عرض وظيفي من بيكرهيوز و ابي استشارتكم

الموضوع في 'ساحة الخريجين' بواسطة engfaristho, بتاريخ ‏13 مارس 2019.

  1. engfaristho

    engfaristho عضو

    انضم:
    ‏26 مايو 2018
    المشاركات:
    4
    التخصص:
    Mechanical Engineering
    الجامعة:
    kfupm
    سنة التخرج:
    2018
    الجنس:
    ذكر
    الوظيفة:
    Fresh Graduate
    الإقامة:
    Saudi Arabia
    التقييمات:
    +2 / 0 / -0
    السلام عليكم و رحمة الله و بركاته

    ابي مشورتكم الله لا يهينكم اذا تكرمتم في عرض و ظيفي من بيكر هيوز Field Specialist في ال drilling .

    انا حاليا شغال في الوزارة في الرياض متعاقد مع شركة و راتبي 11 الف مع خصم التامينات و بقولكم الايجابيات و السلبيات الوظيفة الي انا فيها و هدفي الي افكر فيه طول اليوم

    ايجابيات وظيفتي: ان مسماي هو مهندس صيانة مشاريع و راتبي حلو و دوامي عند اهلي في الرياض امي و ابوي و بدون بصمة و اجي متى ما ابغى و اطلع متى ما ابغى و عايش الحياة و عندي انتدبات تجي حدود ال 5 الاف تقريبا الحمدالله مستانس و عندي مكتب و اموري طيبة و مديري متساهل

    السلبيات: مافيه اي تطور ابدا الانتاجية 0 انا متخرج من امريكا (هندسة ميكانيكية) لي سنة متخرج و الوحيد تقريبا الي يعرف انجليزي في الدوام مافيه اي تطوير بس سوالف و لا فيها مستقبل يعني اقعد سنة وبعدها يا يفصلوني او يشوفون وزارة ثانية يعني مافيه امان و ظيفي و لا اشوف نفسي فيها بعد خمس سنين و لا حتى سنتين في المجال هذا يعني من جيت الشغل ما تعلمت شي غير فلان قال و علان قال حش بالعربي :nosweat:

    هدفي و طموحي: اني اصير منصب في شركات النفط حتى لو كرفوني و يصك راتبي 25 الف و طالع خلال الخمس سنين الجاية بحكم اني من الشرقية و شركات النفط من المقدسات و المهنة الي عليها الكلام :icon30: و حاليا عزوبي الله يزوجكم ان شاء الله :shiny: المهم مالكم بالطويلة بغيت مشورتكم هل فيه مجال لو اكمل في بيكر هيوز اني اصير منصب محترم في بيكر او في شركات الننفط بحكم ان General electric لها وزنها في السوق وخبرتها قوية و كيف حياة الرقوق نبي مشورتكم يا اهل الخبرة و شكرا
     
    • x 2 إعجاب إعجاب
  2. PNGE

    PNGE عضو

    انضم:
    ‏5 نوفمبر 2016
    المشاركات:
    143
    التخصص:
    Petroleum and Natural Gas Engineering
    الجامعة:
    The Pennsylvania State University
    سنة التخرج:
    2016
    الجنس:
    ذكر
    التقييمات:
    +107 / 0 / -4
    ما شا الله عليك رجل ذو طموح وعندك هدف وان شا الله توصله. انا راح اعطيك علم بيكر وعاد الحكم عندك. طبعا حسب ما فهمت جاك العرض في قسم الحفر يعني شغلتك حتكون M/LWD والشغلة هاذي ممتازة في الحفر ولها قيمة. بالنسبة للمسمى الوظيفي حاليا بيكر توظف المهندسين بمسمى field specialist وهوا مسمى المفترض لخريجين الدبلوم لان المتوقع للسبيشلست العمل في الفيلد لفترة طويلة في الفيلد.

    نقطة توضيحية:

    Field engineer: المفترض من ٣-٥ سنين فيلد وبعدها ينتقل الى المكتب ك project engineer/ engineer in charge وبعدها يصير مدير

    Field specialist: العمل في الفيلد لفترة تصل الى ١٠ سنوات ومافي خطة واضحة للوصول الى المكتب. يعني انت وشطارتك.

    طبعا كلامي مو ١٠٠٪؜ صحيح لكن هذا البارز لي في الساحة من خلال عملي (حاليا اشتغل في شلمبر)

    الشباب كمان ان شا الله ما يقصروا ويعطوك ارائهم في الموضوع لربما احد شغال في بيكر يشوف الموضوع.

    كامل التوفيق لك
     
    • x 1 إعجاب إعجاب
  3. Turki-a

    Turki-a عضو

    انضم:
    ‏20 فبراير 2017
    المشاركات:
    164
    التخصص:
    CIVIL Engineering
    الجامعة:
    ska
    سنة التخرج:
    2017
    الجنس:
    ذكر
    التقييمات:
    +86 / 4 / -5
    والله اشوف وظيفتك كويسه بحكم الراتب والقرب من الاهل وهذي الثنتين نعمه محد يحس فيها الا اذ فقدها .
    وحلو يكون عندك طموح وتبحث عن الافضل . لكن المسمى الجديد يرجعك ورى مايفيدك غير ان المكان بالرقوق وضياع اجتماعي .

    نصحيتي لك ابقى وابحث عن فرص بالهيئات الحكومية او الشركات الحكومية او الخاصه الكبيره بالرياض او الشرقية واكسب الجلسه عند اهلك . لو منك اجلس الين يجيني شي افضل بمكان افضل بمسمى افضل

    وبالنسبة لموضوع الراتب انت بديت فرش ب 11 الف لاتتوقع بالمستقبل راح ينزل راتبك وانت معاك خبرة حتى لو خبرة " حش وسوالف "
     
    • x 2 إعجاب إعجاب
    • x 1 عدم إعجاب عدم إعجاب
  4. *احمد العنزي*

    انضم:
    ‏18 فبراير 2010
    المشاركات:
    126
    التخصص:
    مهندس كهربائي
    الجامعة:
    حفر الباطن
    سنة التخرج:
    2016
    الجنس:
    ذكر
    التقييمات:
    +62 / 8 / -23
    اوا
    اوافق تركي
    خلك عند اهلك وبتلقى بنفس الرياض وخبرتك تشفع لك بالمستقبل ولا راح ينزل راتبك مع مرور السنين بل بيزيد ونصيحة الكرف صعب خصوصا لو تزوجت وبعيد ان اهلك فاشوف تبقى اريح لك واحسن ووظيفتك بالاخير ع مسماك الوظيفي وشركات الصيانة الكبيرة كثيرة بتلقى رزقك
     
    • x 1 عدم إعجاب عدم إعجاب
  5. Saleh-1993

    Saleh-1993 عضو

    انضم:
    ‏25 أغسطس 2018
    المشاركات:
    25
    التخصص:
    هندسة مدنية
    الجامعة:
    جامعة الملك سعود
    سنة التخرج:
    ٢٠١٧
    الجنس:
    ذكر
    التقييمات:
    +14 / 1 / -1
    حصل لي نفس موقفك بالظبط قبل 7 شهور تقريبا , ووصلي عرض لكن برى الرياض و غربة براتب يوصل ل 17 ألف ( وانا الحالي 11500 ) , لكن استخرت و استشرت وقعدت عند أهلي في الرياض و الحمدلله يشهد الله ماتحسفت , فنصيحتي لك استخر ومن رأيي اقعد وبيرزقك ربي وأنت توك فرش ومع الخبرة صدقني بتشوف نفسك حبه حبه ترقى , ورأيي مع رأي الشباب .
    موفق ياكريم .
     
  6. ندى3030

    ندى3030 عضو

    انضم:
    ‏6 مارس 2019
    المشاركات:
    83
    التخصص:
    Finance
    الجامعة:
    KAU
    سنة التخرج:
    2016
    الجنس:
    أنثى
    التقييمات:
    +12 / 0 / -30
    فعلااا أستخير

    ممكن تنقل بس ماترتاح بالوظيفه والبعد و و
     
  7. Dyaa94

    Dyaa94 عضو

    انضم:
    ‏15 يوليو 2012
    المشاركات:
    385
    التخصص:
    AME
    الجامعة:
    KFUPM
    سنة التخرج:
    2018
    الجنس:
    ذكر
    الإقامة:
    الظهران
    التقييمات:
    +390 / 3 / -34
    المسمى مره مو اوك....مثل ماقال الاخ PNGE السبشلست تطويره بطيء واذا تسألني مابيخدمك في السي في...لو عرضو عليك فيلد انجنيير كان كلام ثاني

    ع فكره GE راح تبيع بيكر هيوز قريب....

    لو انا منك بظل مكاني وانت قلتها بنفسك مستانس وعندي مكتب واموري طيبه...صدقني انا شغال بSLB وقابلت ناس كثيره ماشاء الله تطلع فلوس ورواتبها اعلى بكثير من 25 وتففكككر تهد الشركه كل يوووووووووم والكثير منهم يتمنو وظيفه مريحه براتب اقل....Money can't buy happiness

    بالنسبه للأمان الوظيفي..بحد علمي الحكومه تعتبر امنه وظيفيا وانت قلتها اذا مااحتاجوك نقلوك وزاره ثانيه...شركات السرفس ماتعتبر امنه وظيفيا اذا خسرو طردو الموظفين وووووولا اهتموا

    موففففق,
     
    • x 1 إعجاب إعجاب
  8. M10

    M10 عضو

    انضم:
    ‏8 مارس 2018
    المشاركات:
    54
    التخصص:
    Civil Engineering
    الجامعة:
    .
    سنة التخرج:
    .
    الجنس:
    ذكر
    التقييمات:
    +12 / 0 / -0
    #8 M10, ‏15 مارس 2019
    آخر تعديل: ‏15 مارس 2019
    والله ياخوان اني اعاني من نفس الشئ
    انا الحمدلله الان موظف في احدى الوزارات عن طريق عقد براتب ١٢ الف صافي، دوامي نففففس دوام الرجال سواليف والحضور كله تسيب ولافيه رقيب ولاحسيب والتطوير صفر مكعب.
    جاني عرض من شركة حكومية في تخصصي ولكن راتبهم يفشل صراحة تقريباً صافي ٨ مع اني الحمدلله متخرج امتياز من جامعة مرموقة
    الان انا قبلت العرض وصراحة منصدم من كلامكم للرجال ولو ان المقارنة مختلفة بحكم ان العرض اللي جاني يختلف عن اللي جاه ولكن بصراحة انا ودي اقول حاجة وهي ان الاستمرار في الحكومة والتعود على التسيب ولو ان الراتب عالي انا اعتبره انتحار وظيفي والله، يعني بالنسبة لصاحب الموضوع انا ماودي اخوفك ولكن احرص على الخروج في اسرع وقت وصححو لي ياشباب اذا انا غلطان، لكن والله الشغل الحكومي مايبني خبرة مثل ما تبني الشركات الحكومية او شبة حكومية او الخاصة، صحيح الراتب قليل ولكن الواحد ماعاد عنده خيار ياراتب ممتاز وخبرة صفر او راتب يمشي الحال وخبرة ممتازة

    اللي ابي اوصل له ان التضحية لابد منها واذا كنت تشوف نفسك زي ما اشوف نفسي قاعد اخذ راتب وبدون تطور انصحك تطلع، انا الان ضحيت ب٤ الاف من راتبي وراحة في الدوام ولكن عندي ايمان ان الفلوس راح تجي في وقتها المناسب والاهم الان اني اتعلم صنعة تخليني اتميز عن غيري ودامك ماشاء الله عندك لغة كويسه انا اقول حرام تقعد في الحكومة ولو كنت مرتاح، موب شرط تروح لبيكر شوف غيرهم زي ماقالو الشباب ولكن احذر من الاستمرار في نفس هالطريق.

    طولت في الكلام ولكن والله قاعد اعيش اللي تعيشه وحاب اشاركك افكاري
    شكراً
     
    • x 2 إعجاب إعجاب
  9. Practice

    Practice مشرف سابق

    انضم:
    ‏28 أكتوبر 2012
    المشاركات:
    1,159
    التخصص:
    Finance
    الجامعة:
    KFUPM
    سنة التخرج:
    2017
    الوظيفة:
    ISE Student
    الإقامة:
    Currently : Dhahran
    التقييمات:
    +885 / 1 / -52
    #9 Practice, ‏16 مارس 2019
    آخر تعديل: ‏16 مارس 2019
    وظيفتك الحالية:
    1- المسمى الوظيفي كويس
    2- مافي تطوير ، ومافي انتاجية على كلامك ولكن انا شايف انك مرتاح مو متضايق ولا شايل هم الدوام اليومي فهذه نقطة ايجابية ، والتطوير انت بنفسك تقدره تعوضه
    3- الراتب كويس
    4- عند اهلك

    الوظيفة الثانية:
    1- مسمى لخريجي الدبلوم ، وعيب على شركة بهذا الكبر تسوي ذي الحركات استغلالاً لخريجي الجامعات العاطلين
    2- مو عند اهلك ، عن نفسي تفرق معايا كثير واعتبره سلبية
    3- التطوير مو واضح ويمكن تروح هناك وتكتشف انه مافي ذيك الانتاجية ولو قعدت في مكتبك اصرف لك :)

    انا من رأيي خليك في وظيفتك الحالية وانا داري انه فيك حماس ومعرفة تبغى تطبقها وتنتج لكن طبقها بوظيفة افضل (مسمى وراتب) مو اقل (دبلوم)

    كل التوفيق لك
     
    • x 1 إعجاب إعجاب
  10. Haitham2018

    Haitham2018 عضو

    انضم:
    ‏5 يناير 2018
    المشاركات:
    68
    التخصص:
    هندسة كهربائية
    الجامعة:
    KAU
    سنة التخرج:
    2017
    الجنس:
    ذكر
    التقييمات:
    +33 / 0 / -2
    مسمى سيء للاسف و لا تفكر فيه

    مالك عذر يا حبيبي مدام إنك فاضي و مروق ابدأ بالدورات التدريبية و فكر تحصل على شهادات احترافية مثل pmp و غيرها
    طور لغتك
    خذ دورات اونلاين في أنظمة الحريق HVAC الخ
    خذ دورة سلامة اوشا نيبوش
    تعلم للبرامج الهندسية اوتوكاد أو ريفيت أو بريفيرا ((إدارة المشاريع )) أو ساب أو اوركل (( للصيانة ))
    هذا وقت لا يقدر بثمن استغله تمام
     
    • x 1 عدم إعجاب عدم إعجاب
  11. Eng.Moh1

    Eng.Moh1 عضو

    انضم:
    ‏28 ديسمبر 2018
    المشاركات:
    49
    التخصص:
    Chemical
    الجامعة:
    KSU
    سنة التخرج:
    17
    الجنس:
    ذكر
    التقييمات:
    +36 / 2 / -8
    رأيي ترفض العرض لانه البوزشن مو للمهندسين و في بيئة كرف و غالبا اذا طولت فيها ما راح تروح بعيد عن هالمجال حتبقى في شركات الرقوق
    صعب بعدين تروح على سبيل المثال لشركة بتروكيماويات
    ماشاء الله انا اشوف استغل راتبك بتطوير نفسك بدورات و توقعي بيجيك عرض افضل من هذا بكثير
    و اذا انت حاب هالنوع من الشركات و طموحك عالي لها لازم تتحمل المخاطره لانه قد ما يكون فيه اهتمام كبير فيك مثل الفيلد انجنير لكن بتقول انا بثبت نفسي و بوصل للي ابغاه فبقول لك الله يوفقك :icon30:
     
    • x 1 إعجاب إعجاب
  12. MJ_87

    MJ_87 عضو

    انضم:
    ‏4 ديسمبر 2015
    المشاركات:
    55
    التخصص:
    --
    الجامعة:
    --
    سنة التخرج:
    2014
    التقييمات:
    +47 / 0 / -7
    لازم تحط في بالك ياصديقي ان شركات السيرفس ومن بينها بيكر هيوز عندها اختبارات سنوية وكورسات مكثفة ... وضروري جدا تنجح بنسب عالية "٨٠٪+" في هالاختبارات ولا وضعك يصير حرج. غير انك اوفر كوالفايد .. و المسمى و طبيعة العمل فيهم بخس كبير في مؤهلاتك كمهندس.
     
  13. Musaed94

    Musaed94 عضو

    انضم:
    ‏8 فبراير 2019
    المشاركات:
    28
    التخصص:
    هندسة كهربائية
    الجامعة:
    جامعة القصيم
    سنة التخرج:
    2018
    الجنس:
    ذكر
    التقييمات:
    +0 / 0 / -1
    كل شيء متعلق برغباتك
    لو كنت مكانت كان قبلت ببيكر هيوز لاني راغب وبقوة بشركات السيرفس وافضله على الراحة وقرب للاهل على الاقل اول السنين
    لكن اذا كنت محتار بينهن انصحك تبقى بوظيفك وتطور نفسك خلال الدورات او تدور شركة عند اهلك تطور نفسك وراتب اعلى
     
  14. Turki-a

    Turki-a عضو

    انضم:
    ‏20 فبراير 2017
    المشاركات:
    164
    التخصص:
    CIVIL Engineering
    الجامعة:
    ska
    سنة التخرج:
    2017
    الجنس:
    ذكر
    التقييمات:
    +86 / 4 / -5
    انا احترم تفكيركم بالتطور والبحث عن فرص افضل لكن مايعني مع اول فرصه اطلع او اتناسى السلبيات .
    ماشاء الله انا اشوف رواتبكم جيده ولو انا منكم ب استغل ميزة الراتب وقل الشغل بالدورات واحتمال اكمل ماستر ع حسابي بما اني بالرياض .
    كلمة خبرة كلمة فضفاضه كل شخص عنده تعريف لها خاص فيه بعضهم يعرفها ان الشخص يكون ملم بكل صغيره وكبيره يعني خبرة تكنكل وبعضهم يعرفها خبرة ادارية واشرافيه . انتبهو من كلمة خبرة لان التفسير الخاطي لها ممكن يكلفك قرارت مهمه بحياتك .

    لكن موضوع الرجال والانتقال ل بيكرهيوز قرار يرجعه للخلف . لا مسمى زين ولا راحه وقدام خبرته تصير محصوره بالoil services وبأمكانه الحين يدور دورات تقوي السي في حقه و او يكمل دراسه او ع الاقل يكون بالرياض عشان يقدر يقدم ويشوف الفرص الاخرى
     
    • x 1 إعجاب إعجاب
  15. Turki-a

    Turki-a عضو

    انضم:
    ‏20 فبراير 2017
    المشاركات:
    164
    التخصص:
    CIVIL Engineering
    الجامعة:
    ska
    سنة التخرج:
    2017
    الجنس:
    ذكر
    التقييمات:
    +86 / 4 / -5
    والله ياخوي اقولها وبكل صراحه الكلام سهل لكن لا جاء الجد بتعرف وش معنى الكرف ووقتها تدفع عمرك بس عشان ترجع ل اهلك وبوظيفة لو 9 الالف
     
    • x 3 إعجاب إعجاب
جاري تحميل الصفحة...
مواضيع شبيهة - عرض وظيفي من بيكرهيوز ابي استشارتكم
  1. Redzawe
    الردود:
    7
    المشاهدات:
    2,198
  2. H A J
    الردود:
    13
    المشاهدات:
    1,418
  3. Maytham92
    الردود:
    15
    المشاهدات:
    2,330
  4. vlesco
    الردود:
    5
    المشاهدات:
    508
  5. amy267
    الردود:
    10
    المشاهدات:
    2,259
  6. alb7ar1
    الردود:
    3
    المشاهدات:
    569
  7. KFUPM088
    الردود:
    17
    المشاهدات:
    1,484
  8. Dr. White
    الردود:
    26
    المشاهدات:
    2,585
  9. paatchi2013
    الردود:
    4
    المشاهدات:
    1,473
  10. ليفربولي مبتعث
    الردود:
    0
    المشاهدات:
    720

مشاركة هذه الصفحة