عاجل: تفاصيل المكالمة الهاتفية بين د. السلطان ومدير المشاريع!!

د.السلطان: السلام عليكم.. صباح الخير

مدير المشاريع:عليكم السلام.. صباح النور والسرور.. اهلا بك طال عمرك..

د.السلطان: كيف حالكم وكيف الشغل معاكم؟؟

مدير المشاريع:الحمدلله كل شيء على مايرام..ماشين على حسب توجيهاتكم الله يحفظكم..

د.السلطان: اسمع الي بقولك عليه ونفذه بالحرف الواحد..

مدير المشاريع:سم طال عمرك انت تامر وحنا ننفذ..

د.السلطان: بالنسبة للطريق مابين مطعم الطلاب ومبنى 24 ترى وضعه مب عاجبني ابداً..حرام عليكم تخلون عيالنا يمشون على هالرمل وبين الغبار.. ماتدرون ان فيه طلاب عندهم ربو وحساسية؟؟!! وقبل هذا كله يقدر احد منكم يمشي مع ذاك الطريق؟؟

مدير المشاريع:ابداً ياطويل العمر لكن وش تبغانا نسوي لهم..وان شاء الله بيبدأ تنفيذ مشروع المظلة للطريق نفسه بعد 3 شهور ان شاء الله..

د.السلطان: وتبغى عيالنا خلال هال3 شهور يطعسون فوق هالكثبان الرملية ؟؟!! مب كلام هذا الله يهديك..ترى هذولا امانة بارقابنا يوم القيامة

مدير المشاريع: طيب حنا حاضرين بالي تامر فيه طال عمرك..

د.السلطان: اسمع.. ابغاك ترسل واحد من موظفينك للمحاسبة وهم بيعطونه مبلغ الف ريال اشتروا فيه 3 شحن بطحاء (خرسانة) وخل اثنين من عمال سراكوا ياخذون لهم عربيات وكريك ويواسون الطريق بالبطحاء وبكذا بنحل المشكلة مؤقتا وبتكلفة تافهة جدا..الى ان يبدأ مشروع المظلات

مدير المشاريع: امرك طال عمرك.. ان شاء الله مايجي بكره الصباح الا والطلاب يمشون بكل راحة وسهولة مع الطريق..حسب توجيهاتك

د.السلطان: في امان الله..

مدير المشاريع: الله يحفظك..

انتهت المكالمة..[HR]


ماكتب اعلاه لايمت للحقيقة بصلة.. انما هو مجرد حلم بسيط تراود الى ذهني وانا حالة الطلاب الصعبة والمأساوية عند التنقل من سكن الطلاب الى مبنى 24


واليكم هذه الصور المنقولة من موضوع الاخ (ليث):

















الى متى ونحن نحتاج الى دفع رباعي (4*4) لكي نصل الى قاعات الدراسة..

والى متى ومسؤولي الجامعة يتصيدون الفرص لمضايقتنا (الامن - الاسكان - لصيانة) ؟؟!!



اتمنى من معالي مدير الجامعة حل هذه المشكلة.. والحل الذي اقترحته بسيط جدا ولا يكلف الجامعة اكثر من الف ريال (يعني قيمة 10 مخالفات بس).. ولن يأخذ من وقته سوى 3 دقائق فقط..

واذا لم يكن لدى الجامعة هذا المبلغ فخذوها من صندوقنا (صندوق الطلاب).. نحن بشر لنا حرمتنا ومكانتنا وقدرنا..

ولن نرضى ان نهان بهذا الشكل يومياً بالمشي بين الشاحنات والحفر واكوام الرمل والحصى والغبار..

وختاماً... الا نستحق يامعالي المدير؟؟!!!

-----
نسخة مرآه للصور على الدوت أورق
http://www.skfupm.org/imager/u525/threadid=1749/
المشرف

 

شكرا للجميع على الاطراء..

ونتمنى ان يتحسن الحال قريباً..