صيف MATH101 و ICS103

وعليكم السلام ورحمة الله وبركاته

المادتين دسمة اشوي مع بعض ، ويبي لها متابعة مكثفة أول بأول عشان تطلع بقريدات كويسة.
شخصيا ما انصح بهالمادتين مع بعض ، خصوصا إن ICS 103 تعتمد على الكوردنيتور اللي بيمسكها ، بعضهم ممكن يسهل المادة وبعضهم ممكن يخلي فيها هوموركات كثيرة وبروجيكت ، ومع الماث بيكون صيف مضغوط.

الخلاصة: إذا ما عندك مشكلة تتابع في الصيف أول بأول وتجتهد مضبوط ، المادتين بتكون مناسبة لك. غير كذا ، ما راح يكون خيار كويس انك تبدأ الفريشمان بهالمادتين في الصيف.

طبعا الدكاترة ما تقدر تعرفهم ، يعلنون اسماؤهم قبل الصيفي باسبوعين الى ثلاثة أسابيع.

هذه خطة مقترحة للصيف ، في حال نويت تسجله:

MATH 101
IAS 101
PE 101 (إذا تبي أجلها لبعدين)

 

mr.a كفى و وفى
لكن الي بقوله اذا ناوي السنة الجاية تنزل صيف 173 فما راح يفرق كثير لو نزلت math 101 هالصيف
وعلى العموم الماث 101 + 103 كورسات سهلة لكن مب الكل يقدر ينزلهم مع بعض وخصوصا في الصيف لأن بيكون عندك لابين ics كل اسبوع + لو ماعندك معرفة بالبرمجة راح تتعب ويحتاج الكورس متابعة أول بأول

حدد تخصصك و سو خطة الى 173 عشان الشباب يساعدوك اكثر , لأن الخطة للسمستر واحد ممكن تخليك مرتاح في 171 بس تنضغط في 172 أو ماتستفيد من دراستك هذا الصيف .

 

فزكس 102 يفتح EE 202 فما تقدر تأخذهم في نفس السمستر .

رايي مثل عبدالرحمن , نزل
163
MATH 101
IAS 111
PE101

171
MATH 102
PHYS 101
ENGLISH 101
IAS 101
PE 102

172
ICS103
PHYS102
ENGLISH 102
CISE 201 = ساعة وحدة
math 201


173
math 260
gs xxxx أو تنزل me 203 في حالة وحدة وهي إنك بتشد حيلك وبتتابع أول بأول لأنها سهلة بس لازم تعرف كيف تستخدم ال tables في اول ثلاث اسابيع وبعدها بس تحتاج حل مسائل وتدريب .

&
هذي خطة التخصص
http://www.kfupm.edu.sa/departments/se/SiteAssets/undergraduate/Student-Guide-CISE-2013.pdf
وهذا الرابط فيه المتطلبات لكورسات التخصص
http://www.kfupm.edu.sa/departments/se/SitePages/en/ContentDetailsPage.aspx?CUSTOMID=5#201

نهاية السمستر اذا اخترت التخصص من البورتال , ارسلي رقمك عشان الشباب يضيفوك لقروب التخصص على الواتساب

بالتوفيق

 

مايفرق كثير , لكن 212 اسهل من العربي 101

خطتك زينة لكن في 172 لأنك بتشيل ics فساعاتك بتصير 11 والحد الأدنى 12 و وحتى لو نزلت ias 101 وصارت 13 السمستر بيكون خفيف و13 ساعة نوعا ما قليلة الا لو ودك تريح و ماعندك كورسات ثانية تنزلها في 172 غير الاسلامي والعربي او بتنزل فري الكتيف من تخصصات الادراة مثلا econ , mis215

خطتك بتكون كذا :


163
MATH101
IAS212
PE101

7 ساعات

171
MATH102
PHYS101
ENGL101
ICS103
PE102

15 ساعة


172
Math 201 = 3 ساعات
phys 102
cise 201 =1
ias 101
english 102
انصحك تنزل free elecive سهل وبكذا تكون ساعاتك 16 .



173
Math 260
GSXXX أو me 203 أو english 214 مع جوش بلام .

6 ساعات

 

المادتين مايصلحون صيف مع بعض. خصوصا ics لانها ١- مادة افرج والافرج عالي في الصيف.. ٢- المادة يبيلها فهم اكثر في الترم العادي.
الماث نفس الشيء الافرج عالي لكن تعتبر احسن من ics بالصيف.

المهم استغل الصيف وخذه.. math ومعها مادة ثانية مثل عربي or اسلامي.. كل التوفيق لك.

 

الصيف الماضي كان آفرج الـ ICS طايح ، لدرجة إن الـ +A كانت تبدأ تقريبا من 85
طبعا هذا مو شيء عام ، لكن قلت أذكره.

 

^ ICS 102 بالصيف الي راح الافرج العام بالسبعينيات

 

^ اقصد 102 .. مااعرف عن 103 بس بشكل عام دائما المواد تكون افرجها عالي في الصيف
مثل الانجلش ، والماث ، والكمستري،...