فرصة في البنك الاهلي

الموضوع في 'ساحة الخريجين' بواسطة انتراوي, بتاريخ ‏28 أغسطس 2012.

  1. انتراوي

    انضم:
    ‏18 يونيو 2008
    المشاركات:
    2,171
    التقييمات:
    +0 / 0 / -0
    اتصلوا علي البنك الاهلي واخبروني بوجود فرصة لي في الـ corporate banking
    مع العلم اني اكاونتنغ انا، لكني ماامانع :khotrah:

    الدوام في الخبر لكن في البداية راح يكون فيه دورة في الرياض لمدة 7 شهور تقريبا
    قال لو مو حاب الدورة ممكن نحطك دايركت هاير لكني فضلت الدورة
    الراتب حوالي 12 الف ريال ماقال فل او بيسك لكنه فل على الاغلب

    عموما ممكن احد يفيدني ببعض المعلومات

    ساعات العمل، بيئة العمل هناك في ادارة الخبر(المدير وتعاونه الموظفين)، طبيعة العمل (ماهي الكوربرت بانكينغ وش طبيعة شغلي بالضبط؟)، كيف ممكن اطور نفسي في الوظيفة هذي؟ هل بالامكان اطور نفسي؟ ولا العمل روتيني ونفسه وماراح يضيف اي خبرة لي؟

    :قلب::قلب::قلب::قلب::قلب:
     
  2. al-king

    al-king عضو موقوف

    انضم:
    ‏25 فبراير 2010
    المشاركات:
    262
    التقييمات:
    +0 / 0 / -0
    ما عندي اي خلفية

    اتمنى لك التوفيق يالانتراوي في حياتك وعدم التوفيق لفريقك ^^
     
  3. ĄЪŐ..Şαļļў

    انضم:
    ‏19 يوليو 2010
    المشاركات:
    941
    التقييمات:
    +50 / 0 / -3
    +1

    :khotrah::قلب:
     
  4. محاسب محترف

    انضم:
    ‏14 يونيو 2012
    المشاركات:
    45
    الوظيفة:
    MSA Student
    الإقامة:
    Indianapolis
    التقييمات:
    +0 / 0 / -0
    ماعندي خلفية عن البنك الاهلي, لكني اشتغلت بالبنوك (بنكين) 5 سنوات. الكوربوريت بانكنق من افضل الاقسام (ان لم تكن الافضل) من ناحية الراتب, الدورات, والمعارف والعلاقات اللي راح تكونها.
    عملك راح يكون كالتالي:
    انت مسؤول عن عدة عملاء, طبعا شركات, وراح تكون ممثل الشركة في البنك وممثل البنك للشركة, الشركة راح تطلب كل الخدمات منك, الخدمات يعني قروض قصير الاجل, سحب على المكشوف, خطابات الضمان والكردت, التمويل (سواء مشاريع او تجاره) عملك يتطلب منك متابعة العميل من الناحية المالية, مراجعة قوائمهم المالية, التأكد انها اوديتيد, البنك بيعتمد على رأيك في الموافقه على منح العميل التسهيلات الي يطلبها, طبعا فيه لجنه تراجع عليك, بس مع الوقت الثقة تنمو وكلمتك يصير لها ثقل.
    بعد فتره بتشوف انك لازم تسوق لنفسك وتجيب عملاء جدد, يعني تحاول تستقطب عملاء من بنوك غير او تربي عملاء جدد. والبنك راح يطلب منك تعمل كروسس سيلنق يعني تبيع منتجات ثانية للبنك مثل قروض للافراد, كردت كاردز او خدمات الخزينة, مع انه خدمات الخزينة بعض الشركات تطلبها كشرط للتعامل مع البنك كعميل كوربوريت
    اذا اخذت الوظيفة بشكل جاد, راح تكسب معارف وعلاقات رهيبة, راح يكون عندك معرفة بتخصصات ثانية, بسبب انك لما تمول مشروع راح تتابع المشروع مع الشركة, والانسان بطبعة فضولي وسؤال منك وجواب منهم تلقى حالك بعد 5 سنين دائرة معارف مصغره عن السوق والمشاريع.
    الراتب 12000 بكج هو المتعارف عليه لخريج البكلوريوس بس يرقى بسرعه خاصه بالكوربوريت بانكنق والتريجري, يعني بعد 3 الى 5 سنوات بالراحة نتكلم عن 18 او اعلى والاغلب اعلى.

    اتمنى افدتك واذا عندك اي شي ثاني انا حاضر, انا اشتغلت بالتريجري بالفرنسي والكوربوريت بالهولندي.
     
  5. pioneer

    pioneer عضو

    انضم:
    ‏27 يوليو 2012
    المشاركات:
    49
    التقييمات:
    +1 / 0 / -0
    ما شاء الله تبارك الله

    الله يزيدك من واسع رزقه
     
  6. Chelsea 17

    Chelsea 17 عضو

    انضم:
    ‏19 ابريل 2012
    المشاركات:
    707
    التخصص:
    Civil Engineer
    الجامعة:
    KFUPM
    سنة التخرج:
    June- 2017
    الجنس:
    ذكر
    الإقامة:
    Dhahran
    التقييمات:
    +412 / 10 / -38
    ما عندك أي فرصة غير البنوك ؟؟

    اتقاء لشبهات العمل فيها , خاصة انك بتكون متعمق بشغلهم منت مثلا موظف استقبال .
     
  7. Master.Key

    Master.Key عضو

    انضم:
    ‏31 أغسطس 2007
    المشاركات:
    121
    التقييمات:
    +2 / 0 / -0
    اهم شي المقابله وش مركزين عليه
     
  8. انتراوي

    انضم:
    ‏18 يونيو 2008
    المشاركات:
    2,171
    التقييمات:
    +0 / 0 / -0
    كفيت ووفيت ياصاحبي:قلب::قلب::قلب:

    اللي فهمته من كلامك وياليت تصحح لي لو كنت غلطان انه الكوربرت قسم حيوي وشغلة حيوية من راتب وزيادات وخبرة ومعارف
    طيب ماقلت لي كيف ساعات العمل وضغط العمل؟ وهل تضطر تقعد اوفر تايم كثير؟
    هل هو مجال كويس للخريج الجديد انه يشتغل فيه؟ هل بعد 5 سنوات مثلا لو فكرت اطلع
    عملي في الكوربرت بيضيف شي لي في السي في ؟
    هل شغلهم بعيد عن مجال تخصصي ولا فيه منه ؟

    اشتغلت كوربرت في الهولندي في الخبر؟
    ياليت تعطيني نبذة عن التريجري:قلب:
     
  9. انتراوي

    انضم:
    ‏18 يونيو 2008
    المشاركات:
    2,171
    التقييمات:
    +0 / 0 / -0
    في بالي الموضوع والله
    ماقصرت


    ارسل فورم بالايميل اعبيه مع صورة من بطاقة الاحوال
    وقال بيحددون موعد للمقابلة بعدين


    ابو سالي والكينغ
    :hahaha:


    :قلب::قلب:
     
  10. محاسب محترف

    انضم:
    ‏14 يونيو 2012
    المشاركات:
    45
    الوظيفة:
    MSA Student
    الإقامة:
    Indianapolis
    التقييمات:
    +0 / 0 / -0

    العمل في البنك متعب لكن ماهوب مثل تعب الانجنيرز او المحاسبين, خاصة الكوربوريت, شغلهم شياكه, نعم متعب لكن لذيذ, ونعم تتعلم كثير اذا ركزت على فهم عميلك وفهم شغله, طبعا انت محتاج انك تفهمه علشان تتخذ القرار المناسب لانك انت اللي تقرر كان ترفع بتوصيه لطلب العميل او ضد طلبه, طبعا بالبداية المدراء واللي معاك راح يحاولون يفرضون عليك بعض القرارات لكن مع الايام راح تتعلم الشغله وتصير تداغشهم بالعمل, مسألة انه يضيف للسي في طبعا يضيف, ولو فهمت اللعبه صح ماراح تحتاج سي في من اصله, كمية المعارف والعلاقات اللي راح تبنيها توفر لك وظيفة وين ماتبي, لاتنسا انك بتصير الخزنة اللي تحوي الكاش اللي تحتاجة الشركات ولازم تمر طلباتهم من خلالك, ماراح تكون من البداية طبعا لان البنك يبي يتدرج بالثقه معاك, لكن راح توصل الى مرحلة الشركات تخطب ودك علشان تمرر طلباتهم.
    حقيقة انا ما اعرف ايش تخصصك بس من الاسم "انتراوي" انتم اقدع ناس, بس البانكنق اقرب شي له الفاينانس والمحاسبه, خاصة بشغلة الكوربوريت انت محتاج معرفة بالاثنين بشكل كبير, لكن ماهيب شرط, فيه مهندسين وتخصصات ثانيه يشتغلونها, هي معرفة بانظمة البنك, البلد وعلاقات اجمع المثلث هذا وبتكون احسن واحد.
    الترجيري شغلته مختلفة, تعاملك يكون بين البنك واي طرف ثاني, سواء عميل كوربوريت او بنك ثاني او قسم من اقسام البنك نفسه, تعاملك يكون بسوق المال (قروض وودائع) او المشتقات او سندات الخزينة, او العملات والاسهم, فيه قسم خاص للاسهم المحلية وقسم للاسهم العالمية والعملات والمضاربة للافراد, ذولا تريجري بس درجة ثانية.

    تعامل التريجري حلو لكنه يتعب الروح والقلب, لازم متابعة لحركة الاسواق العالمية والمحلية وتتعامل بأرقام كبيره وخطاء او اثنين ويمسكونك الباب بس خذ راتب وخذ تدليع.

    اشتغلت تريجري بالهولندي بالرياض
     
جاري تحميل الصفحة...
مواضيع شبيهة - فرصة في البنك الاهلي
  1. m_sadiq07
    الردود:
    8
    المشاهدات:
    4,680
  2. Prof88
    الردود:
    97
    المشاهدات:
    18,256
  3. Saraahmed
    الردود:
    74
    المشاهدات:
    21,580
  4. Supply Chain1986
    الردود:
    15
    المشاهدات:
    6,767
  5. محمد السهلي
    الردود:
    2
    المشاهدات:
    1,852
  6. الأسطوري
    الردود:
    9
    المشاهدات:
    1,177
  7. Nawall
    الردود:
    1
    المشاهدات:
    851
  8. Noura Az
    الردود:
    2
    المشاهدات:
    2,328
  9. Asdas
    الردود:
    2
    المشاهدات:
    1,747
  10. Flaco
    الردود:
    2
    المشاهدات:
    992

مشاركة هذه الصفحة