بسم الله الرحمن الرحيم طبعا الموضوع باين من عنوانه انا قدمت طلب الى الادارة العليا للجامعة طالباً : فيها توفير قاموس للمصطلحات الشرقاوية لجميع الطلاب " خاصة لطلاب الغربية " لصعوبة التواصل واختلاف اللهجات . (حدثت العديد من المشاكل بسبب سوء الفهم) يتم اعطاء كل طالب قاموس واحد لاغير ، على الطالب المحافظة على هذا الكتيب *ملاحظة : في حالة فقدان القاموس يترتب على الطالب دفع غرامة مالية قدرها 175 ريال تواصلت جامعتنا من شركة لانتاج القواميس ووافقت الشركة على طباعة القاموس لكن ............... توجد مشكلة صغيرة وهي : ما هي الكلمات الي لازم يحطونها في القاموس ؟ سألت العاملين في الادارة وطلبت منهم يعطوني الكلمات الغريــبة بلهجتهم ! لكنهم قالوا لي انه هذة مشكلتكم وليست مشكلتنا ! لهذا قمت بطرح الموضوع حتى يقوم الطلاب بمساعدتي بجمع اكبر كم من المصطلحات حتى اقوم برفعها إلى الادارة ومن ثم ننزل القاموس : طيب أبدأ انا : اول ما جيت الجامعة كنت لما اتكلم مع واحد من اهل المنطقة افهم نص كلامه والنص الثاني خليها على ربك مثال : وش دعوة ! ( بكسر الواو وتسكين الشين + بفتح الدال وتسكين العين ومد الواو ) اول مرة سمعتها حسبت معناها ماهي الدعوة " دعوة لفرح او لاجتماع ! " فوق تحت ! اول مرة سمعتها كنت ادور مكتب الخطوط سألت واحد قال لي : فوق تحت يالحبيّب ! انا فهمت غلط وحسبت انه جالس يتبهلل اتضح معنا : اي خذ يو تيرن او ديور ! دريشة ! ( بكسر الراء والدال ومد الياء وفتح الشين وتسكين التاء ) كنت احسب معناها التفت هناك ريشة ! " در + ريشة " يتطنّز ! ( بفتح الياء والتاء والطاء وتشديد النون وتسكين الزاء ) هذة الكلمة فهمت معناها غلط جدا جدا جدا واستحي اقوله لكم هطف ! ( بفتح الهاء والطاء وتسكين الفاء ) في يوم سقطت على واحد قام فك الشباك " الدريشة " وقال لي : يا هطف !! ولا اعرف معناها إلى الان ! المهم لو كل واحد سمع كلمة يحطها هنا حتى نسطيع جمع اكبر عدد ممكن من المصطلحات وشكرا للمساعدة :D
هطف معناها خبل او ما شابه المشكله ما عندي كلمات غريبه لاني من اهل المنطقه وكلها كلمات عاديه انتوا اللي عندكم فشخ اول ما سمعتها فكرتها كلمه وصخه
اضيف لكم من عندي سيت = مقعد السيارة رهش = حلاوة طحينية زلع = غثيث بيب = ماصورة (كلمة انجليزية ) هوز = لي (كلمة انجليزية ) جوتي = جزمة الله يعزكم الكبرة = حلقة الغنم او حلقة الخضار
طيب خذ ذول بالشرقاوي : جحيش ................ حقار ............. تيكلاوي ........ لبو ........ خلف ومية = خلف أميا = بعد شبدي ............ حب = فصفص مع العلم اني من سكان الرياض
أتنا (بفتح الألف وتشديد التاء والناء ) <<حلوة الناء..! بمعنى انتظر <<أدري بعضكم بيقول فيه أستنّا لكن أنا سمعتها أكثر من مرة أتنا.. سممووه<<بفتح الساء وتشديد الميم المضمومة يقولها المتحدث عندما ينسى أثناء الكلام مثل ذهبت هذا اليوم من طريييق آآآ.... سمووه ..إيه تذكرت طريق تندحه..!!؟<<)(قريتي الحبيبة)( ثالث وحدة والقادم أكثر اللي هي (طل بعينك) بتشديد اللاء معناها يخسى<<آآسف على الكلمة ذي لكن ذكرتها من باب التنبيه لأني توني عرفت معناها يعني لو قالها لك واحد أقرب شي جنبك في الراس على طول لكن لا تقول الشهراني اللي قالي.. يالله اتمنى للكل التوفيق في الفاينلات وان تستطيعون نسيان مخلفات الفاينلزم بشكل تام قريبا إن شاء الله .. **لا تعليق على اللغة..!
القطيف وضواحيها لهم لهجه.... والحسى وضواحيها لهم لهجه.... اما الدمام فيها خليط من جميع لهجات المملكه وكل واحد يستخدم لهجت المنطقه اللي هو في الاصل منها اكثر شي
خبل ؟!؟ افاااااااااااااااا لو دريت كان نزلت تهاوشت " تضاربت " معاه كنت احسب معناها انتبه او شيء من هذا القبيل