طلاب جامعة البترول: عروض وهمية في «يوم المهنة»

الرواتب من 7 الى 10 ؟؟!!

لو ادري كان دخلت جندي اول بالامن العام اصرفلي من الجامعه ذي

 

جندي بالمباحث الراتب 9 وشوية مهندس 7 الاف ههههههههه

 

ي الربع أفيدونا هل هالكلام صحيح والا خراط !؟ ,, وهل تنصوحني بجامعة البترول!؟

أنا طالب ثانوي وطموحي جامعة البترول لكن دايم أسمع خبر سئ عنها من ناحية الخريجين ومعاناتهم مع البطالة والرواتب ..

 

^

اطلع بعثة قسم بالله اصرف لك 100 مرره

بس بشررط لا تطلع أي جامعة ،، اطلع لجامعة محترمة ومعروفة

 

^ ^

يعطيك العافية على تجاوبك

 

يا جماعة خوفتونا ايش السالفة ​

 

ياعيال تعوذوا من ابليس وخلوا عنكم الكلام المنقوول

أنا جلست أتابع الشركات طيلة الايام اللي راحت , والعروض الوهميه اللي الاخ تكلم عنها ماشفناها , الشغله بس أن الشركات طورت من ألية القبول
وصارت تعتمد على موقع وأنا هنا أتكلم على الشركات الكبار وفيه شركات أيضا رأيتهم يأخذون السيرة الذاتية للطلاب ويبدأون بمقابلات شخصيه فوريه .
وبالنسبة للرواتب نعم فيه شركات صغيره تعطي من 7 ألى 9 الاف ريال كراتب اساسي و على فكرة حتى الشركات الكبار تعطي الاساسي 9000 أو 8000 على حسب نظام الشركة .
وكل شركة لها الحق في عرض اللي تبي ولكن أغلب الشركات عندنا ماتعطي فوق 10 الالاف أساسي , وهذا يوضح مدى الظلم اللي يتعرض له المهندسين عندنا بالمملكه ولو خرجنا خارج المملكه لوجدنا عروض خيالية ومتميزة .
وعلى فكرة والله العظيم الجامعه أحرص منا على سالفه الشركات اللي تأتي للمعرض بغرض الدعايه حيث انه أي شركة تكتشف انها ترمي بالسير الذاتيه وخاصه السير الذاتيه لطلاب البترول توضع هذه الشركات في القائمة السوداء , ولو لاحظ بعضكم أن فيه شركات معروفه لم تتواجد في المعرض هذه السنه , أغلبها وضعت في القائمة السوداء والاخرى كانت على قائمة الانتظار ولم يحالفها الحظ بالحجز المبكر .

وهناك نقطة أخيرة : ماأظن فيه شركة تجي تدفع الالاف الريالات للجامعه علشان تستأجر موقع وتفرغ موظفيها من الدوام وتخليهم يداومون بالجامعه وبعض الشركات فروعها خارج المنطقة لفتل عضلات أو لعرض وظائف وهمية .
هم ماراح يخسرون هالمبالغ لسواد أعيننا ولكن لانهم يبون طلاب البترول .

وأقسم بالله أني رأيت أكثر من مندوب شركة يقول جيبوا لنا طلاب من البترول , وأغلبهم أشتكى لما دخل طلاب من خارج الجامعه المعرض في الايام المخصصه لطلاب البترول , وقالوا أنهم طلبوا أقتراح بأن يكون اليوم المفتوح ويوم المهنة خاصة فقط بطلاب الجامعه لانهم ماجاءوا إلى لاستقطابهم .
وللامانه رأيت مندوب شركة واحدة قال بالحرف الواحد أمامي نبي خريجين البترول وأمريكا .
ولعل بعضكم رأي مندوبين بعض الشركات طلاب سابقين بالجامعه او طلاب تدريب تعاوني وما أظن هذولا بعد بيكذبون عليكم

وبختم بقصة صارت اليوم أمامي : جاني أحد الشباب مقهور يقول دخلت أتمشى بالمعرض وزرت جناح أرامكو السعوديه وقلت لهم أني بتخرج نهاية الترم هذا" وهو باقي له سنتين " وأنا ماعندي سيرة ذاتيه ولاأي أوراق , سأله الموظف أنت خريج أي جامعه وكم معدلك : قال له خريج البترول ومعدلي تقريبا 2.7 . رد عليه الموظف وقال له يالله نسوي لك مقابله شخصية الان وإذا أجتزتها تجيب أوراقك . لكن خوينا هذا خاف ينكشف وأعتذر له , وقال له أنه بيجي نهاية اليوم .


أحب أقول لكم أنكم بخير ولكم الحق في الفخر في جامعتكم وبأنكم خريجين هذه الجامعه , لكن سالفة ان الخريج يجد 7 وظائف كلها متميزة لاتصدقونها بالحيل فيه بس نادر




تحياتي​

 

عنوان المقال لايمت بصله في المقال؟!

 

مالك إلا رزقك..لا تخاف

 

3 حالات ..

يا انّك اداري ..
او أوريا جديد او حولها ( فرشمان ) ..
او انك **** 0( ورائحة الـ **** تفوح من ردّك ) >> صارت ممنوعة بالمنتدى ، احتراماً للقوانين

وترى فعلاً فيه شركات وبنوك جايين مجرّد فرد عضلات ، أو إثبات وجود بالسوق
وانا شخصياً وقفت عند شركات أسألهم ايش أقل GPA ، وايش السلّم وايش الرواتب
ما يجاوب إلا جواب واحد ، ادخل الموقع تلقى كل شي !!
ودّك تقوله اجل جاي ايش تسوّي ، عشان تقولي ادخل الموقع ؟!

في كلا الحالات .. أحب أقولك
Wake up early ..

للفائدة العامّه :

لا تظن بأن اسم الجامعة اللي انت جاي منها له تأثير في وظيفتك على الأقل بالسعودية
لأنّهم عارفين البير وغطاه .

ركّز على معدّلك ولغتك وشخصيتك ، واترك الأحلام الورديّة حتى لاتتخرّج وتفاجئ بصدمة العمر
عندما تجد خريج جامعة X اللي ما كرف ، بس لأن معدّله افضل من معدّلك يستلم فوقك
ألف ريال زياده . وخذ لك لفّه على قسم الخرّيجين ..

عشان لايتحمّسوا الشباب ويضيعوا ورا كلامك ... هذا الواقع ..
انا وكثير غيري لفّينا يوم المهنه وما كنا نسأل إلا كم الـ GPA حقّك ؟
وهات اوراقك ..

الجامعة خلّت طلّابها مخفّه ، العالم جاي تتوظّف وهم انا من جامعة كذا ، ايش بيأثّر هذا علي
انا من جامعة كذا ، ايش الفرق في الراتب ، حتى الاوريات صاروا يحضروا يوم المهنه
ونفس الأسئلة ، موظّفي الشركات تحسّهم يرحمونا اذا جينا نسألهم كذا ..
ويحاول يلطّف لك الرد بقدر المستطاع عشان يوضّح لك ، انّك بالسعودية
كل الجامعات متساوية ، لو جيت من برا السعودية ممكن يحسبوا لك أفضليّة بحسب سمعة الجامعة
لأنّهم عارفين ان السمعة ما أخذتها إلا وهي تستحقّها .

 

زعلانين على (من ٧٠٠٠-١٠٠٠٠) ؟؟؟
معظم الشركات اللي تدورون لها هذا الاساسي حقها

 

رحت للمعرض...

ارامكو و سابك يشترطون معدل فوق 2.5

+

مكان الشغل على حسب العدد اللي مقدم للوظيفة يعني اللي معدلاتهم عالية يختارون المكان واللي معدلة تحت يا يقطوه بالشمال او بالجنوب ههههههههههههه و انتظر النقل يا بطل..


الله يعز وزارة الدفاع بس

 

كلامي موجه للي محتار بين البعثه وسعود والبترول

هج عن البترول نصيحه
الي يفرق معدلك مايفرق انت من سعود ولا البترول
خلاص صاروا مثل بعض
بتدخل البترول وبتتعذب مع الصعوبه المبالغ فيها وبيطيح معدلك
بينما لو رحت لسعود بتطلع بمعدل ازين من البترول

لا يلعبون عليكم ويقولون ذي البترول وازين جامعه ومدري ايش. ترا هذاك اول
الحين مافيه فرق بينها وبين سعود. اللهم انك بتعاني اكثر بالبترول
طبعا البعثه ازين منهم ثنينهم

 

الرزق من الله يا شباب و اللي في يوم المهنة ناس يجمعون سيفيات و بعدين يفرزونها و يأخذون اللي يرشحونه

و أما الرواتب فهذي البيسك و هي في الغالب ما بين 7-10 آلاف و مع البدلات تزيد يمكن الى 13-15

زي ما قالوا الشركات في يوم المهنة

 

علشان ترتاح والله العظيم أني لست بإدراي ولاغيره أنا طالب وباقي لي سنة ونص واتخرج وانا ماجيت أكتب هنا لاطبل للجامعه , وبالنسبة للمعدل واللغة وتطوير الذات فانا ماأنكرت وقلت بلاها ياشباب أنتوا احسن ناس مايحتاج أنا قلت أن الشركات تدور لخريج البترول لانه مو مثل غيره وأنا أتحداك وأتحدا ألف واحد بانه يقدر يجيب لي خريج جامعه أخرى بنفس الصبر والمثابرة وطول النفس اللي عند أخوينا .

وبالنسبة لتقارب الجامعات أنا أقول لك صح عليك الجامعات صارت بالانظمة متقاربه الى حد كبير لكن لما تجي للتطبيق إلى أرض الواقع تجد ان أفضل من يطبق النظام جامعه البترول , ياحبيبي بجامعه سعود أعتمدوا اللغة الانجليزية ولكن لما تحضر أغلب كورساتهم تجد الشرح بالعربي والدنيا سايبه , ياخي بسالك سؤال وابيك تسال أخوياك اللي تقول عنهم بجامعات ثانيه هل تستطيع تشتكي دكتور لانه ظلمك بدرجه ؟ أو هل تستطيع طلب رؤية ورقه الاختبار النهائي لمادة معينه ؟

ياحبيبي انا ماأقول أن جامعتنا أفضل جامعه بالعالم ولكن أحب أقول أنها أفضل جامعه بالعالم المتأخر , احمد ربك على النعمه اللي انت فيها .

وعلى فكرة بالنسبة ل**** ورائحه ***** اللي ذكرتها بردك, والله العظيم لو شفت مثقال ذرة من إدارة الجامعه لاكتب بالمنتدى وبرى المنتدى وماعندي في أحد والله لن تأخذني في الله لومة لائم , أنا أنسان أحب الصراحه وأحب أيضا أن أقول للمسيء أساءت وللمحسن أحسنت , ياخي ترى أتعبنا أمثالك ممن هم دائما في انتقاد لكل شي ومايعجبهم العجب ولاالصيام برجب .

وبالنهاية أحب أوصيك حبيبي ان تصير مؤدب وجنتل أكثر في ردودك , يعني انت بتتخرج قريب وبتروح تشتغل مع ناس , لذلك خلك محترم شوي علشان تكسب قلوب الناس .



تحياتي

 

معدلك ثم معدلك ثم معدلك

والله محد درى عنك من اي جامعه ولا اهتم دام معدلك حلو ولغتك الانجليزيه ممتازه

هذا نتائج زياراتي ليوم المهنه !

 

أجل انت الحالة الأخيرة اللي نسيت أذكرها ،

وهي الطالب اللي على وشك التخرّج ، وعشان يعزّي نفسه بالسنوات اللي طافت
يحاول يحسّس نفسه انها كانت مميزة عن غيرها ، ولاحظت الشي هذا
في حفلات ما قبل التخرّج ، كلّن يدندن بمواضيع لا علاقة لها لا من بعيد ولا من قريب بالجامعة
انت لما تتهم الجامعات الثانية وتقول تطبيق وما تطبيق حط امثله وواقع ماهو ترمي كلام وتمشي
جامعة الملك سعود في السنة التحضيرية ، عندهم مدرّسين اجانب مثلنا مثلهم
مدري من وين جبتها ذي اللي يتكلموا عربي ، ومع ذلك انا اعتقد ان افضل كورسات لغة
هي كورسات جامعتنا بالسنة التحضيرية وهذي ما عليها خلاف ..
اما على مسألة الدكاترة اللي ما يلتزموا بالانجليش ترى نص محاضراتي انا مع دكاترة عرب
والطلاب ما يسالوا في المحاضرة إلا عربي ، والمحاضرين أغلبهم شويّه انجليزي وشويّه عربي
وبشكل عام هذا ما يهمّني انا ، اهم شي انّه يوصل لي المعلومه

اما على هرجة أنظمة وما أنظمة ، أي أنظمة اللي تتكلّم عنها ؟
مواقف ، ومخالفات ، وسرقات ، ومرّه ساحبين سيّاره ، واللي داخلين غرفته
اختبارات صار لها 10 سنوات نفس المشاكل ، قسمين في نفس المستوى يحطوا اختبار
في نفس اليوم ، ولا مرّه تروح ومافي كراسي بالاختبار ويتاجّل ، أو كورسين
حاجزين بنفس اليوم والوقت ، مدري من وين جبت النظام اللي تتكلّم عنه ؟!
+ ترى اذا فيه نظام صارم وقاسي بالجامعة فهو على الطالب فقط وليس على المسؤولين
روح شوف كيف ادارة الاسكان ، الدوام الساعة 7 ، يجيك 9 ونص الصباح ،
وينتهي 12 ، وهو طالع من 11 ، تروح هناك ما تلقى احد
والمستوصف نفس النظام ، أحياناً الناس بالانتظار كثير ، تسأل وين الدكتور ، تقولك طلع وبيرجع
ويجلس ساعة ، ساعة ونص ، والعالم ملطوعه تنتظر ..
كيف يطلع وهو عنده دوام !!

وبالنسبة للشكوى لدكتور ظلمك بدرجة ولا نص درجة ، ياحبيبي من قالك ان هنا
اصلاً تقدر تسوّي شي ؟!
انا مادري عن كيف نظام الجامعات الثانية ، والكلام اللي تقوله كلّه مجرّد سمعت من 10 سنوات
لكن لنفرض انّه صحيح ، فـ على الأقل هو يعرف انّه مظلوم ..
هنا يجيك ظلم ، وفوق هذا بطريقة صحيحه تخلّيك تكره نفسك
يمشّوك على نظام افرج ، لو تجيب قريد ممتاز في الأول ، يضيفوا أسئلة صعبة جداً
في الميجر الثاني عشان ينزلوك على الافرج ويحطوا الافرج اللي هم يبغوه
وهذي اللابات عندك ، ريبورتاتك تاخذ عليها فل مارك وكل شي ، واخر شي برضه ما يعطيك
الفل قريد ، فما ادري انت تتكلم عن ايّة عدل بالضبط ؟!

ترى احنا محسنين ، والواحد عنده قدر معيّن بالصبر
لكن ما يشوف رد من الردود مثل ردّك ، يعطي مميزات ويجحد بقيّة الجامعات
بدون أي سبب ، بس تطبيل والسلام ، فاعذرني ... هذا أفضل أسلوب ممكن ارد عليك فيه
حتى يصير مستوى نقاشك أرقى وتضع نقاط وأمور فعلاً تحسّسني ان اللي كاتب الرد هذا
إنسان متعلّم ..

وترى بأسلوب مثل هذا أنا أيضاً ، أشوف إن جدّة أفضل مدينة على مستوى العالم العربي والاسلامي
لأن عندنا احسن نظام ، وأحسن ناس ، وأحسن مطاعم وأحسن مدينة
ويا سلام يا سلام على الشوارع والحياة ، تحس انّك في اوروبا ..
وتعال لو عندك مشكلة ولا اي حاجة ، روح اشتكي وتاخذ حقّك بالكامل
هل هذا الشي عندكم بالشرقية ؟
--------------------------------------

هل هذا اللي قلته صحيح ؟
لو كنت متضرّر في جدّة ، تعرف بعدين كيف ترد على شخص يكتب كذا ..

وعلى نفس أسلوبك هذا ترى نقدر نكتب في أمور كثيره ، لكن هذا ما يجعلها صحيحه ..
وهذا الفرق بين كاتب متعلّم ، وكاتب متاقزم ( مصطلح جديد يشرح وضع بعض الطلاب ) !

ترى ردودك الثنين فيها تطبيل واضح للعيان ، حتى مطبّلين الجامعة نفسهم يمكن يتبروا منها
مو عشانك على وجه التخرّج أو متخرّج تبغى تمشّي الناس على عقليتك واعتقاداتك ..
فيه ناس هنا تبغى تتعلّم وتبغى تستفيد ، ما تبغى تذاكر وتحل اولد اكزام وتمشي
اكتب نقاط ومميزات واضح تطبيقها للجميع وقارنها بالجامعات الثانية
والأهم انّك متاكّد من صحّة معلوماتك .. لأن فيه اداريين يشوفوا ردودك الحين
ويقولوا يا سلام طلابنا مبسوطين ، واحنا احسن ناس ، خلاص كذا مو لازم نسوّي شي
ولايدروا الفشل اللي احنا فيه ..


على فكرة أنا ما ألومك بشكل كلّي ، لأن لو استمرّ الوضع هذا ، وما استفدت شي
فأكيد بعدين باتخرج ان شاء الله وبروح اطبّل للجامعة مثلك ، عشان احسّسهم اني انسان ناجح
واني درست في أفضل مكان ، وان عندنا أفضل التقنيات والابداع والعلوم ..

 

^^^^^^

اخوي ودي اسالك سؤال

من خلال ردودك في كذا موضوع سابق لاحظت انك تبي توصل معلومه ان جامعتنا والجامعات الثانيه في المملكه على مستوى واحد ولافرق بينهم

السؤال هنا ... ليه جامعتنا تطلب نسبه عاليه لقبول طلابها ؟

وليه انت مستمر بالدراسه فيها ولم تحول لجامعه اخرى قريبه من منطقتك ( اذا لم تكن من اهل الشرقيه طبعا )؟

وليه انا الان لا ارى اهلي الا مرتين في السمستر عشان هذي الجامعه ؟ هل تنصحني بالتحويل وتركها ام البقاء؟