عرض أرامكو العضيليه ] saoo

أول شيء ألف ألف مبرووووك ياخوي والله يوفقك ويتمم لك معاهم على خير.

بخصوص العضيلية ،، نعم العضيلية تعتبر منطقة نائية ويعطى فيها الموظف بدل منطقة نائية يتناسب مع العضيلية واعتقد ان الدوام راح يكون 12 ساعة وبالتالي فيه بدل أوڤر تآيم وفيه بدل طبيعة عمل بعد. العضيلية تعتبر احد اهم المناطق اللي تنتج منها ارامكو الزيت. وبالنسبة للتطوير والتدريب، لا يخفى على الجميع أن شركة أرامكو من اكثر الشركات اهتماماً بهالجانب وحتى لو كنت بمنطقة نائية ستحصل على حصتك الكافية من التدريب والتطوير في مجال عملك.

نصيحتي انك توافق وتوقع العقد والله يوفقك في عملك الجديد يارب.

 

العضيلية لا تعتبر نائية ، والدوام من 7-3:30 مش 12 ساعة.

 

في أي ادارة ؟؟ saoo بيزنس لاين كبير تحته ادارات كثيرة ؟؟
التطوير تقريباً متشابه في كل ادارات ارامكو .. ولا تعتبر ريموت اريا
السكن / فيها كامب عوائل وعزاب ..

تقدر تقول لارامكو ، ما ابي المكان هذا .. لان النقل في ارامكو نوعاً ما صعب.
وممكن يروح عليك العرض اذا رفضت المكان ،

 

وعليكم السلام ورحمة الله وبركاته

كامب آرامكوا في العضيلية مرتب جدا ونظيف وشرح ولكن يعيبه السكون والهدوء في بعض الأحيان، تحس انك عايش لحالك في بعض الأوقات .

طبعا السكن في العضيلية يأخذون منك 500 ريال شهريا ولا يروح عليك بدل السكن ( 3 رواتب أساسية في السنة)

ماتعتبر العضيلية ريموت إريا أبدا ودوامك عادي من 7 إلى 3:30

إدارة saoo كبيرة وما تدري وين يحطونك يمكن تكون في ادارة انتاج جنوب الغوار أو إدارة انتاج الغاز في جنوب الغوار أو في إدارة صيانة الأبار أو غيرها فما نقدر نحكم إلى الآن.

أفضل انك ترضى بالعرض وبعدين إذا توظفت واستقريت في وظيفتك. تقدر تسوي سواب وتنقل لأي مكان ثاني انت حاب تنقل له.

والله يوفقك

 

هم اسهلهم ما يقولوا لك القسم بالضبط لأنه ممكن تكون مطلوب من قسم بشكل روتيني وخلال اجراءات التوظيف (4- 5 شهور) يحصل احتياج عاجل للموظفين في ادارة ثانية وبالتالي ياخذوك هم. الشي هذا حصل لواحد او اثنين من طلاب السي بي سي وقعوا مع قسم بعدين راحوا لقسم ثاني ولكنه قريب جدا من الاول وكلهم يتبعوا نفس القطاع ونفس الجينيرال منيجر

 

اجراءات التوظيف 5 شهووور !!؟​

 

من المقابلة الى أول يوم دوام ممكن تعدي 5 شهور كمان

 

معليش اذا سؤالي جانبي

الحين اجراءات توظيف abb كم تاخذ وقت بالعادة

 

^^
وش معنى abb ؟

 

ABB

أسم شركة والحروف أختصارا لــ ASEA Brown Boveri