عندك اي استفسار بخصوص الجامعه ... تفضل هنا

أولاً: للطلاب الدارسين الثانوية باللغة العربية:

• أن يكون الطالب خريج الثانوية العامة أو الثانوية نظام المقررات (علوم طبيعية) في العام الذي يتم فيه القبول أو العام السابق له
• دخول الطالب اختبار القدرات العامة للتخصصات العلمية الذي يقدمه المركز الوطني للقياس والتقويم في التعليم العالي، ويحق للطالب استخدام نتيجة الاختبار التي حصل عليها في العام الذي يتم فيه القبول أو العام السابق له. وللحصول على مزيد من المعلومات عن الاختبار، يمكن مراجعة الموقع الإلكتروني: http://www.qiyas.org
• دخول الطالب الاختبار التحصيلي في العام الذي يتم فيه القبول فقط. والاختبار يقدمه المركز الوطني للقياس والتقويم في التعليم العالي. وللحصول على مزيد من المعلومات عن الاختبار، يمكن مراجعة الموقع الإلكتروني: http://www.qiyas.org
• لم يسبق للطالب الدراسة في جامعة الملك فهد للبترول والمعادن أو برنامج الدبلوم الجامعي أو أي من كليات المجتمع التابعة للجامعة

- الطلاب غير السعوديين ومن أمهات سعوديات: سوف يعاملون كالسعوديين وذلك حسب الأنظمة والتعليمات

http://www2.kfupm.edu.sa/admissions/Files/Admissions_Arabic.htm

**

هذي شروط القبول العامة للسعودين والي أمهم سعودية..

الغير سعوديين من جهة الأب والأم تنطبق عليهم نفس الشروط عدا أنه يتم قبولهم وبداية دراستهم في الفصل الدراسي الثاني..
ويلزمهم معدل عالي ليتم قبولهم..


والله لا يفرق بينكم إن شاء الله

 

ماقصر معاك روح انسان

لكن حاب اقلك ان نسبه القبول للاجانب غالبا ماتكون عاليه

عشان اشجعك انك تشد حيلك اكثر وتجي تبدع عندنا باذن الله

وبتوفيق الله ثم التعب تنال الاماني

 

خذ نصيحتي و نصيحة كل الطلاب : لازم تقدم طلب قبولك بداية فتح التقديم للمواطنين



بعدين , سجل في اي جامعة سواء في بلدك أو غيره و في حال قبولك في جامعة الفهد اسحب ملفك و تعال عندنا , أما في حال لا سمح الله ما تم قبولك تكون كذا ضمنت دراستك الجامعية

 

^^ بالعكس التحصيلي له أهمية..
وحط في بالك انك تبدع في كل شيء ولا تهمل حاجة..

وعود نفسك إنك ما تغيب لأن هذا ممكن يأثر عليك مستقبلا..

موفق

 

^^
إن شاء الله ما تحسب عليك مدرستك إذا كنت مجتهد فيها..
انت الحين ركز في دراستك ولا تغيب..كلها هالترم وتتخرج إن شاء الله..
موفق

 

اختبار ارامكو قسمين : رياضيات من مرحلة الثانوي ويكون سهل نسبيا
وانجليزي ( قراءة واستنباط _ قرامر _ مصطلحات )

الاختبار بصورة عامة سههههل بس المشكلة في الواسطات

موفق اخوي وتراك قطعتنا في المسن زمااااااااااااااان عنك وعن سواليفك

 

شوف يا حبيب ألبي <<<<<<<<<<<<<<<<<<<<<< مسوي لبناني على غفلة






أرامكو عشان تتمكن منها صح اسمع كلامي : في دورة في معهد اسمه رائز بالخبر ,, يقدم دورة اسمها cpc ,, الدورة هاذي كنت ابيها في فرعهم الي بالرياض لكن للاسف اكتشفت بعد فوات الآوان ان الدورة هاذي ما تقدم الا في الخبر




علما اني من الناس الي كنت اموت على دخولي أرامكو .. لكن الحمدلله الي يسرلي كل امر عسير و سجلت هنا .


نصيحة أخوية يا قلبي : لاتدخل أرامكو ..... لسبب بسيط وهو عدم وجود الحرية في اختيار التخصص




واحد من اخوياي سجل بأرامكو وهو مأمل على هندسة





تفاجأ لما قالوله ترا دفعتك ما فيها الا جيولوجيا او جيوفيزياء .. و المسكين قالهم جيوفيزياء و انهارت احلامه مع الهندسة







لذلك نصيحة لاتحرص كثير على ارامكو ترا كل أبوها تعب و قرف

انا لما دريت ان دفعتي ما فيها الا جيولوجيا او جيوفيزياء قلت اللهم لك الحمد الي ما خليتهم يقبلوني

 

.. طالب ثالث ثانوي عنده كم إستفسار <3 !

بسم الله الرحمن الرحيم
السلام عليكم , اسعد الله صبااحكم / مساكم
وشخخباركم .. إن شاء الله بخخير ! ​

المهم هذي اول مشاركة وبديته على طول بموضوع
حباايبي طلاب جامعة الفهد واللي تخرجواا واي واحد له علاقة بهالجامعة العظيمة ..
أنا طالب حالياً بثالث ثانوي .. يالله يارب إني بعد كم شهر أقول إني من طلاب جامعة الفهد !​

وأدرس بثانوية حكومية من من ثانويات منطقة القصيم وبالتحديد بريدة
من دخلت الثانوي وميولي تتجه لجامعة الملك فهد وطموحي إني أدخلهاا ..
وكل يوم عن يوم يكبر هالطموح وهالميول أكثثر وأكثثر ​

حبيت اسألكم كم سؤال ..
بالبداية نسبتي الحمد لله 99 .. وبإذن الله هالنسبة مو متغيرة ..
بالقيااس 76 .. وبإذن الله مؤهلة انها ترتفع بعد آخر اختبار لانه كاان احسن واروع اختبار لي ..
بااقي لي اختباري التحصيلي والله يعين علييه .. ​

الاختبار التحصيلي زي ماأنتم عارفين انه بعد شهر .. ولحد الآن ماأستعيدت له .. بحكم إني منشغل بإختباراات الثانوي ودرااسته .. فبصرااحة أنا محتاار ممره ومادري وش أسوي .. أشتريت كتاب رام2 .. وللحين مارجعت له .. فاللي اتمنااه كل واحد يكتب تجربته ووشلون نجح بدخول الجامعه .. واللي اتمنااه واحد بنفس حالتي اللحين .. يعني مارااجع الا بوقت متاخر وبالاخيير عدَا ودخل الجامعة .. واللي عنده خبره كم يبغى لي درجة عشان اكمل النسبة المركبة المطلوبة .. يعني بإختصصار وش أسوي عشان احل كويس واجيب النسبة المطلوبة بالتحصيلي لانو كل شي تمام ومابقى الا اختبار واحد يحدد قبولي من عدمه ! ​

وتكفون أبي نصايحكم واقتراحتكم علي .. ووإن شاء الله إذا دخلت الجامعه هل اقدر اتكيف وامشي فيها ؟ ,, وبالعلم إني بتحمل اي ضغط يجيني لاني ابي هالجامعه .. بس المشكلة لغتي الانجليزية مش بالششكل المطلوب .. يعني يبيلي شوي .. ​

وتكفون ابي ردود توسع الصدر وتشجعني .. بحكم إني شخص عندي طموح .. واتمنى إني اوصل لبعييد .. شااكر ومقدر لكم .. و آسسف جداً على الإطالة ​

 

وعليكم السلام...
النسبة السنوية للقبول في جامهة الملك فهد تتراوح بين 80-84 والله يوفقك وتجيب اعلاء ,بالنسبة لتحصيلي شد حيلك فيه لانك زي منت عارف مطلوب عليه اكثر من نسبة الثانوية , وانا اشوف ان مذكرة رايز جيدة في التحصيلي
في الختام نشوفك السنة القادمة في الجامعة وبالتوفيق

 

( بالنسبة للردود دحين الاعضاء مشغولين عندهم اختبارات , وما حد فاضي )
شوف يالحبيب , انا مثلك تماما بس اللهم انا ماخذ صيفي ومريح , ماعليك الا انك تذاكر من هذي الكتب وتحل التمارين اللي تقدر وتسيب الباقي على رب العالمين :

http://http://www.yzeeed.com/vb/showthread.php?t=170399

والله الله في دعوات الوالدة , وانصجك نصيحة وانت رايح الاختبار خذلك ( كورن فلكس ) وانشا الله 100 %

 

كل واحد رد علي جزااه الله ألف خيرر ..
بس للحين ماحسيت إن فيه كلام وصل لخاطري .. أدري كثير كلامي .. لكن تحملوني شوي !!
أبي أحد يقولي عن النسبة المركبة وكم لازم أجيب .. ووش أسوي ..
الله يجزاكم الجنه ويرحم والديكم ق3

 

السلام عليكم ورحمة الله وبركاته

تعددت الأصوات واختلفت الآراء حول جامعة الملك فهد للبترول والمعادن
أشاخ تنتقد وأخرى ترحب أشخاص تعطينا طموح وهمة وأخرى تجعل من الجامعة مكاناً للهم والغم والإكتئاب
أنا طبعا شخص يريد الإلتحاق بالجامعة هذه السنة

سوف أطرح أسئلة وأتمنى أن تتم إجابتها على أكمل وجه ولكن
قبل ذلك أريد أن تتم الإجابة من طالبين
1- طالب معدله في الجامعة أو التحضيرية 2.5 أو أقل
2- طالب معدله في الجامعة 3.5 فأكثر

لكي أتمكن من معرفة حقيقة هذه الأمور المبهمة حول هذه الجامعة العريقة

س1/ هل المناهج صعبة بشكل غير متوقع ؟
س2/ هل طبيعة الدراسة تختلف اختلاف تام عن جامعة الملك سعود من حيث
صعوبة المقررات المطروحة؟
س3/ كم من الوقت لابد أن اقضيه على المذاكرة في اليوم إذا أردت أن يكون معدلي 3.5 فأكثر ؟
س4/هل الدكاترة أو الاساتذة يوصلون المعلومة إلى الطالب بالشكل المطلوب؟
س5/بالنسبة للسكن في الجامعة هل بإمكاني أخذه ببساطة ولا فيه زحمة ؟
س6/ هل خريج جامعة الملك فهد له تمييز عن خريج جامعة الملك سعود من ناحية التوظيف ؟
س7/ هل المشكلة في الحكم على أن الدراسة في الجامعة صعبة من الطالب أم من المعلم؟
س8/ إذا لغتي الانجليزية ضعيفة هل بأمشي في الدراسة؟
س9/تخصص الهندسة الكهربائية هل هو تخصص يهتم بالرياضيات أكثر أم الفيزياء أم الاثنين معا؟
س10/ما هي أكثر المشاكل التي يعاني منها الطلاب في الجامعة ؟
س11/ هل فيه وقت أقدر أوسع صدري فيه مع الشباب ولا كل قتي يروح مذاكرة وحل واجبات؟
س12/ ماهي المقررات التي يدرسها طلاب السنة التحضيرية ، وكم عددها ؟
س13/ هل مباني الجامعة قريبة من بعضها أم بعيدة وهل تحتاج سيارة للتنقل ؟


وجزاكم الله ألف خير

 

اي خدمة الشبآب موجودين .. و لله درّ البرآءة !!