بسم الله الرحمن الرحيم .. بطولة كأس الملك .. البطولة الاغلى في المملكة العربية السعودية .. حيث يشرف التتويج خادم الحرمين الشريفيين .. الملك عبدالله بن عبد العزيز .. وتصل قيمة جائزة البطل إلى .. 4 مليون ريال سعودي وهيا ماتفوق قيمة جائزة بطل دوري زين .. بطل النسختيين السابقتيين هوا نادي الشباب .. *نايف القاضي يستلم كأس البطولة من راعي المباراة الملك عبدالله .. والنادي الاكثر تحقيق الهذه البطولة هو النادي الاهلي ~ قلعة الكؤوس .. * وحيد جوهر يتسلم كأس الملك عام 1403 هـ من يد المغفور له باذن الله الملك فهد بن عبدالعزيز .. وكما يعلم الكل فـ يشارك في هذه البطولة ثمانية اندية وهم .. الهلال - الاتحاد - النصر - الشباب الوحدة - الاهلي - الفتح - الحزم وسوف تقام البطولة بنظام الذهاب والاياب لـ جميع الادوار عدا المباراة النهائية .. والدور ربع النهائي سوف يقام اليوم الاحد 2010/4/4 .. بـ ثلاث لقاءات .. الهلال × الفتح الاتحاد × الحزم الشباب × الوحدة وغدا الاثنين بـ قمة الدور ربع النهائي .. الأهلي × النصر ولقاءات الاياب سوف تكون في يومي الخميس 2010/4/8 بـ النسبة لـ الفتح × الهلال الحزم × الاتحاد الوحدة × الشباب والجمعة 2010/4/10 لـ لقاء النصر × الأهلي *كلها تقام على ارض الفريق المذكور أولا .. والموضوع طرح لـ تحليلاتكم .. وتوقعاتكم .. ومناقشاتكم بعيدا عن التجريح والتقليل من اي نادي .. اخوكم حسام ~ صعب المنال .. . .
بالتوفيق للهلال ،، بس اللي اعرفه ان هذا الموسم حتكون ثالث بطولة بهذا المسمى ،، وفاز في الاثنين الماضية الشباب ،، فـ كيف صار الاهلي اكثر نادي يفوز بها ..؟ واتمنى الموضوع ما ينقلب الى تعصب ،، خلونا رايقين ،،
البطولة هيا امتداد لـ كأس الملك .. الذي توقف ثم اعيد .. وتوقف البطولة ثم اعادتها مرة اخرى لا يهضم حق النادي الأهلي .. بإذن الله ماراح ينقلب الموضوع لـ تعصب يجرنا لـ التقليل من الاخريين .. حياك اخوي ... . .
فعلا .. الهلال يبغى يكمل افضليته المطلقة هالموسم .. والشباب يبغى يحقق الانجاز بتحقيق البطولة ثلاث مرات متتالية والاحتفاظ بالكأس .. والاهلي والنصر والاتحاد في محاولة لتعويض موسم باهت .. ودنا نشوف كووورة صح .. . .
اتوقع النهائي بين الاتحاد والهلال والشباب رجع مستواه في الجوله الاسيويه الاخيره ... لكن يبقى مستواه مو مره متحسن الاهلي والنصر اثبتوا رغبتهم فبطوله فدا الموسم ... وبنخسر واحد منهم من اول جوله اتوقع انو الاتحاد هوا اللي راح يحسمها ان شا الله وصدقوني اي هلالي .... نفسه يطلعون من الجوله الاولى ولا يتقابلون مع النمور في النهائي وان شا الله دي البطوله بتكون العوده الحقيقه للنمـــــــــــــمور
خخخ أهلن بـ جيران الهنا .. مايصلح نقابلكم ع النهائي ولا ذكريات 2007 بترجع .. بس المشكلة ان طريق الاهلي للنهائي اصعب كثير من الاتحاد .. لكن ان شاء الله البطولة جداوية .. الذهب هالسنة مازارها .. . .
بسم الله الرحمن الرحيم أنا أشوف إن 3 فرق فقط إللي ممكن تنافس ع البطوله ( الإتحاد .. الهلال .. والشباب ) الإتحاد لاحظنا إرتفاع مستواهـ بشكل كبير .. وتقريبا جميع اللاعبين كاملين يعني الإتحاد راح يكون مستواهـ جدا عالي .. لكن الخوف على الإتحاد من الدفاع لأن دفاع الإتحاد مو ذاكـ الزود .. وأغلب اللاعبين ياخذون كروت .. يعني الإتحاد يهددهـ الغيابات في البطولهـ .. وهذي مشكله يعاني منها الإتحاد فيجميع البطولات عامهـ "كثرت الكروت والغيابات بسببها" الهلال قدم موسم من أفصل المواسم وقدر يحسم الدوري من قبل نهايتهـ بكم جولهـ .. إضافهـ لهذا .. عندهـ لاعبين ما شاء الله .. أجانب ومحليين .. لكن ملاحظ عليهـ إنخفاض مستواهـ من بعد مباراة الإتحاد .. لعب مباراتين مع الأهلي الإماراتي تعادل في الأولى وفاز في الثانيه .. لكن ذا ما يقلل من مستوى الهلال إللي يقدر يرجع لمستواهـ في البطولات المحليهـ الشباب .. فريق غامض .. يكون مستواهـ باهت في أكثر من مباراة .. بس ما تدري كيف يجيب بطوله وبجدارهـ الشباب فريق عندهـ لاعبين بإمكانيات عاليهـ .. ولعبهـ جماعي .. وتكتيكـ رائع .. والأهم من هذا كلهـ ما عليهـ ضغط جماهيري كبير .. بعكس الإتحاد والهلال لكن الشباب هو حامل اللقب وأكيد بيدافع عنهـ وبكل قوة الأهلي والنصر .. أنا معاكم فرق قويه .. ع العين والراس .. لكن مستويات الثلاث الأنديه السابقه "الإتحاد والهلال والشباب" ما تعطي للأهلي والنصر فرصه للمنافسهـ على اللقب أتوقع إللي راح يلعب في الدور نصف النهائي الإتحاد الشباب الهلال الأهلي ونتمنى نشوف مستوى مشرف وعالي من جميع الأنديه وبالتوفيق للعميد
اهلين اخوي صعب المنال ,, لا استطيع ابدا ان اخفي اتحاديتي المتعصبة ولكن لدي يقين ان البطولة اتحادية والدليل رجعة الاتحااد وبصراااحه الاتحاااد بدوون اهانة لفرق الثااانية هو الفريق الوحيد اللي اذا حضرت رووحه اصبحا سلاحا مبيدا لخصمه كالنمر عندما ينقض على فريسته لا يرحمها ابدا ,,,,, الاتحاااد عائد لرد الثأر الشبابي وبقوووة ,,, همسة لصعب المناال ( اهنيك على تمسككك بالرااقي رقم الظرووووف)
ايه بس ياغالي مستوى الاتحاد الفترة ماقبل الاخيرة مايفرق عن مستوى الاهلي .. بالعكس الاهلي قدر يوصل وينافس ع احد البطولات والاتحاد خرج من دورها الاول .. والفترة الاخيرة في ارتفاع في مستوى الفريقيين .. والفريقيين قدروا يحققوا الفوز في مباراتينهم الاخيرة في البطولة الاسيوية .. مع اني اؤمن ان الاندية الاماراتية ماهي مقياس ابدا ولا هي في مستوانا .. فـ عشان كذا اشوف الفرص متكافئة لكل الفرق الاربعه غير الهلال .. اللي فيه ثبات في المستوى من بداية الموسم .. وفي النهاية هي مبارايات خروج مغلوب من جولتيين .. يعني الفريق اللي يكون في يومه يوم المباراة وفي كامل الاعداد النفسي والبدني .. راح يفرق .. . .
هلا اخوي بلود مان .. التعصب ملح الكورة .. فعلا مايميز الاتحاد هي الروح .. وشي تحسدون عليه بالفعل .. لكن المشكلة لا صارت الروح يتحكم بها شخص او اثنين حسب مزاجهم .. ههههههه بـ النسبة لـ الهمسة .. فـ وش نسوي .. " نعشقه ونهواه " .. ! حياك .. شباب الموضوع ماهو لي .. الكل يجي يشارك ويرد ع اللي يبغى .. يعني ناقشوا وخذوا راحتكم . .
اليوم الزعيم ضد الفتح وان شاء الله الفوز للزعيم .. اظن ان الاجانب ما راح يلعبون في الهلال .. , عوافي يا صعب المنال الموضوع جميل وشامل وان شاء الله يكون التفاعل معاه طوال البطولة اهم شيء الإحترام يا شباب وكل واحد ترى يمثل تفكيره وعقليته من خلال ردوده
هلا بـ السلطة التنفيذية خخ .. ان شاء الله بيكون في تفاعل .. وبحاول احدث الموضوع مع ايام البطولة .. لين نهني البطل بإذن الله ... حياك .. . .