ضروري: ماهي مميزات أرامكو لمهندسي البترول

للمهندسين: بالتوظيف خريج البترول وخريجي السي بي سي وبعض خريجي الجامعات العالمية يحصلون على نفس القريد والراتب والامتيازات وجميعكم يمشي على نظام السلم الوظيفي
الفرق فقط في الادارة التي ستعين عندها وما يميزها عن الادارة الاخرى ومكان العمل

لكن خريج تخصص هندسة البترول تريد تفاصيل عنه اعذرني لا أملك أية معلومات

 

وعليك السلام..
نصيحتي لك لا تفوت العرض بتاتا البته غيرك يحلم فيه ترى..
وبعدين انا كنت مثلك دخلت هندسه البترول بالجامعه وانا ما ابيه بس حبيت التخصص صراحه ومشيت فيه وتوه جاني قبول ارامكو ابتعاث داخلي والحمد لله على كل حال (ما شاء الله تبارك الله)
المميزات كالتالي لطلاب ال cdpne = cpc في حال ابتعاثهم للبترول
راتب شهري 3000 + علاوه كمبيوتر 1500 دولار امريكي (قبل ما تصير جونيور من ضمنها السنه التحضيريه سواء عندهم او بالبترول)
راتبك يصير 4500 ريال (بعد ما تخلص 63 ساعه)
مكافئات مجزيه للمتميرين دراسيا تحسب نهايه كل فصل وتصل الى راتب كامل
سنوات الدراسه تدخل ضمن سنوات الخدمه..
فيه ميزه مهمه جدا توني دريت عنها من مسؤول التوظيف الاخ طارق العتيبي وهي ان طلاب cpc يتميزون عن غيرهم بانه بعد التخرج تكون زياداتهم في سلم الرواتب على اساس نصف سنوي.. يعني الزياده في الراتب تجيك كل 6 اشهر بعكس باقي الموظفين اللي تزيد عندهم كل سنه..
بالعربي ارامكو مهتمه بطلابها المبتعثين بشكل خاص وناويه تسلمهم دفه الشركه في السنوات القريبه القادمه..
-----
نجي للعيوب
يلزمونك تنزل 15 ساعه كل سمستر
يلزمونك تنزل فصل صيفي واذا رفضت يشغلونك عندهم اي شغله
السنه التحضيريه في ارامكو ٣ فصول دراسيه (كرف * كرف)

عاد انا سردت اللي اعرفه ومتأكد منه ان شاء الله ما عدا الراتب قبل ما تصير جونيور مو متأكد 3000 او 2500
الحين الباقي عليك استخر وشوف اذا تناسبك ولا لا

ملاحظه: انا جاني قبول عندهم بعد الثانويه لكن فرطت فيه وخشيت البترول رضوخا لرغبه الوالده الله يحفظها لعدم رغبتها بان اسافر للخارج بس يعلم الله اني تمنيت لو دخلت لأنه فاتني الشئ الكثير من سنوات خدمه ورواتب وغيرها والحمد لله على كل حال..
يالله باقي ثلاث سمسترات عالتخرج والله يعديها على خير.. فصراحه لو مكانك افكر الف مره قبل ما ارفض هالعرض
بالتوفيق،،

 

الله يعطيك العافية على الرد ما قصرت مع الرجال

لكن/

حتى أنا توني أدري عنها منك
الله ينور عليك زي ما نورت علي بهالمعلومة
اعتذر عن كلامي بالرد السابق واتراجع عنه


ومبروك قبولك بارامكوا والرحلة الدولية

 

أخوي معلوماتك غير صحيحه
الزياده كل ستة شهور فقط ل pdp يعني للموظفين الجدد بغض النظر كان سي بي سي او غيره
يعني اي خريج جديد ينقبل في ارامكو يكون تبع برنامجد البي دي بي وزيادته كل سته شهور

 

^^^
الاخ قحطاني
اولا: المعلومات مو معلوماتي عشان تقول صحيحه ولا مو صحيحه..
طارق العتيبي (قسم التوظيف) رقم المكتب المباشر ٨٧٧٠٢٥٧
هذا كلامه وقاللي بالحرف الواحد طلاب cpc ارامكو تهتم فيهم بشكل خاص..
ثانيا: زياده للتوثيق اذا ما اقتنعت بكلام الاخ طارق ترى توني رايح للhr قبل كم يوم عشان اخلص باقي الاجراءات ولما سألت الموظف (المسئول) قالي بالحرف الواحد ان زيادات طلاب الcpc بعد التخرج *على اساس كل ٦ شهور لمده ثلاث سنوات وبعدين تصيرون ((مثلنا)) كل سنه!! يعني قاللي من ناحيه الزيادات انتوا تسبقون الخريجين العاديين بمعدل ٣ سنوات تقريبا..*
وللامانه قاللي ان الزياده كل ست شهور بس مو بمقدار الزياده السنويه ولكن اقل منها بشئ بسيط..
واسمه محمد المزروع اسأل عنه اذا حبيت..
ثالثا: http://www.kabar.ws/news-action-show-id-9202.htm
هذا الرابط يبين جدول رواتب المهندسين معتمد من الهيئه السعوديه للمهندسين.. وواضح فيها ان الزيادات على اساس سنوي في -العمود قبل الاخير- ومن ضمنهم المهندس المبتدئ..
رابعا: انا مو قصدي الدفاع عن الزياده ولااني جيت (اتمدح) ويعلم الله اني احب لاخواني ما احب لنفسي وما راح يضرني بشئ لو كان فيه زياده للجميع لكن اسلوبك استفزازي صراحه، يعني لو فرضنا جدلاان هالمعلومه غلط!! تجي ماشي مليون وتقول معلومات(ك) مو صحيحه!! عممت كذا من الباب للطاقه..
طيب هذا كلامي موثق وتقدر تسأل عنه..وانا اعتبر ناقل له وعموما حتى لو انت موظف بارامكو ما يشترط انك مطلع على اخر التحديثات بخصوص الموظفين الجدد..

تأكد من كلامي الله يحفظك واذ طلع صحيح اطالب برد اعتبار

 

يبارك فيك حبيبي..
بس وش تقصد بالرحله الدوليه ؟ ترى لحست مخي؟!

 

ما قصرت اخ memet
بس ابي اعرف كم واحد بتروليوم قبلوه هذي السنه و كم كان الرينج للمعدل؟

 

^^
هلا بك اخوي..
بخصوص العدد والله كثير من الشباب حدود20 قدموا معي بنهايه ال091 وما اعرف انه انقبل منهم الا واحد
وترى توه جا الرد قبل كم اسبوع..
بس فيه ملاحظه مهمه وغريبه في نفس الوقت!!
الاولويه مو على المعدل او عدد الساعات والدليل هو الاتي:
انا معدلي تحت ال3 بشئ بسيط ( ما شاء الله)
وخويي اللي قدم معي معدله كان اكثر من 3.2 بشوي..
بس انا قبلوني وهو للحين ما جاه الرد بالقبول ولما سألهم نشبوا له وقالوا نبي تحديث ترانسكربت، مع اننا مخلصين نفس عدد الساعات!!
يمكن تعتمد من عالديبارتمنت بس ما عندي واسطه او شئ في حال خطر في بال احد
دعواتكم له تكفون والله ما يستاهل الا كل خير

 

الله يعطيك العافيه اخ ميميت
حبيت اسالك كيف نقدم على البرنامج وفي اوقات محدده
علما اني طالب في البترول

 

معلومات مهمة ومفيده جدا يا memet

الله يعطيك العافية

بالنسبة للتخصصات اللي يبغونها ارامكو للابتعاث الداخلي للي مخلص ساعات موفية الشروط والمعدل ايضا .. غير هندسة البترول

عندك اي معلومات عنها ؟

ومثلا قبلوني وباقيلي سنتين على التخرج

كم سنة يلزموني اشتغل عندهم ؟

 

أنا الصراحة عندي وجهة نظر في هذي المسألة :

1) إن كان الطالب يعتقد أنه لن يصبح معدله فوق 2.75 في الجامعة وقبل في cpc من رأيي أنه يدخله ويتوكل على ربه

2) إن كان الطالب يتوقع بأنه سيحصل على معدل عالي فأنا من رأيي أنه لا يدخل ويتوكل على ربه ويكمل في الجامعة لأن الواحد غالبا مايدري عن ظروفه وغالبا إذا كان معدله عالي الشركات بيكبون عليه كب والرواتب والميزات بتجيه أفضل من أرامكو بمراحل والمشكلة حتى ولو معدلك عالي هم يتحكمون في المنطقة اللي تشتغل فيها

أما عن نفسي ولله الحمد لم أدخل في cpc وحتى الترم الماضي أرامكو طلبت مني إني أحول للابتعاث الداخلي لكني رفضت لأني إذا خطر في بالي أني أبي أتوظف عندهم توظفت إن شاء الله بعد التخرج وأقدر على الأقل اختار المنطقة اللي أبيها وإلا في غيرها من الشركات أفضل منها

ودمتم سالمين

 

هلا بك اخوي..
تقدم عالبرنامج اذا استوفيت شروطه, لما تصير جونيور وتخلص ساعات معينه في التخصص ومعدلك ما يقل عن ال2.5
وتقدر تتصل عالاخ طارق العتيبي من قسم التوظيق بيفيدك اكثر
038770257

 

يعافيك حبيبي،،
والله اللي اعرفه يقبلون ماليه واي تخصص هندسه وجيولوجي وجيوفيزكس، بس القبول عاده يكون اصعب من تخصص هندسه البترول.. اعرف ناس ميكانيكل معدلهم فوق 3.8 قدموا معي ولا جاهم قبول للحين..
وبالنسبه لسنوات الخدمه يلزمونك تشتغل بقدر السنوات اللي صرفوا عليك فيها يعني سنتين..
بالتوفيق اخوي

 

قدمت عندهم في 092 يعني تقريبا اكثر من 5 شهور ولا رد ولا خبر

 

^^^
10000 ريال سعودي + 3 رواتب بدل سكن + راتبين شهر يوليو ورمضان + بدلات اخرى- التأمينات الاجتماعيه (ما ادري كم بس نسبه بسيط وهي لصالحك في الاخير)
وحط في بالك انه لما تتخرج بمعدل 3.00 او اكثر راح تجيك 8% زياده عالراتب البيسك يعني يصير 10800 وطبعا تزيد معك بزياده البيسك..
بالتوفيق واي استفسار انا بالخدمه،،

 

^^^^^^^^^^^^^^^
متى يردوا علما اني قدمت في 092

 

^^^
تاخذ لها من ٣ ل ٤ شهور انا مقدم من فبراير وتوه جاني الرد..
كلمهم اذا بغيت تتأكد،، كلم فؤاد الجعفري او طارق العتيبي..
بالتوفيق

 

^^^^^^^^
كيف اخويي اكلمهم و هل يوجد رقم او ايميل لتواصل او مكتب لهم علشان اروح لهم شخصي