السلام عليكم ورحمة الله وبركاتة صراحة كل كلمة بقولة طالعة ومن حرقة قلبي على اللي قاعد اشوفه وسامحوني على اي كلمة بقولها ازعجت او سببت لكم قرف وانتوا بكرامة دورات المياة صارت تسبب لي كابوس ماقدرة ادخل ولا دورة مياه العمارة بأكملها حماماتها قذرة ؟؟؟!!! سواء اماكن السباحة او غيرها دايما اتسأل انا ونفسي اقول هل الطلاب اللي هنا فعلا يدرسون هندسة؟... ماظنتي وهذي افعالهم وين النظافة والرقي والاهتمام بالمرافق العامة وين الحس الهندسي ؟؟!!!!كم مرة اروح اطبع اوراق واكتب عليها نظف بس تخلص ولا فيه فايدة عمك اصمغ كل طالب صاير مايهتم الا انه يقضي حاجتة ويخلص ولا ينظف يعني نفس ماتحب المكان يكون نظيف لك برضوا غيرك لازم تعطيه نفس الشيئ لو في بيتكم اتحدى تسوي كذا بس للاسف كلن نفسي نفسي اما حمامات السباحة فهي شيئ ثاني....... شعر و قرف واشياء ماتخيل انها تطلع من جسم انسان بصراحة ادخل القى اشياء غريبة..... والله على باللي اللي تسبح جاي من العصر الحجري على البلاوي اللي اشوفها بعد مايخلص طين واشياء غريبة لا استطيع تفسيرها او شرحها في النهاية اقول والله عيب عييييييييييييييييب عييييييييييييييييييييييييب عييييييييييييييييييييييييييييييييييييييييييييييييييييب
هههههههههههههه تراك داخل دورة مياه مش مجلس رجال شيء طبيعي لكن احيانا اتفق معك يعني تخيل تدخل الحمام وال** في كل مكان هههههههههههه مصيبة والمصيبة الاكبر ان العمال ماينظفون عدل اذا جاك هذا اذا جاك رش ماي وراح يعني الريحة بتبقى فاقعة خصوصا العمارات المنسية اقصد(القديمة). تخيل قبل اسبوعين بدخل اسبح بكل هدوء وسكينة الا واشم الماي اللي ينزل علي ريحته مجاري ههههههههههههههه الله يعين بس..
سبق وقلتها وارجع اقول: بعض الاشخاص تستغرب كيف عمره +١٨ ويسوي مثل هالتصرفات. المشكلة الموجودة مشتركة بين الطلاب والعمالة المسؤولة عن النظافة. لو الطالب يهتم بالنظافة ما راح نحتاج العمالة الا مرتين الى ثلاث مرات في الاسبوع لتنظيف دورات المياه. أيضا ، إهمال العمالة سبب أساسي في زيادة -اعتذر عن هذا اللفظ - القذارة اللي يخلفها هذا الشخص اللي يسيء استخدام دورات المياه.
والله شف انا في البداية كنت الوم عمال سراكو لكن اكثر من مرة تصير مشكلة في دورة المياه الي في السيب واضطر اروح لدورة المياه في سيب ثاني وتكون نظيفة جداً ولاتقارن بدورة المياه في سيبنا فأكتشفت إن البلا مب بس في عمال النظافة البلا في الي معاك في السيب . ولو تلاحظ النظافة تسوء او تتحسن مع بداية السمستر بسبب الي يتركون العمارة أو ينقلون لها . وأحب اقولك النوعية ذي مايفيد معها موضوع في المنتدى او تغريدة في تويتر او ورقة تعلقها على باب دورة المياه . ! لو تعلق الورقة على جبهته ماراح يتغير .انا يأست من عندهم . مالك إلا تدعي إنك تتخرج وترتاح منهم . هذي النتيجة الي وصلت لها بعد 4 سنوات في الجامعة
أؤيدك في كل حرف قلته. خلال الأربع سنوات الماضية، تنقلت بين 5 عمائر، ثنتين منهم سكنت في دورين مختلفين فيهم، يعني ما مجموعه 7 تنقلات وأنا أشيل عفشي هرباً من جيران السوء، القذرين في دورات المياه والمزعجين اللي يركبون لك مسرح منزلي ما بينك وبينه الا جدار ما يعزل شيء والمدخنين في الأسياب اللي يكتمون العمارة كلها عشان فقط مافيهم حيل يمشون كم خطوة ويدخنون برى العمارة. حالياً أنا ساكن في عمارة النظافة فيها مقبولة لكن فيها مدخن كاتمنا كتم، ما ودي أطلع خوفاً من المثل القائل "خلك على قردك لا يطلع لك اللي أقرد منه"
مو بس دورات مياه السكن... حتى دورات المياه المباني الأكاديمية يعني تستغرب مبنى جديد مثل 63... كل دورة مياه أتعس من اللي قبلها... يعني الحمدلله بشكل عام نظيف لكن كل ما تدخل الى كبينة تلقى اللي قبلك تارك جوائزه بالمقعد... المشكلة مو منه... المشكلة من آلية "الشفط" <----- ما يشتغل ! للأسف كل ما أحتاج ادخل دورة المياه... أتردد كثير و أحتاج أصلي استخارة أول
هههههههه رهيب اللفظ ،مؤدب ويوصل المعلومة ، ذكرني بعضو قديم بالمنتدى اسمه عبدالله او شي من هالقبيل فكان يستخدم اللفظ للتعيبير بشكل مهذب ولطيف
كلامك سليم والله يصبرنا صبرت ٤ سنوات وباقي سنة والله ييسرها وربي حتى اللي مو متربين ما يسوون كذا فما بالك بناس متعلمه ومثقفه وش خليتوا لحمامات السجون؟
- استغرب من اللي يقول طبيعي انت داخل حمام مو مجلس رجال !! ايش الطبيعي ف الموضوع ؟ ما تقدر بعد ما تقضي حاجتك تزيد خمس ثواني تفك السيفون و تشطف الارض بالمويه ؟ لو كل واحد يفك السيفون و يشطف الارض بالمويه بس كان ما نحتاج عمال النظافه غير كل يومين .. بالوضع الحالي نحتاج عمال النظافه مرتين في اليوم عشان البعض القذر اللي ما يعرف يستخدم الحمام بنظافه
والله إن أذية الجيران شيء عظيم شرعًا وعقلاً لكن وش نقول .. أنا تخرجت من الجامعة العام الماضي وفكرت أرجع أكمل ماجستير لكني شلت هم الترميت والحمامات وبطلت
يجب إنشاء صالات سينما في عماير السكن وإلزام الطلاب بمشاهدة هذا الفيلم كشرط لدخول السكن. وإذا أمكن، وضع شاشة عند كل حمام لعرض الفيلم 24 ساعة.
والله فعلا تصرفات غريبة، يا أخي حتى القطو يدفن مخلفاته. اللي يقهرني أكثر اللي يرمي الشطاف، يا مخلفات يا قاذورات فهمني ليش ترميه؟ غباء طفولة مرض حقد عاللي بيجي بعدك؟ طيب أكيد بتستخدم الحمام ثانية وبتحتاجه. لييييعععععيش ترميه؟ والله فعلا أستغرب هالحركات من بشر فضلا عن كونهم كبار متعلمين فضلا عن كونهم طلاب جامعيين. حسبنا الله ونعم الوكيل.
مع النقل الحر يبدو ان بهيمة - على صورة بشر - انتقلت عندنا وبدت تنشر قاذوراتها في كل مكان، أصبح الحمام النظيف مثل الحلم، ربنا أفرغ علينا صبراً وأخرجنا من هذا المكان عاجلاً غير آجل.