طلب من الدوافير: كيف تضبط نفسك؟

وعليكم السلام

علّق ورقة مطبوع فيها حرف F على الجدار ، وإذا حسيت ما لك نفس طالعها وراح تذاكر على طول. أمزح


بدخل في الجد الحين:
فيه عندك عدة شغلات ممكن تساهم في تعديل نظامك وتفتح نفسك للمذاكرة.

١. استعمل طريقة قائمة المهام ، بحيث إنك كل ليلة تحط قائمة بالمهام اللي تبي تسويها في اليوم التالي (تذاكر لميجر ، تحل هومورك ، تحل مسائل ، تتدرب على شغلة معينة ، …الخ). علق هذه الورقة على الجدار ، وكل ما تنجز شغلة منهم حط عليها علامة x أو اكتب عليها done ، أي عبارة تعجبك. في كل مرة تنجز شغلة راح تحس إنك تبي تنجز اللي بعدها.

٢. لا تجلس بشكل متواصل وأنت تذاكر وتسوي اشغالك. كافئ نفسك ببريك ١٠-١٥دقيقة بين كل شغلة وشغلة. هذا البريك يفيدك بإنك راح تدخل فريش على الشغلة اللي بعدها ، بالإضافة إلى اعطاء الدماغ فرصة لترتيب البيانات داخل ذاكرتك.

٣. دائما اجعل وقت المذاكرة واحد في جميع الأيام. يعني ، لو تبي تذاكر ٣ ساعات يوميا ، اجعلها مثلا ٦-٩ أو أي فترة تكون مريحة لك ومناسبة لجدولك. كذا راح تتحول المذاكرة مع الأيام إلى روتين يومي تحس يومك ناقص لو ما سويته.

٤. جرّب ممارسة الرياضة. الرياضة لها تأثير رائع على الصحة الجسدية والعقلية - وهدفنا هو الصحة العقلية -.

٥. نظّم نومك. هذه النقطة مرتبطة بسابقتها ؛ أشوف إذا تمارس الرياضة ويكون نومك منتظم وبعدد ساعات كافي ، يكون ذهنك متفتح وجاهز للمذاكرة.

٦. لا تذاكر في مكان واحد. هذه ممكن تنفع مع الاشخاص اللي يتمللون من المكان. إذا كنت منهم ، احيانا ذاكر في الغرفة ، أو في غرف المذاكرة ، أو في المكتبة ، أو حتى في المباني الاكاديمية.

٧. في حال ما كان لك نفس تذاكر ابد ، حط الكتاب على جنب وسوّ أي شغلة أنت تحبها ؛ عشان تضبط نفسيتك بشكل جيد وتروح تذاكر. أهم شيء حاول ما تاخذ أكثر من ساعة على الشغلة ؛ لأنك بتكمل فيها وتسحب على المذاكرة.


مشكلة عدم الرغبة في المذاكرة تصيب حتى طلاب مراتب الشرف ، وأنا أؤكد لك هالشيء.

عموما ، أنا طرحت بعض الافكار اللي اشوفها جيدة ومساعدة على تحفيز المذاكرة. في حال تبغى استفادة اكبر ، تقدر تتواصل مع الارشاد الاكاديمي في مبنى شؤون الطلاب. هناك دكاترة متخصصين في الأمور النفسية اللي تصيب الطلاب ، وبإذن الله يعطونك حلول أفضل من اللي قلتها.

بالتوفيق

 

من تجربتي في اخر سمسترين: سويت شي واحد

قتل وقت الفراغ