شوركم بقرار مصيري جداً

أحي فيك هالحماس ورغبتك في تطوير نفسك ، لكن للأسف الواقع مختلف
كونك تحمل الماجستير مايعني انه بتفتح لك فرص أكثر او تتوظف بمميزات أفضل.
و في نقطة انتبه لها وهي لو انك ناوي تقدم على الوظائف الأكاديمية بعد ماترجع ، في شرط لأغلب الجامعات والجهات إن شهادة الماجستير تكون امتداد لتخصصك في البكالوريس .

 

لو تحاول مع شركتك مرة ثانية بحيث انك ترجع لهم افضل لاني اشوف ان فيها مخاطرة لان محد مقدر خبرتك مثل شركتك الحالية

 

أخي الكريم لا تجازف و تخسر الكثير
حاول تدرس على الانترنت أو مسائي المهم لا تفرط بوظيفتك نهائيا

ما شاء الله عليك خبرة طويلة و متحمس للعلم أهنييييييييك و الله لكن للأسف واقعنا مؤلم

 

معليش عندي سؤال خارج الموضوع إذا تسمح ، أنت تشتغل من يوم عمرك ١٥ سنة ؟ لاني ملاحظ ان عمرك ٣٠ وخبرتك ماشاء الله ١٤ سنة ، بالعادة اللي بهالعمر تكون خبرتهم بين ٦ و ٨ سنوات

 

في ظل الظروف الراهنه تمسك بوظيفتك ولا تفرط فيها ابداً
ناس كثيره لهم سنين يدورون وظايف ولا حصلو وااخوف تروخ وترجع تصير مثلهم والحين محد يبي شهادتين مختلفه عشان يوظفك، لو رجعت بيقولون خبرتك على شهادة البكالوريوس هي الي نبيها اما الماستر مو اهتمامنا

 

احذر تفرط بالوظيفه مهما تزهل لك احد .. ماشاء الله وظيفتك ممتازه والماجستير تقدر تاخذه وانت بمكتبك سنتين وانت قاضي منه
لكن معليش سوال كيف عمرك 30 وخبرتك 14 سنه ؟ شهادتك متوسط او تشتغل بشركه احد من اقاربك

 

أنا والله في نفس الحيرة...
حالياً موظف حكومي براتب (10,600) وجتني بعثة أكمل ماستر لبريطانيا لمدة سنة ضمن برنامج (بعثتك وظيفتك)
للأسف مسمى الوظفية الحالي لاتناسب شهادتي العلمية وبعيدة كل البعد من تخصصي ولكني مستقر ومرتاح نفسيا وقريب من الأهل
والبعثة مجال تخصصها دقيق (هندسي) وليس لها مجال واسع في السعودية بعد التخرج الا مع جهة الابتعاث وجهات محدودة ومكان العمل بعيد والراتب مقارب لراتبي الحالي لكن على الأقل راح اشتغل بمجال تخصصي
والله محتار أترك الوظيفة والراتب والاستقرار أو أكمل ماستروأتهجول بعدين؟؟

 

نصيحة لوجه الله..
انتبه تفرط بوظيفتك..
الي بوظيفته الخين متمسك بها بيديه ورجليه..
نصيحة لوجه الله وخصوصا انك مازوج وانتبه تضيع بنفخ الحريم..
ترا رجال راحت فصلت بحجة اروح مع زوجتي تكمل ماستر.
زوجته رجعت نكرت فضله وجميله وهو الي درسها.
وفي الي سفرها وونسها واخذها معه لكن لما رجع ماتوظف وشوف العيارة..
والآن اقولك بغض النظر عن زوجتك لو بتكمل تكمل هي عتدك وانت بالسعودية . لكن الوظيفة اياك ثم اياك تفرط بها. تراك الخسران الوحيد والماستر ماراح تسوي لك اي شي وخبرتك لحالها تكفي

 

الطموح طيب ولكن وش حدك ع المر الا اللي امر منه دام عملك مايعطيك اجازه بدون راتب لا تغامر والطموح لاحق عليه صحيح فرصة ولحد عندك ولكن بعد السنة بتتعب ع بال ماتحصل وظيفة اذا ماعندك واسطة .. وعموما انت استخير وعسا الله يدلك ع الخير والخيرة

 

يعتمد على وضعك العائلي، دام إن الفائده لك ولها فالروحه للبعثه لها امتيازات للطرفين.
سواء كانت على المستوى الدراسي، الاجتماعي، الثقافي وحتى بينكم الطرفين ... حتكون تجربه ثريه تضاف لكم.
معاك خبره ممتازه وشهادة الماستر راح تعطيك على الخبره امتياز إضافي.

لكن خل عندك قابليه وتصور أنه مو شرط تحصل وظيفه مباشره فور عودتك .. فخلك مجهز وضعك لمدة سنه مثلاً مأمن روحك على أنها احتمال تكون فترة بحث عن وظيفه ( بس باذن الله على معطياتك م تحتاج فتره طويله للبحث ) .

الفرصه تستاهل اذا وضعك مرن ، ولا راح تتكرر بنفس الميزات .

 

اذا انت مقتدر ماليا و ما عندك اشكالية ان بعد عودتك من اكمال الدراسة عندك الامكانية تمشي أمورك بدون وظيفة لفترة نقول تمتد الى سنة ف روح كمل دراسة و ان شاء الله راح تحصل الأفضل بحكم عدد سنوات الخبرة .. الخوف هو للفريش اللى يكمل دراسة الماجستير هنا المشكلة و ليس لأصحاب الخبرة

 

نصيحتي لا تفرط في وظيفتك
بس بخصوص الخبرة الي اعرفه ان التامينات الاجتماعية ترفض تسجيل من يقل عن 18 عام
كيف انت عندك خبره من يوم عمرك 15

 

وعليكم السلام

ماشاء الله عليك مثال يحتذى به

بس سؤال ليه ما فكرت في الجامعة الالكترونية السعودية ؟
تقريبا عن بعد بس تعطي ماستر انتظام الحضور قليل للجامعة وتبقى في وظيفتك وتحقق هدفك انه تحصل على ماجستير

سالفة أنه تفرط في الوظيفة ما اشوف انه منطقية

الله يكتب لك الخير وبالتوفيق ..