عاجل: ارامكو توقف التوظيف من الربع الأول 2009 الى اجل غير معلوم

لا تعليق.........................................................................

 

يعني ما فيه تدريب ايضا ؟
يا سلاااااااام

 

يا طويل العمر حط في راسك اذا لك نصيب عندهم راح تاخذه

و ما احد راح ياخذ شي الا المكتوب له


فدور على شركة ثانية و اذا لك نصيب عندهم بتشوفهم هم اللي يطاردوا وراك

 

أصلا " منذ أن أصبحت إدارة شركة أرامكو سعودية وأنا غاسل يدي منها" >>>>فيتامين واو

 

و على النقيض سابك....على الرغم من انخفاض أرباحها 95% عن السنة الماضية إلا إن القبول فوري عندهم!

 

التوظيف في ارامكو ما يتوقف ابدا ممكن تقول يوصل حاله ركود فقط
التوظيف يعتمد على الاداره اللي بتشتغل فيها انت
معناته الاداره اللي انت مسوي فيها مقابله الغو وظيفتك فيها لكن فيه ادارات اخرى تحتاج موظفين ولمعلوميتك فيه شباب سوو مقابله قبل تقريبا شهر ونص والحين مداومين

فعاد الله يعينك انك تصبر

 

كل شي خيره ..

 

الله يكتب لك الخيره ...وعسى ان تكرهوا شيئا وهو خير لكم

 

لا تستغرب شي الشركات الكبيره اللي لها علاقه بالخارج بطريقه او اخرى لازم تخاف وتقلل او توقف التوظيف مؤقتا على الاقل حتى يتبين الوضع لانها يمكن توقف بعض المشاريع المشتركه مع شركات خارجيه او مشاريع زياده الانتاج خاصه اسعار البترول طايحه ولا في طلب ....

وزي ماقالوا الشباب يمكن خيره و الواحد المفروض مايعطل عمره على شركه !

 

الحمدلله إني غاسل يدي منهم و مو حاط أمل و لا هم هدفي نهائياً

 

الله يبدلك باللي ازين منها

 

السلام عليكم

يسعد مسائكم

مقدر ومكتووووب
اخوي لاتفكر في شركة أرامكو الوقت هذا في شركات جديده ولها مستقبل كبير وافضل بكثير من ارامكو من نواحي كثيره

أخوي وسيم عازب مين يقولك ان سابك فاتحه توظيف ؟؟؟ أخوي اذا سابك وقفت علاوة وكذالك وقفت تدريب المشغلين كيف تقولين توظف

والمشكله امس فاتحين مشاريع استثماريه في الجبيل 2 .....؟؟؟؟ يقولون السعودية لم تتأثر بالازمه الماليه

لا والي يرفع الضغط ان يوم المهنه ارامكو موجوده وفي شركات كثيره قدمت عليه قبل يوم المهنه بأسبوعين قالوا ماعندنا وظائف التوظيف موقف بسبب الازمه وتلقائهم يوم المهنه موجودين بصراحه شيء يرفع الضغط

وشكرا

 

الغالبيه العظمى من الشركات اللي تحضر في يوم المهنه فقط من باب انها شاركت في هذا اليوم
وعلشان قدام الامير يعني انها حضرت من باب الدعايه

 

ايش رأيك لو قلت لك عن واحد أعرفه عز المعرفة لدرجة إني أعتبره نفسي دقوا عليه سابك خمسة مرات خلال التسعة الشهور اللي فاتت...آخرها قبل اسبوعين و قرر فيها انه يعطيهم وجه و سوى معاهم مقابلة و لما انتهت المقابلة قالوا له انتظر ثواني برة....و لما طلع*له الموظف قال له انت مقبول خلاص
صح ان سابك نزلت ارباحها 95% لكن توظيف الخريجين الجدد عمره ما حيفلس أي شركة ....

 

الله يعين والله إن نفس الكلام بالضبط صار معي بنفس الأسلوب والتفاصيل سبحان الله!

و أخ وسيم .. أنا مطبق في سابك وعلاقتي فيهم مرة ممتازة ومعدلي الحمد لله تمام لكن للحين ما اتصلوا فيني ولا مرة أبد واللي طبقوا معاي في سابك وتخرجوا قبلي واشتغلوا معهم حالياً موقفة عنهم الزيادات والعلاوات وقبل كم يوم الماضي يقول إن سابك بتسوي إعادة هيكلة وبتضطر تغلق بعض المصانع وبتسرح 1600 موظف والخبر هذا في جريدة اليوم ..

لا واللي يقهرني يقولون الإقتصاد بخير!!!!!

كلام جرايد بس وقدام أبو متعب مسوين إن الوضع طبيعي وهم موقفين كل شي

الله يعيين ويكتب اللي فيه الخير

لغاية الآن أعرف بس 2 توظفوا من اللي تخرجوا معاي بسسسسسس
وهالإثنين موقعين عقودهم أيام الكوأب!

 

انت الى الان بعد هذا الكلام كله تقولي فترت ركود

^_^

اجل متى بيكون السبات

والله انا قلقان وشكلها ..النهايه سوده بتكون

ننتظر الحلقه الاخيره بس ان شاء الله ما تكون على قفايا

 

الله لا يقول بس الظاهر الموضوع مطول..وزي ما تقول أم كلثوم "السعودية" :


على قفاي إيدك زي العسل!!

 

أنا أعرف الآن حوالي 12 من دفعتي توظفوا في سابك

3 منهم توظفوا بعد تخرجهم في 081 بحوالي شهر

وظفوهم في المتحدة