التسليكـ : هو ان تعطي المتحدث جوه يعني تمشيله وتحسسه انك مهتم ومتحمس لسالفته وانت منتب يمه او دآإري انه تسذوب او سآإمج فيه احكام لـ التسليكـ . . خلنا ناخذها بالترتيب 1- تسليكـ واجب [ هذا التسليكـ لما ابوك ولا امك قاعدين ينكتون وانت تضحك وتسلكلهم غصب . . حتى لو كآإنت النكته سامجه لكن واجب تضحك لان لو ماضحكت يعتبر من عقوق الوالدين ] 2- تسليكـ واجب [ مثلا لو خويك قاعد يتلاسن هو وواحد ثاني وجاء خويك وذب ذبه على اللي يلاسنه . . في ذا الوقت واجب انك تضحك حتى لو كانت الذبه سامجه لانه خويكـ ] 3- تسليكـ مستحب [ هذا لما تقابل واحد من زمان ماشفته او تقابل واحد اول مره تشوفه او واحد توكـ متعرف عليه وقال لك نكته . . المستحب انكـ تسلكله حتى لو هي سآإمجه ] 4- تسليكـ فرض كفايه [ هذا لما يشرح المدرس درس واجب على الطلاب يسلكون له حتى لو مافهمو الشرح علشان يخلص بسرعه . . فلو سلكـ طالب واحد سقط التسليكـ عن الطلاب الباقين ] 5- تسليكـ حرآإم [ هذا لما خويك او اي واحد يقعد ينكت على العالم ويذب عليهم من وراهم وانت تضحك وتسلكله هذا يعتبر حرآإم لانه من الغيبه ] يعني فيه شي يخليك تترك التسليك وتقعد تزبد لـ العالم . . مثلا واحد دايم يفقش عليك ويعطيك من الرخيص وانت عارف انه كذوب بس تسلكله . . عاد انت طفحت من كثر ما يكذب . . في هذي الحاله اتركـ التسليكـ } واقعد ازبدله وقله مع احترامي لك انت كذاب << بالله وين الاحترام فيه . . يعني هذا النوع ماينفعله الا التزبيد انت سلكله في البدآإيه بس اذا شفته زودها علطول ازبدله التسليكـ شي حلو ويجعل المجتمع مترابط اكثر واكثر ويعم بالسعاده على افراد المجتمع لأنك تعطي المتحدث جوه وهو يحبكـ لانه يحسبك متحمس مع سالفته . . وهذا الشي يجعل المجتمع يسود بين ارجآإئه المحبه والألفه . . انا شخصيا احب اللي يسلكلي بس مو مره يعني يسلكلي في وقت الازمآإت . . [ زي مره قلت نكته في فصلنا وماضحك منها الا وآإحد طبعا واضح انه يسلكلي بس اهم شي انه طلعني من الاحرآإج . . وبصرآإحه حبيته من بعد ذآإك اليوم ] خلاصة القــول: 1- لازم تسلكـ بس مو مره يعني على خفيف 2- لاتنكت وآإجد ولاتسولف وآإجد لان بيجي اليوم اللي يزبدون لك الناس فيه 3- يجب عليكـ التحلي بـ الاخلاق السعوديه
طيب ليش التسليك الواجب له تعريفين ؟! وإلا تدري بأسلك لك من مبدأ العمل بما في الموضوع : ) ما فيه شك إنّ التسليك يقوي العلاقات الإنسانية.. بس إنّه مثل مصيدة التسلل.. خطير إذا أنكشف.. ويؤدي إلى مشاكل لا تحمد عقباها يعطيك العافية
ياخي انت خطير ~ انت مثل في فن التسليك ~> بس المشكلة اذا انت سلكت لواحد ينكت وقعدت تضحك ثم قال لك : [ ليش تضحك ؟! ] ~> قوية <~~ يعني بتقولنا انه صار لك نفس هالموقف ..! ملاحظة : { التسليك | احيانا | ينقلب ضدك }
^ هذا خذ لك سلك و اسلكه على ظهره :d - - و الله من منظور واقعي فإن التسليك شي مهم في الحياة كما أسهبت أعلاه > صح أسهبت :d ؟ إذا مو صح سلكوا لي :d
مهندس كووره يعطيك العافيه على توضيح أحكاام التسليك لما أشووف أحد يسلكلي أو يسلك لأحد ثاني فأنا أعرف أنه يسلك وبالنسبه لي لو ما أحد سلكلي وقد أصبحت أن أقع في موقف حرج فأني أقووم بعملية اللف العكسيه <<< متعبني الأسم هععع تعلمت العمليه في 73 سنه ... وتدربت عليها 66 سنه العمليه هذي بإختصار تاام أني ألف السالفه من وجه ثااني و أحاول أطولها لين تصبح السالفه بارده بحيث لا أقع بموقف الإحراج هذا .. تقبل تحيتي يا المسلكجي هعع
4- تسليكـ فرض كفايه [ هذا لما يشرح المدرس درس واجب على الطلاب يسلكون له حتى لو مافهمو الشرح علشان يخلص بسرعه . . فلو سلكـ طالب واحد سقط التسليكـ عن الطلاب الباقين ] هذا تسليك فرض عين علي من دخلت الجامعة