طالب فايننس جديد ، زودونا بنصائحكم وإرشاداتكم لاعدمتكم

ذاكر اول باول
احرص على الفهم
احرص على الحصول على معدل عالي اول ترم ليكون دافع لك للحصول على معدلات عاليه في الاترام التاليه
وبالتوفيق

 

خياك الله اخوي هشام في 24

طلاب فرشمان الإدارة انتوا اول ناس راح يطبق عليكم البرنامج الجديد للتخصص

فأحرص على المشوره والسؤال

طبعا بما انك فايننس احب انصحك انك تعطي الاولوية في التسجيل للمواد يلي تفتح لك كورسات في التخصص زي الإيكون و الاكاونت والماث لا تتاخر فيهم نزلهم في وقتهم

 

^^

طالب فايننس ومسوي دعاية "MKT "

 

حياك الله وبتنور مبنى 24 ض١

مواد الادارة في الفريشمان تعتبر من سهلة الى متوسطه
عالاقل من وجهة نظري ولك فرصة كبيرة انك تاخذ فيهم قريدات حلوة

مواد الايكون والاكاونتنق.. اهم شي فيها انك تفهم من المحاضرة
بمعنى ان الحضور هو اهم حاجه فيها..حتى مولازم تذاكرهم "يوميا"
الحضور فيهم يكفي للفهم بشكل كبير مع مذاكرة اسبوعية او بعد كل تشابتر..
اما الmis مادة حقت حفظ صحيح انها غثيثة لكن مدرسين الكورس رهيبين
ومتعاونين بشكل كبير..
الماث 131 ..احلى كورس ماث اخذته, كورس حلو وسهل وخفيف والقريد فيه سهل
بإذن الله ..

فيه كذا نقطه احب اذكرك فيها.:
- حمل التي بي لكل مواد الادارة اللي تاخذها..لان بالعربي اسئلة الاختبار تجي منها بشكل كبير
خصوصا الmis & econ.
- لا تغرك سهولة المواد..ممكن تبدا وتشوف المواد سهله وتبدا تهمل وتقول سهلة فانتبه
لهالنقطه لأن كثير يطيح فيها.
- بالمياجر حاول تخلي تفكيرك يكون انك تجيب فوق 90% ..لاتفكر بنظام الارويا اهم شي فوق
هذي الدرجه ولا فوق الافرج وخلاص.
- كسمستر اول ..لا تنزل اكثر من 15 او 16 ساعه..لان بهالسمستر بتعرف وش وضعك.

وبالتوفيق ي هشام

 

^^^^

بالنسبه للـ تي بي ترا اغلب الدكاتره صاروا يفهمون ويعرفون ان الطلاب عندهم تي بي للمواد فصاروا ما يجيبون منها او يجيبون من تي بي كتب ثانيه

 

اختبارات الايكون والام اي اس اللي خذيتها جات بالضبط من التي بي
والاكاونتنق الجزء المقالي والاختيارات من التي بي برضو..
وكل هذا مع تحذير الدكاترة على انهم ما راح يجيبون شي منه لكن بالاختبار تكتشف انه كلام بس

طبعا للإخوان الجدد وعشان ما يفهم كلامي خطا هالكلام ما يعني انكم ما تذاكرون
وتسحبون على كل شي وتتفرغون للتي بي ..لا انتبهو خلو التي بي كاختبار تجريبي بعد المذاكرة وراجعو منه..

 

^^^^



مو كل مره تضبط ,, اسال مجرب

تي بي الايكون ,, اذكره طوييييل ,, تذاكر الكتاب 3 مرات اسرع

\\

الطريقه الانسب ,, انك تذاكر الكتاب واذا عندك وقت طقطق على التي بي

 

انا عندي لك نصيحتين

١- احذر ثم احذر ثم احذر من الغياب
٢- لا تفكر انك تدرب اي مادة مهما كانت درجتك سيئة في الميجر الاول لانهم مثل ما يقولوا الضربه الي ما تقتلك تقويك >>> مجرب والحمد لله الامور عالي العال

 

^^

هو قصده تدردب >> ولكن سقط حرف الدال سهواً

 

سؤال يا شباب

امشي ع الكروكليوم اللي في الموقع ؟

ولا غيروه ؟؟

انا فايننس

 

^^^^^^^
غيروه من فترة دور في المنتدى تلقى الخطة الجديدة

 

يعطيك العافية ابو العز

ارائكم يا شباب في عدد الساعات و المواد اللي انزلها في اول سمستر ؟

ويعطيكم العافية مقدما

 

اغلب المواد تكون ستاندرد، مهي افرج
الدرجة الوحدة مهمة
لا تضيع درجات الكويزات و الهوموركات و الحضور
حصلتلي مرتين اني كنت اغيب و اهمل بعض الهوموركات
و لو حضرت و حليت كان اكيد زدت جريد او جريدين بالراحة

 

اول سمستر حاول انك ما تطلع فوق ١٥ ساعة و اهم شي انك تضبط وضع المعدل و ان شاء الله امورك عالي العال

 

^خلها ما عندك مشكلة ومنها تفتك منها