ضُبط في حالة خلوة مع فتاة.. والقاضي أخذ بعين الاعتبار اختباراته الجامعية

مكان الموضوع غلط

انت في منتدى طلاب جامعه البترول

مو منتدى دار الافتاء والقضاء

 

يمكن قصدهم بالخلوه أنهم كانوا في السياره لوحدهم و قريب من كورنيش الدمام

ع العموم الله يهديهم ويهدينا جميعا

يارب سترك

 

حتى لو بكورنيش الدمام وقدام الناس دام ماتصير له، اكيد خلوة

لكن بصراحة ملاحظ في تطور ورقي بالتعامل مع مثل هذي القضايا


قبل فترة ضبطو شباب بالرياض يتحرشون بالعوايل وكان العقاب يعملون ل 7 ايام بمغسلة موتى [ اعتقد بعد العقاب بنشووفهم مشايخ ]




واليوم عمل لمدة 60 ساعة بنفس جامعته ومراعاة الظروف الي عنده خصوصا اختباراته




وداعا الجلد امام الناس وتكريهم بالدين


هيئة الامر بالمعروف يحسب لها هالحكم

 

و كالعادة أكيد يطلق سراح الفتاة عشان الستر

 

والله ما ودي اضرب مثال على أهلك, لأنهم يكرمون ومحشومين.

لكن تخيل الموقف؛ واحد حاط أهله في مكان ما, ويجون جحلط يتحرشون فيهم وتخليهم يشتغلون بس ؟؟؟؟؟
بدال ما يذبحهم راعي العايلة تكرمهم؟ الحكم لازم يطفي الغضب اللي في صدره ويؤدب الهمج.



صاحب الموضوع: الشباب تكلموا عن هالخبر.
وبعدين ما عندك مشكلة إن الدنيا تصير مفتوحة, وتطلع أي بنت لكن أهم شي ما فيه 4 جدران؟؟ 3 جدران عادي؟؟

 

يا صاحب الموضوع يا ليت تروح تذاكر ابرك لك بدال الفلسفة الزايدة
قال ايش قال الخلوة بين 4 جدر ان عجبي والله !!!!

 

وش تبي بالضبط !!!!!!!؟؟

مكان الموضوع غلط

 

مافي اقول رأيي في الموضوع
لكن ياخي ناقشوا الرجال مو لازم تتكلموا بأسلوب التعالي هذا
ترى رأيه ,, مو اجباؤي يا يكون زي رأيكم يا كل واحد يطول لسانه

 

طيب يا قلبي ترضى على وحدهـ من محارمك تطلع مع شاب بالكورنيش ؟؟؟

ليش مآ ترضى ؟ عآدي ما فيهآ خلوهـ

 

الجلد حد من حدود الله في بعض الاعمال, مثلا: الزنا لغير المحصن , ولا يحق لأحد أن يرفضه, أما الأحكام الصادره من القضاء , فهي تحتمل الصواب والخطأ, وكلها ترجع الى نظرة القاضي للقضيه

أنا عارف انك ما تقصد ان تبطل حد من حدود الله
لكن ممكن احد يفهمها بالطريقه هذي , وأنا اول ما قريتها فهمتها كذا

​

 

+1

الله يجزاك خير ..كنت برد نفس الرد بس سبقتني

 

افااااا الولد من جامعتنا
ههههههههههههههههههههههههههه

 

الله يجزاك خير على تووضيح الي اقصده




مثل ماتفضلت الجلد يكون على حد من حدود الله ولكن انتقادي ان التعزير يكون مبالغ فيـه






تحياتي لشخصك وفكرك

 

انا اوافقك 100% ، لكن البنت طالعه معه برضاها وجالسه معه برضاها وهو ماجاء تحرش فيها ، لكن الي يجي يتهجم ويتحرش على الصاينات نفسهن ، لا والله هذا اسمه اعتداء، ولو لا الخوف من الله اقوول ذبحهم حلال .


اهلك واهلي واهل القاريء كلكم محشووومين






وعندي تحفظ عالعقاب من ناحية البنت ليش مالها عقاب او شغــل !؟

 

معنى الخلوه في الدين .. هوا اختفاء الشخصين عن اعين الناس

انا مؤيد للهيئه من هذي الناحيه

بس المشكله اكيد جات على راس الولد والبنت فكوها مع انها هي راس البلاااااا

 

مايهمني بموضوعكم ^

 

الرجال يحاول يوضح معنى كلمة خلوة حسب ماهو فاهمه ،والي قاله يندرج باللغة العربية مو الشريعة والدين !



بالغت في ردك واسلوووبك



الله يهدي الجميع

 

والله المصيبه انها بكره تتزوج واحد ساتر نفسه ومتبع ربه وهي لها سوابق ولا أحد درا عنها
والمصيبه الأعظم انها لو انفضحت راح تدمر أهلها معاها فهذا الشي اللي يخليهم يستروها
ما أقول الا الله يمحي هالشاكله من بلدنا