طلاب المقررات المتخرجين في الفصل الأول

التقديم في البترول يكون مرة وحدة بس
سنوياً يكون نهاية العام الدراسي " في الصيف "
الي بيتخرجون الفصل الأول ما عندهم إلا الإنتظار فقط .. http://www.stkfupm.com/forum/images/smilies/biggrin.gif
وحتى لو بيقدمون على الجامعات الثانية الي فيها تقديم للسمستر الثاني هم ما يقدرون ..
لأنهم يحتاجون يختبرون اختبار التحصيلي الي لسه ما آختبروه بعد ..
آختبار التحصيلي الأول في نص السمستر الثاني ، والثاني يكون مع نهاية العام الدراسي

يعني بيختبرون تحصيلي مع باقي طلاب دفعتهم ، وبيقدمون معاهم بنفس الوقت
وأعتقد كل شيء واضح بما إنهم بيختبرون مع بعض يعني بيقدمون مع بعض
والنسبة المركبة للجامعة بتكون نفسها لكل الطلاب

زبدة الكلام ، كل الآختلاف الي بيصير هو إنهم تخرجوا من الثانوية قبل باقي الطلاب .. http://www.stkfupm.com/forum/images/smilies/biggrin.gif
​

 

فيه تقديم حق الطلاب اللي يتخرجون في منتصف العام الدراسي وشبه متاكد , لان اكثر من شخص اعرفه قدم


لكن اتصل ب الجامعه يفدونك اكثر

 

اللي بيتخرج الفصل الأول ياخذ الفصل الثاني بريك ويريح فيه؛ لأن تسجيل البترول سنوي وما يفتح للترم الثاني
راح يفتح نهاية السنة الدراسية


أرسلت بواسطة iPhone بإستخدام Tapatalk

 

ماعندي فكرة عن الموضوع لكن اذكر مرة واحد من الأعضاء قال انهم يقدرون يسجلون بالجامعة
تواصل مع القبول والتسجيل
http://www.kfupm.edu.sa/departments/admissions/SitePages/ar/ContentDetailsPage.aspx?CUSTOMID=25&LinkID=LinkV13

 

صديق لي من دفعة 2011 تخرج الترم الأول وانقبل بالجامعه والشروط كانت انه يحقق النسبة المركبة لدفعة 2011 للسعوديين (سعودي).

الأجانب لازم مركبه عاليه ( الا اذا الأم سعوديه ).

اذا الوضع تغير في فرصة انك تدخل كلية المجتمع بالدمام وتجيب c أو اعلى بالرياضيات والانجليزي وتحول لكن لو ما نجحت بتحقيق هالدرجه ممكن يترتب عليه عدم قبولك بجامعة البترول لو قدمت عليهم مع بداية السنة, لا تتواصل بالايميل مع ادارة القبول اذا انك بالشرقيه او منطقه قريبه احضر بنفسك.

 

تقدر بس لازم تختبر تحصيلي في ثاني ثانوي عشان تقدم عليهم اذا تخرجت

 

أنا من دفعة 2011
كان معنا واحد نفس نظامك ، خلص ثالث ثانوي في الفصل الأول ، وقعد الفصل الثاني الظاهر يذاكر للتحصيلي.
بعد ما انتهي الفصل الثاني رسمياً قدم مع الطلاب المتخرجين وبعد الصيف يدأ يداوم طبيعي ، يعني أخذ اجازة طويلة.
هذا الكلام 2011 ، لازم تتأكد هل تم تحديث النظام ويقبلون بعد الترم الاول على طول ويبدأ الترم الثاني .

بالتوفيق لك.

 

شباب رجاءً لا حد يفتي وهو ما يعرف، كان معي واحد في الأوريا دخل في الفصل الثاني يعني لو وضعناها على شكل نقاط:
1- يقدر يقدم بعد نهاية الفصل الأول
2- لازم يكون اختبر تحصيلي في 2 ثانوي
3- التقديم يكون عبر التواصل مع عمادة القبول والتسجيل في الجامعة
4-النسبة المركبة المطلوبة هي النسبة اللي قبل عليها طلبة الفصل الأول

 

أبو خلدون عزيزي الطلاب الي يدخلون في السمستر الثاني هم الطلاب الأجانب أو الطلاب الي محولين من كلية المجتمع
بالنسبة للأجانب ..
أما يكون غير سعودي من أم سعودية هؤلاء يعاملوهم مثل معاملة السعوديين ( نفس النسبة المركبة )
أو يكونون غير سعوديين ( الأجانب الي مركبتهم وحدهم )
الي من أم سعودية ما أدري إذا يتأخر قبولهم أو لا ما أدري الصراحة بس الغير سعوديين قبولهم يتأخر للترم الثاني .. ولكن
كـ تقديم على الجامعة بعد السمستر الأول هذي مافي و ما عمرها صارت في الجامعة أتوقع
ذول الطلاب الأجانب يقدمون مع باقي الطلاب في الصيف أصلاً بس قبولهم يتأخر للسمستر الثاني
لأن في إجراءات تسويها الجامعة الظاهر مع وزارة الخارجية أو شيء زي كذا ..

حتى لو آفترضنا إنه في تقديم بعد السمستر الأول ، هذا الطالب يحتاج يختبر تحصيلي طيب
بس هو مايقدر يختبر تحصيلي في صف ثاني ثانوي زي ما تقول لأنه بالأساس مو آخر ترم له بالثانوي
أنا ماقد شفت أحد قدر يختبر تحصيلي ولسه عنده سمستر ما درسه
وهالسمستر أقلاً لابد عنده كورس واحد من المواد العلمية ما درسه موجود بآختبار التحصيلي
أنا الصراحة ماقد شفت أحد أختبر وهو بصف ثاني من كل طلاب الي أعرفهم درسوا بنظام المقررات ..
ما أدري قد أحد شاف منكم ؟

والكل يعرف آختبار التحصيلي يكون في الترم الثاني فقط في نهاية السنة الدراسية مع بداية الصيف
يعني حتى بعد ما يتخرج مافي موعد لآختبار التحصيلي أصلاً
إلا إذا مركز قياس قرر يسوي آختبار تحصيلي لطلاب المقررات الي يتخرجون بالترم الأول هذا ممكن
حالياً هذا الطالب ما عنده إلا الآنتظار فقط ولا شيء غير هذا ، عشان يختبر التحصيلي بعدها يقدر يقدم على الجامعة
فللآسف لحد الآن غير ممكن بجميع الأحوال ..

​

 

أنا متخرج من ثانوية مقررات وفيه شباب دخلوا للجامعة من الترم الثاني
لكن اختبروا تحصيلي في نهاية السنة الماضية .


Sent from my iPhone using Tapatalk

 

كتبت تجربة زميل معنا في الدفعة ، وهذا الكلام صار فعلاً وكان معي في انجلش 002 بي
لو كان ممكن قبوله في الفصل الثاني فهذا شئ جداً كويس.

 

أخي الفاضل أعرف جيدا أنا ايش جالس أقول، في قبول في الفصل الثاني لطلبة المقررات اللي أنهوا الثانوية في سنتين ونصف، والتحصيلي اختبروه في نهاية ثاني ثانوي، معلومة أن التحصيلي لازم تكون في آخر ترم في الثانوي عشان تختبره هذه مدري من وين جبتها! مافي أي نص يقول هذا الشي، انما (المعتاد) أن يكون في نهاية ثالث ثانوي لكن ممكن تختبره في نهاية ثاني ثانوي(هذا الكلام متأكد منه 100٪ الى فصل 112 ولا أعلن حسب علمي عن أي تغيير في النظام). بالنسبة للأجانب فاعرف وضعهم جيدا وأصحح لك الاجراءات من الداخلية وليست من الخارجية
كونك تعتقد أن القبول مقتصر فقط على الأجانب أو المحولين من المجتمع فهذا فهم خاطئ منك الله يحفظك.

بالنسبة للي من أم سعودية فلا ما يتأخر قبوله ويدخل من الفصل الأول عادي.

كل كلمة ذكرتها أنا متأكد منها 100٪

 

انا اعرف اثنين من الشباب تخرجو بسنتين ونص واختبرو التحصيلي بثاني ثانوي ودخلو الجامعة الفصل الثاني والحين هم جونيور واللي يحتاج معلومات منهم يجيني خاص

 

ما جبت شيء من عندي والله ، في موقع مركز قياس مكتوب " آختبار التحصيلي يشمل طلبة الصف الثالث ثانوي والخريجين . "
ومو مذكور آي شيء عن المقررات أو شيء ثاني ..
أنا درست في النظام العام وفي صف ثاني ثانوي ما كان مسموح لي آسجل في آختبار التحصيلي
لما كنت أشوف الآختبارات في ملفي
بس المقررات إذا عندهم حاله خاصه ويمديهم زي ما تقول فصراحة ما عندي علم بهم أبداً ..
وزي ما قلت أنت المعتاد يختبروه بثالث ثانوي لأنه يكون درس كل شيء وقتها
بس هذا الطالب الي آختبر ولسه باقي له ترم بالثانوية كيف يختبر وهو في أشياء باقي ما درسها ؟
أعتقد بيكون الآختبار غير عادل له أصلاً ، إذا كان في آختبار فعدد قليل من الطلاب يختبرونه بذا الوقت

بالنسبة للتقديم بين الترمين ، تقديم إلكتروني مافي ما أشوف الجامعة تسويها
أعتقد ما يحتاجون يحطون تقديم إلكتروني بما إن المركبة معروفه فالطالب يعرف إذا هو وصلها أو لا
إذا هذا الطالب حقق كل شيء أعتقد يتواصل مع عمادة القبول والتسجيل بس ما يكون تقديم علني
+ شكراً لك على تصحيح المعلومات مشرفنا العزيز ..
​