طلب من طالب ثانوي الى مهندسين وشباب المستقبل عسى الله يوفقهم

عن نفسي .. ماراح يفيدك شي الا عقلك ..

بالتوفيق

 

هلا فيك اخوي

هلا فيك اخوي وبالعكس احنا بالخدمه ...

بالنسبه لاختبار القدرات الحقيقة والله ما راح ينفعك شيء غير الكتاب حق الاختبار نفسه وتحصله في المكتبات

و كمان فيه معه سي دي تحصّل فيه اختبارات تجريبية ممتازة .....

انا بصراحه سويت الاختبارات التجريبية هاذي وهي اللي ساعدتني كثير بعد توفيق الله طبعاً ...


بالتوفيق ....

 

يارجال يوم قريت الكتاب جبت درجة مو زينة

ويةم رحت بدون مذاكرة ومواصل بعد جبت درجة احسن بكثير

بس نصيحة اقرا الكتاب بس عشان تتعرف على طريقة الاختبار

بيباي

 

بالنسبة لاختبار القدرات , فأنصحك وبقوة بكتابهم المخصص .. جدا ممتاز .. تعرف منه كيف طريقة الاختبار.. واعتقد انه يكفيك لان ما فيه معلومات تذاكرها ..

اما اختبار التحصيلي .. رام 2 .. الخاص بالتخصصات العلمية , فاأنصحك وبقوة بكتاب رائز .. جدا ممتاز .. فيه ملخصات ممتازة .. انا جربته والصراحه ما ذاكرت منه الا الرياضيات والاحياء وليلة الاختبار.. ما تحققت لي الاستفاده الكامله منه .. ومع ذلك ولله الحمد جبت درجه جدا ممتازة ..

الله يوفقك ..

 

و الله ياخوي الكتب كلها ما راح تفيدك بشي اذا ما شغلت عقلك . . .

الكتب الهدف منها إيضاح طريقة الإختبار و التعود عليه لا أكثر . . .

على العموم في كتاب واحد بس يعتبر أفضل حتى من كتابهم المخصص أسمه الأمين . . .

إذا لقيته تدرب عليه ورح للإختبار وانت مركز و تكون بذلت كل الأسباب . . .

بالتوفيق . . .

 

هلا بك أخوي

طبعا الشي اللي تعتمد عليه أولا وأخيرا عقلك طبعا

وأنصحك تجمع أغلب اصدارات كتابهم عشان تتمرن عليهم وطريقة حللهم

والله يوفقك وعقبال مانشوفك في ربوع الجامعه

 

انا بالنسبة لي >> رام 1 :- مركز رائز لن يفيدك >> كتاب رام1 اللي في المكتابات انصحك فيه بقوة علشان تعرف كيف طريقة الاختبار ..

رام 2 :- مذكرات رائز بس حاول اذا احد سجل وتعرفه خذها بدون ان تسجل

لانك راح تدفع فلوووس على الفاضي >> ما راح تستفيد >>

 

شوف اخوي بالنسبه للقدرات

1= نااام بدري ولا تفكر بشئ وانسى كل الهموم او مشاكل عندك يعني خلي ذهنك صافي
2= زي ماقالو الشباب الكتااب حق رائز افضل شئ
3= تأكد انك تعرف كل اجابه في عقلك لا تقرى السؤال وتقول ماعرف انت شوف اللي تحس فيه بعقلك انه صح حله ولا تمسح الاجاااابااات انتبه من هالشئ تأكد اول اجابه صح..

وبالنسبه لرائز انا دخلته وسحبت عليه=> محاضرتين بس ما فادتني بشئ تجيب النوم لا اكثر

 

هلا اخوي سترونغ مان,,ياحبي لك بس, اجل 190 مشاهد تبيهم كلهم يردون ماش وانا اخوك شكلك طماع

المهم يالغالي نصيحة لك عن تجربة انا سجلت برائز ايام الثانوي يوم كنت فرفور لكن إن كان تبي الحق ان جبت في الاختبار الاول 82 والثاني 87 واخوي الصغير جاب في الاول 85 والثاني 90 والفضل يرجع لله ثم لنصيحة الوالد الي هي *امسك كل كتب اختبار القدرات الي من نفس مركز قدرات وحلها مره ومرتين وثلاث لمين مايطلع مع خشمك*وهذا مايعني انك تخلي كتاب رائز بالعكس هو مهم لكن ركز على قلته لك..

وفي النهاية اهنيك على حرصك ومااقول الا اخلص النية لله والله يوفقك

محبك

 

كتاب الامين للدكتورين الكتبي ممتاز للقدرات وحتدعيلي

 

يبللبي

اولا رائز ما راح تستفيد منه اطلاقا

الشئ المهم هو انك تعرف كيف طريقة الاختبار وكيف تتحكم بالوقت حيث انه ما يروح عليك.

اما من ناحية الاختبار الي في الكتاب فهو يعلمك طريقة الاختبار اما من ناحية الدرجة فاضربها في 2 تطلع لك درجة في الاختبار .

ونتمنا لك التوفيق

 

اخوي انت اول شيء اشتري كتاب القدرات اللي تصدره نفس المؤسسة
واقرأه بالكامل

بعدين حل الاسئلة , اذا كنت تغلط في الجزء اللغوي فاعرف ان هذه المشكلة ما بتقدر تحلها
والشيء الوحيد اللي تقدر تسويه هو انك تعرف طرق الاسئلة فيه مثلا
اسئلة عن المعاني
اسئلة عن العلاقات بين الكلمات
اسئلة من القطع
الخ .. وعلى حسب تذكري هي 4 طرق تشمل الثلاث التي ذكرتها لك

ثانيـًا , اذا كنت تغلط بالجزء الكمي ( الرياضيات ) فاعرف ان هناك مشكلة لديك وهي سهلة الحل ان شاء الله
وذلك بحل عدد من المسائل
وهناك عدة انواع من المسائل
ولأن فكرة الحل متشابهة لكل نوع يمكنك اتقانها 99,9%

وتراه اكثر الاسئلة لطلاب التخصصات العلمية هي من الجزء الكمي ( رياضيات ) يعني ابشر اذا تدربت على الجزء الكمي بالخير حيث انه سيرفع نسبتك عاليـًا

وبعدين اخوي اذا سويت هذه الاشياء و بذلت اقصى جهدك فيها اعمل بما يلي
حل اسئلة من اختبارات سابقة (بعض الاحيان تتكرر ) من نفس الكتاب و من مذكرات في المكتبات ان وجدت
التدرب على جو الاختبار وآليته عن طريق استخدام القرص المرفق للكتيب ( Cd )
وللمعلومية السي دي يحتوي على اختبارات حقيقية للاختبار , اي انه يشتغل لك برنامج وانت تحل و في وقت ينحسب لك و ينتهي الوقت ويقفل البرنامج ويعيطيك نسبتك كم ( درجتك ) والاسئلة اللي انت غلط فيها

لا تشتت نفسك برائز و الخ .. اول شيء ابدأ بالاهم ثم المهم ثم الاقل بالاهمية
وهذه الاساسيات التي ذكرتها لك و الاهم ثم المهم
وأنت قرر ماهي الامور الاقل اهمية مثلاً
التسجيل في رائز
الدراسة لدى مدرس خصوصي
أخذ دورات تقيمها اغلب المدارس لطلابها ولغير طلابها


بالتوفيق اخوي وخبرنا بدرجاتك يالغالي