عاجل تجمع المتقدمين على Field Engineer في بيكرهوز وجي اي BHGE

أجزم ان سبب تقييم "اختلاف" هو اقتراحك لقروب الواتساب لأنه بيحتكر المعلومة بالقروب على عكس لو كان التجمع هنا فيسير هذا الموضوع مرجع للسنين القادمة.(ما قيّمتك اختلاف لكن هذا توقعي لسبب التقييم)

بالتوفيق.

 

أحد جاله رد او تغيرت الحالة في الموقع ؟ وياريت تعطونوا المعدل حتى نشوف طريقة اختيارهم

مقدم على كل وظائف حديثي التخرج من شهر مايو سواء سبيشاليست او انجنير وللاسف وحدة منهم فقط جاني فيها رفض

 

نفس وضعك

 

انا كلموني على field specialist بس تبع الدريلينغ وقالوا بعدها بيكلمون للمقابلة او تحديد موعد للمقابلة لهم تقريبا ٣ اسابيع الان كل ما اكلمهم يقول نتسنى الفيدباك من المانجر ....هم شكل شغلتهم طويلة ياخذ فترة التوظيف عندهم ....

 

من وين اشيك الابليكيشن حقي ؟ سويت الديجيتال انترفيو و ما جاني رد و الابليكيشن مو موجود في موقع GE Baker hughes

 

جرب هنا

بعد تسجيل الدخول روح my job page

 

شباب بغيت استفسر منكم جاني اتصال يوم الربوع الي فات من شخص من شركت Baker hughes وقال لي شفت السي في حقك في بيت دوت كم وفيه وظيفة junior field engineer في قسم ال wire قال هل انت مهتم قلت ايه قال خلاص بخليهم يتواصلو معك يوم الخميس
دقت علي اليوم وحده من ال HR وقالت الوظيفة الشاغره "فري تكنشن" في الورك شوب قلت بس انا قال لي الشخص الي كلمني البوزشن junior field engineer قالت الشاغر الان ذا
قلت ذا حق فني انا مهندس قالت اصلن المهندسين هم الي على ذا البوزشن وسالت عن الراتب قالت مع الانترفيو انا وافقت ابي اشوف وش المسمى كامل وكم الراتب
ابي رايكم ياشباب وهل يحق لي اقول لها ان اول شخص قال البوزشن junior field engineer
وشكرا

 

تقريبا نفس الشئ صار معاي لكن الاول قال فيه انجنير تكنشن اما الثانية لفل 3 تيكنشن

والله شئ يحير

 

تكنشن ماتفيدك لا عملياً ولا سيفي مستقبلاً كمهندس والكلام للجميع نصيحه هالشيء لا تقبله ولا تفاوض عليه ابد الا اذا تبي تطقطق فيها وتمشي لشغله ثانيه

 

اكثر من شهرين

مااظن اخذوا السي في من الموقع لانهم سالوني اذا تعرف الشركة

فظني من مواقع ثانية زي كلام hassan لكن مني متاكد

الشكوى لله

أمر بظروف تجبرني اخذ اي وظيفة حتى خارج التخصص غير هذي اول مرة يجيني رد في وظيفة من 6 شهور

لكن ان شاء الله تجيني فرصة افضل يا رب

 

اخوي حسين انا صار معاي نفس ما صار معك تماما ابي اسالك صار اي تحديث بعد ما كلمتك البنت ؟ لانه قالت لي بيجي ايميل هل وصلك ؟

 

هلا و الله ايه تواصلت معي الاتش ار امس وسويت مقابله على السكايب معها وواضح انه مهندس وجلس يُبين لي البوزيشن ووش التطور الوظيفي وقلت له انهم دقو علي قبل وقالو البوزشن جونيور فيلد انجنير في قسم الواير قالو لي لا هاذا قصم ثاني وانا هينا انهي المقابله لانه احتمال يدقو علي القسم الثاني قلت له لا ابي اكمل معك لانه ما اتوقع بيدقو لأنهم حولو السي في عليكم وانا ابي وظيفة وكمل وبعض الأسئلة :
تكلم عن نفسك
وش تسوي بيومك العادي
عندك جواز
تقدر تطلع ثلاث شهور او سته ماعندك مشكله
زي كذا
وقال هاذي مقابله أوليه واذا انقبلت راح يكون فيس تو فيس مقابله ثانيه ويجيك الرد بعد اسبوع الى اسبوعين