فآت علي ميجر الإسلامي 111 هل من حل .. ؟

لو تكلم أحد خوياك بالكلاس ويعطيك رقم جوال الدكتور موسى السلمي + رقم رئيس القسم

و تكلمهم في الموضوع لعلهم يقدرون وضعك و يؤجلون الاختبار ,, كان الله في عونك يالغالي

 

اولا عظم الله اجرك ويبعثه فسيح جناته

اتا اشوف لو تكلم الدكتور الحين او ترسله رساله وتشرحله الوضع يكون احسن عشان لا سمح الله وما وافق ترجعله وتكلمه وهو عارف الظرف . وجب معك خظاب حتى ما يكون لهم حجة

اخيرا لو تكلمه الحين اريح

موفق

 

أولا رحم الله والدك وأسكنه فسيح جناته ، وأحسن الله عزاكم .

أخوي أنا معاك مع الدكتور موسى السلمي ، وأتوقع أنه رجل متفهم وسيقدر ظرفك .
الآن نصيحتي لك يالغالي ترسل رسالة للدكتور ورسالة لـ رئيس القسم .
بس ارسلها من الآن .. حتى يتأكدون أن غيابك كان لظرف طارئ وليس لتأخر في النوم أو غيره .
وتعال بكرة لمكتب الدكتور موسى وكلمه وكلم رئيس القسم في مكتبه ، وإن شاء الله يوافقون .
ولو ماوافقوا سمح الله فأتمنى من الأعضاء الخبرة يفيدونك بأفضل حل من ناحية حذف الترم من عدمه .
لكن إنت تفائل بالخير وإن شاء الله يقدرون ظرفك .

توصل بالسلامة ~~

 

لا باذن الله ماراح تاخذ dn والدكتور راح يتفهم الوضع بس عشان تكون رسالتك اصدق .. ارسل له صورة من شهادة الوفاة اذا فيه امكانية

كذا صعبه صعبه جدا يقول لا .. واكيد بيقبل تاجيله لك

لاتشيل هم وانا اخوك امورك بتتسهل باذن الله

والله يرحم والدك ويوفقك يالغالي

 

ماعليك قوله اني انشغلت بالعزاء ولا اقدر اذاكر للمادة واعطيها حقها + عطه خبر عن مشكلة تاجيل رحلتك وانك ماتقدر تمسك خط
صور الشهادة ( بالسكينر ) وارسالها بالايميل ...
ولاتشيل هم تراهم حبيبييين وحتى لو ان دكتورك شديد راح ياجله .. لان عذرك قوي ... لاتشيل هم تساهيل يالغلا

للاضافة : على فكرة انا مره صار عندي ميجر عربي وبعده بنص ساعه ميجر مادة تخصص (يعني مافيه كونفلكت) ... بس انا ما كنت اقدر اراجع مادتين بنفس اليوم و كانت النص ساعه مو كافيه اروح من مبنى 24 الي 54 او بنخرش بسبب قرب وقت الميجرين من بعض

كلمت دكتور العربي واجلي الامتحان بدون مشاكل ..

مع عذرك انت اكيد راح يقبل التاجيل

 

السلمي طيب واجودي وان شاء الله بيضبطك

 

أخوي لا تصعب الموضوع ، وبإذن الله ماضاقت إلا لـ تفرج .
إنت سوي اللي عليك ، وبعدها لو جاك dn لا سمح الله فأنت على الأقل سويت كل اللي تقدر عليه .
يعني لو مثلا تيقنت انك خلاص بتاخذ dn ، إيش يمديك تسوي ؟ ماحتقدر تجي خلال 4 ساعات ..!
إنت إعمل بالأسباب ، وسلم أمرك لله ..

الله ييسرها لك يالغالي ، ولا تشيل هم فوق همك .. ان شاء الله الدكتور يقدر ظرفك ،
وبرضوه أنصحك ترسل رسالة لرئيس القسم ( الآن ) وتعلمه بالموضوع كامل .. وتروح لمكتبه بكرة .
ومثل ما قال أخوي الرقمي ، تراهم حبيبين وبإذن الله يقدرون ظرفك .
أسأل الله لك التوفيق

 

الله يعينك وييسر أمرك..


والخيرة في اللي يختاره الله..

إذا عاقتك الظروف عن تكميل الترم..ما تدري وين الخيرة..

 

http://faculty.kfupm.edu.sa/IAS/alsulami/contacts.htm

شوف رقم التواصل معه
كلمه و شوف

 

الله ييسر لك ويوفقك
وان شاء الله ما راح يصير الا كل ما فيه خير

 

وعلى فكرة ..السلمي هو الكوردينيتور للكورس..
يعني الامر بيده

 

كلم الدكتور موسى السلمي تراه حبيب مرة


والله يوفقك يارب

 

احسن الله عزاك واسكن الله والدك فسيح الجنان ..

في ظروف مثل هذه تأكد انك ستلقى تعاون من الجامعه .. وان شاء الله تبشرنا برد الدكتور لك قريباً ..

اسأل الله ان يعينك ويعظم اجرك ..