كليه الملك فهد الأمنيه ما لها و ما عليها ....

بكل صراحة حرام المهندس يروح لمثل هذه الأماكن ويتحول لمجرد رقم في التعداد السكاني بدون أي قيمة! المهتم بالمجال العسكري ممكن يتوظف في المؤسسة السعودية للصناعات العسكرية (عندهم صناعة عسكرية حقيقية) وقريبا ان شاء الله بيتم التوسع في الصناعة العسكرية عن طريق الشركة الجديدة SAMI

 

اذا كنت تقصد الأمنية فهذا صحيح اما الدفاع كلام ثاني اعرف اثنين ميكانيكا في الصيانة واحد في حفر الباطن وواحد في شرورة شغلهم هندسي بحت يعني حتى لو تقاعد تحسب له خبرة جبارة. وترى كل الشركات العسكرية ومنهم سامي الاشراف المباشر عليهم من مهندسي وزارة الدفاع. الفكرة بس في انك تختار الطريق الصحيح.

 

انا اشوف ماحد يفتي من راسه , يعني مو لازم انت ماتبي هالسلك العسكري تحط فيه النون وما يسطرون .

زمان كان المهندس يتجه للشركات لانها تبتعثهوتخرجه ومدري وش ورواتب زينه وكذا شي , الحين الوضع اختلف دفعتي كلنا اللي توظفنا في شركات ماحد طلع مننا ابتعاث من شركة بينما اخويانا اللي ف الكليات العسكرية كلهم برا

حتى الرواتب اتكلم طبعا عن الامنية

شئ اخر من قال انك اذا اشتغلت في شركة بتطبق اللي درست ؟؟؟؟؟؟؟

ناددددررررر جدا جدا انك تطبق شئ درسته , كل شئ بستاندرز مو هبل هو وبرضو من قال زيادة الراتب للضابط السنوية 240 ريال !!!!

السخص ذا اللي اسمه عبدالله مرررره كاره العسكرية مرررره واغلب الكلام اللي يقوله اول مره اسمع فيه

شئ اخير المهندس له بدل خاص يصل الى 40% يا اخ عبد الله وترقياته لا تقف ابدا

اي نعم العسكرية ممكن واحد داخل قبلك بثلاثين سنة معاه ثانوي ويتامر عليك لكن هي نفسها في الشركات يعني لاتتوقع ان مديرك بيكون بروفيسور بيكون خريج معهد من 20 سنة وصار منصب

انا اشوف انك تروح لمهندس شغال ف الامنية وتاخذ العلم كامل وسلامتك

 

انا اقول الكلام هذا لان المجتمع اللي حولي ضباط وعارف الكفت كله
وتبي اثبات على كلامي هذا
"(النقيب علاوته السنويه حول 260 ريال)"؟؟
تفضل طال عمرك ناظر في الصوره زين


ثانيا اذا قدرت تثبت لي ان المهندس له بدل خاص 40% عن غيره اقسم بالله ماعاد اكتب في المنتدى هذا ابدا ابدا

ياعزيزي كثيييير ترا اللي يكتب كلام ويرفع في العسكرية من غير اي اثبات ويعطيك بدلات خورافيه اول مره تسمع فيها

ك مهندس تعتبر شهادتك علمية تاخذ بدل للي يحملون شهادة تخصصات علمية مقداره 15% غيره مثلك مثل غيرك
البدل هذا ياخذه اي شخص تخصصه علمي
اعيد واكرر المهندس ماله امتيازات خاصة فيه في العسكرية على عكس الطبيب لهم سلم خاص وبدلات خاصه وعلاوات خاصة
وهنا سلم رواتب العسكر الصحيين (الراتب الاساسي فقط)

 

المهندس ماله اي مميزات في الحكومة لا عسكرية ولا مدنية، اللهم الدفاع تضبطك دورات وابتعاث وتشتغل في تخصصك وبس. فلوس زيك زي اي خريج علمي. بدلاتك حسب قطاعك. الفكرة بس انك احتمال 75% تشتغل في تخصصك وتكسب خبرة ممتازة ودوام راحة.

 

انا اشهد انك تكلمت بالشيء الكافي الوافي المهم
هههههههههههههههههههههههه
اقسم بالله اغلب الشركات شغلها روتيني بحت, جزئية بسيطة من تخصصك تقعد تطبقها طول عمرك
غير الكرف والدوام المتعب من 7 ونص الى 4 عصر ما ترتاح الا في الويكند حتى في الاعياد انت تشتغل
وفلوسك اللي تاخذها غالباً هي لعيالك مالك شي منها ولا تتهنى فيها
هذا غير انه اساساً في العسكرية راح تمارس تخصصك واللي يقولون لك غير كذا كذابين انا اعرف كثيرين كلهم يمارسون تخصصاتهم منهم من هو بالامن العام ومنهم في الحرس الوطني ومنهم في الدفاع المدني الخ.. غير ان خويي تدرب بالامن العام في مكة وكلهم كانوا مهندسين في مبنى كامل وبعضهم يداوم بالثوب والشماغ
وبعدين لو ما مارست تخصصك وش المشكلة ؟؟؟ يا اخي الواحد يسعى ورا رزقه العمر ما بيقعد يستناك والواحد محتاج فلوس الا طبعا الانسان اللي فيه احد يصرف عليه او ما يستحي انه يمد يده على فلان وعلان ويطلبهم فلوس وكانه طالب في الثانوية
لازم نتكلم بصدق يا اخوان مافي شيء اسمه تمارس تخصصك الا في حالة واحدة وهي الاستمرار بالمجال الاكاديمي وانك تكون معيد وتكمل ماستر ودكتوراه خارج السعودية هذه هي الحالة الوحيدة فقط , اما الشركات حتى لو بلغت خبرتك ما بلغت حتكون بمجال معين فقط مثل : برنامج سوفت وير انت خبير فيه او مثلا خبرة في شي معين زي ادارة مشروع او تصميم نظام معين زي تكييف وتبريد او مكافحة حرائق او نظام طوارئ او تتخصص في مجال السلامة (اتكلم عن تخصصي هندسة ميكانيكية) الى غير ذلك من الامور ,, ويا عمي الدنيا هذه بتعيش وتموت فيها محد عرفك ولا نفعك شي حتى لو صرت اينشتاين الناس بتنساك ما بتقعد تفكر فيك اهم شي انك توسع على نفسك فيها وتعيش مرتاح.. فبطل الكلام الفاضي مافي في الدنيا هذه شي افضل من سعة العيش وانك تكون مقتدر مالياً وتسنع امورك انت واهلك
اكتب كلامي هذا وانا الان بعد اسبوع انوي التقديم على كلية الملك خالد العسكرية بتاريخ 18/8/1440 ان شاءالله وان ربي يكتب لي الللي فيه الخير
قدمت على معيد في جامعتي وتجاوزت الاختبار وترشحت للمقابلة وتم استبعادي
قدمت على مدينة الملك عبدالله للطاقة الذرية والمتجددة وتجاوزت الاختبار ودخلت المقابلة وتم ايضا استبعادي
وارسلت على ايميلات الشركات كلها وحضرت يوم مهنة مرتين واحد في الغربية و واحد في الشرقية ولو اقدر احلف بالله ان كل اوراقي حقت السي في اللي وزعتها عليهم قد تم رميها في الزبالة لحلفت .. لي ثلاث شهور متخرج واصدقائي هندسة كهربائية وميكانيكية وبعضهم معدله اعلى مني ما وجدوا شي لحد الان وهم قد تخرجوا قبلي من رمضان الماضي
فهل يصح بي وانا رجل عاقل ان انتظر واتراجع في التقديم وكل هذه الظروف تحيط بي؟؟؟؟؟؟
الله يصلح الحال .. الاوضاع الحالية في البلد هي ان المجالات العسكرية صارت رواتبها افضل شيء لانها تخدم في الحكومة واللي يخدم في الحكومة هو اللي بياكل عيش
وتحياتي للجميع

 

العسكرية خدمة للدين والوطن اولا

تذكر