عرض عمل ,, رأيكم؟

وضع الوظائف حاليا جدآ مخيف، معقولة كمية هالاجانب في هالشركات في ظل بطالة المهندس السعودي ، حسبي الله ع المتسبب !!

ماتقدم تكمل دراسة، وتقبل العرض في نفس الوقت ؟

 

انا اشوف انك تكمل دراستك افضل لسببين:
1.حرام سنه دراسه تضيع على الفاضي خصوصا ان معدلك ممتاز.

2. الخوف ان الشركه تكون ماخذتك سعوده فقط خصوصا ان الراتب قليل جدا، انا اقول سعوده لان جاني عرف تقريبا بنفس الراتب و قبلته و تفاجأت ان الشركه كانت تحتاج اسمي كسعودي فقط لا اكثر.

هذا رأيي.
الله يكتب لك الي فيه الخير.

 

كمل الماستر ..
3000 حتى لو كان هدفك الخبرة تعتبر إجحاف في حقك
حتى لو فرضنا ان بتشتغل معاهم وخذت خبرة لكن وش فايدة هذي الخبرة اذا كانت وظيفتك سعودة ؟!

ادري الوضع لك عليه هاليومين لكن 3000 قليلة و شبه متأكد إنها سعودة واذا كان مسمى الوظيفة مب متعلق بتخصصك اسحب عليها

هل تقدر تدردب سمستر وتشتغل مع الشركة وفي فترة ال ٣ شهور ؟ و تشوف وضع الشركة واذا جازت لك كمل بشرط تعرف ال career path في الشركة
واذا ماعجبك الوضع ارجع للماستر

 

نصيحتي لك لوجه الله .. انسى امر الوظيفة نهائياً وكمل الماستر .. مشوار بديته لازم تخلصه وترا اللي باقي بس سنه والله مو شئ والايام والله تركض واصبر وتحمل راح تفرج باذن الله بس خل عندك يقين بالله .. وفي نفس الوقت قدم ع وظائف اخرى عندك بالخبر والدمام عشان تقدر تكمل تفرغ جزئ لو حصللك غير كذا انتبه تترك هذه السنة ..

لوجه الله اصبر ثم اصبر ثم اصبر وثق ثقه تامه انت المستفيد باذن الله ومافي شئ يروح هدر خاصه في التعليم والتطوير .


بالتوفيق يارب لك ولنا جميعاً

 

وجهة نظري ..

أن تكمل طريقك الدراسي بالماستر ....طالما أنهيت سنة فأكمل ما بدأته ...لو كان العرض الوظيفي مجزي كنت سأقول لك أن تفكر بين هذه وتلك وتوازن بين الأمرين ...
لكن العرض مجحف + لا تتوقع تكسب فيه خبرة فالأفضل أن تكمل الماستر ...

وإن كنت في حاجة للوظيفة فالأفضل أن تبحث عن عمل جزئي في أحد المكاتب الهندسية بالشرقية أو هرفي او ماكدونالدز أو جرير براتب 5000 أو 4000

بذلك أن تعمل وتحصل على راتب ..وفي نفس الوقت مازلت تكمل طريقك في الماستر ..

أتمنى لك التوفيق ..

 

وعليكم السلام ورحمة الله وبركاته.

من وجهة نظري، كمّل ماستر ولا تفكر أبداً إنك تلتحق بهذه الوظيفة. 3000 Full package .......!!!! مع سوء الأوضاع في الوقت الراهن وقلة الوظائف إلا إني لن أقبل العمل مع شركة ك مهندس بهذا الراتب. الشيء الثاني اللي يساعدك إنك قاعد تدرس. يعني وضعك مختلف عن اللي جالس ماعنده أي شيء يسويه. لو كنت جالس وجاك هذا العرض ممكن تفكر تقبل فيه. لكن وضعك حالياً ممتاز ولا عليك خوف إن شاء الله.


بالتوفيق,,,

 

كمل وفالك التوفيق. المعاش الردي أخو الفقر. من وجهة نظري أن الدراسة بتفيدك أكثر بإذن الله في المستقبل خلال الخمس سنوات القادمة وبتتعدى الكثير من أقرانك حتى لو سبقوك بالخبرة حاليا. كمل الماستر وبعدها أقبل بوظيفة حتى لو كانت بشهادة البكالوريوس. أنا أعرف شخص تخرج بكالوريوس من جامعة الملك عبدالعزيز تخصص computer science ثم لم يجد فرصة وبعدها ذهب ابتعاث وأكمل الماجستير وبعد عودته للسعودية وجد شركة لكن شرطوا عليه أن يتوظف بشهادة البكالوريوس بدل الماستر عشان يقللون الراتب وقبل الرجل. بعد سنة وجد عرض في شركة IBM وتيسرت أموره ماشاء الله تبارك الله. الخلاصة دراستك استثمار في نفسك وسوف ترى نتيجتها في المستقبل القريب بإذن الله.

 

نصيحه نصيحه لوجه الله
لا تفكر تروح ، اول الوظيفه بجده وانت خريج البترول ومهندس انت متوقع لما تتوظف بتكون مرتاح ،، صدقني واجزم لك انك لن ترتاح لانك بتفكر طول هالسنوات تتعب وتتخرج مهندس اخر شي يكون سعوده ، والمشكله ان الوظيفه في جده ، يعني معقوله للدرجه هذي وصلت الشركات ..


لكن بذكرك واذكر نفسي واخواني جميعا بقول الله سبحانه وتعالى قال تعالى: ﴿فَمَا ظَنّكم بِرَبّ العَالمِين﴾
‏قال ابن مَسعُود: "قسماً بالله ما ظنَّ أحدٌ باللهِ ظناً ؛ إلّا أعطَاه ما يظن

انت بديت الماستر وما تدري وين الخيره فيه تاكد تعبك لن يذهب هبئا منثورا وثق ثقه تامه ان رب العالمين هو الرازق
وما تدري بعد الماستجر ومعدلك ممتاز تقدر تكمل دكتوراه وتصير عضو في هيئة التدريس .

وما ينغلق باب الا رب العالمين يفتح لك الف باب
انا عملت مقابلات كثير وما توفقت والحمدلله ع كل حال
لكن ما زلت متاكد ان رب العالمين راح يعوضني ثق بالله ولا تثق باي شي بالدنيا ،، من تجربه ونصيحه لكل باحث عن عمل توكل على الحي الذي لا يموت وابشر بالخير ،

شد حيلك بالماستر وباقي لك سنه خصوصا انت مش قاعد وتضيع وقت بالعكس قاعد تدرس ، وبلمحة بصر رب العالمين راح يفتح لك باب كنت تظن ان ماله مفتاح !

اطلب رب العالمين والدعاء هو السلاح الوحيد

‏قال الله تعالى :
‏فقلت استغفرو رَبكم إِنه كَانَ غفارايُرْسِلِ السَّمَاءَ عَليكم مدرارا.
‏(من اراد الرزق فعلية بالاستغفار )


اسال الله العلي العظيم ان يرزقنا من حيث لا نحتسب ويفتح لنا ابواب الرزق .. تفائل ❤

 

ما انصحك تروح ابدا هذا الراتب لو تشتغل بكريم على سيارتك بعد دوامك الجامعي تطلع دبله