبله يقول

لو الفقر ضيف ن و حنا معازيب \\ يا مرحبا بالفقر دقه و جله

لكن بعد التحري و التدقيق وجد أنها ليست لإبن جدلان ولكنها بيتين من قصيدة رائعة للشاعر رجاء بن فهيد

الهاجري يقول فيها )))(((


ماجيـت أدور مـال ولا مكاسيـب
ولا مهونـة نـفـس ولا مـذلـه

أما نسندها علـى جمـة الطيـب
ولا نحدرهـا علـى خيـر مـلـه

النفس عدت في طوال المراقيـب
بالعز كنهـا دولـة (ن) مستقلـه

أسوارها كل الضلـوع المحاديـب
وأبوابهـا مثـل النجـوم المطلـه

والحظ ظلماء والليالـي مشاهيـب
والوقت لغز(ن) يتعب الناس حلـه

وحنا تحت رحمتك يا عالم الغيـب
تغفر لنا مـن كـل هفـوه وزلـه

لو الفقر ضيـفٍ وحنـا معازيـب
يا مرحبـا بالفقـر دقـه وجـلـه

كرمان لو دارت علينـا الدواليـب
وظفران لـو أن المزاهـب مقلـه

الفقر ماهو عيب تدري وش العيب
أنك غني والبيـت محـد ن يدلـه

ماهو بمدهال اللحـى والأشانيـب
مقفل (ن) بابـه وقفـر ن محلـه

واللي يصر القرش في داخل الجيب
هو يحسب إن النعم سهـل يحصلـه

حفاوة الطّيـب كثيـر التراحيـب
مطلق عمس ضيفه حجاجه يفلـه

ماهو على ضيفه قريّب محاضيـب
إلا مـداه بعيـد مـا جـاك كلـه

واللاش ما سر الخوي والأصاحيب
من طاوله مله ومـن جـاه ملـه


صح لسان الهاجري قصيدة وافية و كافية

 

ولنا مع الفصيح وقفة

أمَا وَالّذِي مَا شَاءَ سَدّى لَعَبْدِهِ،
إلى الله يُفْضِي مَنْ تَألّى وَأقْسَمَا

لَئِنْ أصْبَحَ الوَاشُونَ قَرّتْ عُيونُهُم
بهَجْرٍ مَضَى أوْ صُرْمِ حَبلٍ تَجذّمَا

لَقَدْ تُصْبِحُ الدّنْيَا عَلَينا قَصِيرَةً
جَميعاً وَمَا نُفشِي الحَديثَ المُكَتَّما

فقُلْ لطَبيبِ الحُبّ إنْ كانَ صَادِقاً:
بأيّ الرُّقَى تشفي الفُؤادَ المُتَيَّمَا

فقالَ الطبيبُ: الهَجرُ يَشفي من الهَوى،
وَلَنْ يَجْمَعَ الهِجرَانُ قَلباً مقسَّمَا


الفرزدق