كل ماتحتاج معرفته عن كواب والتدريب الصيفي ~

الموضوع في 'قسم التدريب التعاوني والصيفي' بواسطة شدعوه, بتاريخ ‏7 سبتمبر 2016.

  1. شدعوه

    شدعوه مشرف سابق

    انضم:
    ‏12 يوليو 2011
    المشاركات:
    6,149
    التخصص:
    Control & Instrumentation Engineering
    الجامعة:
    Kfupm
    سنة التخرج:
    2017
    التقييمات:
    +3,160 / 2 / -20
    #1 شدعوه, ‏7 سبتمبر 2016
    آخر تعديل: ‏12 فبراير 2017
    السلام عليكم ورحمة الله وبركاته ...

    هذا الموضوع راح يكون عن بعض الأسئلة والمواضيع الي تتكرر كل فترة تدريب وإن شاء الله يكون هذا الموضوع مرجع للطلاب في السنوات الجاية.

    هذا الرابط من إدارة التدريب فيه معلومات عن التدريب الصيفي ( link ) و التدريب التعاوني - كواب - ( link ) والرابط يحتوي على :

    1 - المتطلبـات الأكاديميـة للتدريب .
    2 - خطوات التسجيل .
    3 - حذف البرنامج .
    4 - التزامات الطالب قبل فترة التدريب .
    5 - التزامات الطالب خلال فترة التدريب .
    6 - أمور أخرى مھمة اثناء فترة التدريب


    لكن لأن بعض المعلومات والأشياء مب موجودة فيه .. إن شاء الله راح أحاول اذكرها في هذا الموضوع .


    1 - المتطلبـات الأكاديميـة للتدريب .

    فيه قسمين للمتطلبات : الأول متطلبات من المسجل : مثل Engl214 و Junior Standing
    والثاني هي متطلبات القسم الأكاديمي : بحيث تكون مخلص كورسات معينة غالبا تكون كورسات في الجونير .
    - تقدر تعرف إنك جونير أو لا من البورتال # Portal - Registrar Services - Academic Profile
    أو من هذا الجدول
    KFUPM | Deanship of Admissions & Registration Office of the University Registrar


    واغلب الأقسام يكون فيه check list تعبيه السمستر الي يسبق التدريب وتسلمه لكوردينتر التدريب في قسمك .
    هذي متطلبات التدريب التعاوني لبعض الأقسام :
    EE : link
    ME : link
    CHE :link

    لما تسوي خطة التخرج الأفضل إنك تعرف متطلبات التدريب لتخصصك بحيث تكون محققها في السمستر الي يسبق التدريب وإذا ماكنت محقق بعضها فراح تضطر إنك تأخذ بتيشن وتقدمه لشيرمان تخصصك وعلى حسب الشيرمان وأهمية الكورس ممكن يوافق على البيتيشن.


    2 - طريقة التسجيل للتدريب التعاوني (كواب) & التدريب الصيفي .
    التسجيل سواء للكواب أو السمر راح يكون عن طريق البورتال في التسجيل المبكر . لكن عشان يكون مسموح لك تسجل الكواب او السمر بعض الأقسام عندها بعض الإجرائات والفورمات الي لازم تعبيها وتسلمها للقسم غالبا تكون على شكل check list او COOP Adviser Form ولأنها تختلف من قسم إلى قسم ماراح أتكلم عنها لكن حبيت أنبهكم عليها . أهم شي قبل التسجيل تتأكد من كوردينتر التدريب في قسمك إنك تقدر تسجل الكواب أو السمر .

    الكواب يكون على شكل كورسين : مثلا انا تخصصي CISE وناوي اطلع كواب في 163& 171 الي عليه اسويه بعدما أتأكد انه مسموح لي اطلع كواب هو :
    - في 162 أسجل الكورس الأول وغالبا رقمه يكون كذا CISE350
    - في 162 اسجل الكورس الثاني CISE351
    وموعد التسجيل للكواب آخر سمسترين كان منفصل عن موعد التسجيل لبقية الكورسات يعني ممكن يكون في بداية السمستر .

    - التدريب الصيفي فالتسجيل كورس واحد وغالبا رقمه يكون كذا CISE399 وتسجله في التسجيل المبكر لـ 163 .

    على نهاية السمستر راح تتواصل معكم إدارة التدريب عشان توقعون تعهد + تسلمكم خطاب التوجيه .. خطاب التوجيه هذا تسلمه للشركة في أول يوم من التدريب .

    الفورمات والتعهد موجود في موقع إدارة التدريب .
    http://www2.kfupm.edu.sa/stutraining/

    3 - طريقة الحصول على فرصة تدريب :

    1- عن طريقة يوم المهنة :
    الفرص قليلة خاصة بالنسبة للتدريب الصيفي + يفضل تكون مجهز CV

    2 - عن طريق يوم التدريب :
    الجامعة تنظم يوم التدريب في مبنى 68 كل سمستر وقبل اسبوع من يوم التدريب ترسل رابط للطلاب فيه اسماء الشركات والتخصصات المطلوبة بحيث الطلاب يسجلوا بياناتهم من معدل وتخصص والجامعة ترسل أسماء الطلاب الطلاب للشركات و يكون يوم التدريب للمقابلات و التقديم . طبعا فيه قسمين من الشركات الأول شركات راح تحضر للجامعة وتسوي مقابلات والثاني المقابلات راح تكون برا الجامعة او بالتلفون او السكايب . أهم شي في يوم التدريب إنك تعبي بياناتك في الرابط الي راح يوصلكم قبل اسبوع من يوم التدريب لأن بعض الشركات راح تتواصل معكم بعد فترة حتى لو ارسلوا لكم رفض بعد المقابلة في مبنى 68 .
    وهذي مواضيع عن يوم التدريب في 151 - 152

    [[ يوم التدريب 15 -17 فبراير ]] ~ kfupm

    يوم التدريب : 151





    ****

    3- عن طريق موقع إدارة التدريب :
    فيه فرص تدريب عن طريق الجامعة وتكون على موقع إدارة التدريب و التسجيل في هذي الفرص يفتح مرة أو مرتين ف السمستر بحيث الطالب يختار 5 فرص تدريب متوفرة ومشكلة هذي الفرص إنك تكون ملزم فيها لو وصلك قبول فيها وما تقدر تعتذر عنها . طبعاً إذا قبلتك أكثر من شركة فإدارة التدريب تخيرك بين الشركات .
    وطريقة التسجيل هي تدخل موقع إدارة التدريب : تالي New Application وبعدها راح تظهر لك قائمة بالفرص المتاحة وتختار منها 5 فرص .

    المشكلة الثانية هي إن أغلب الفرص تكون للكواب أما التدريب الصيفي فهي قليلة وعادي إنك ما يكون فيه أي فرصة و هذا الي صار لي

    هذا موقع إدارة التدريب ولو عندك مشكلة في تسجيل الدخول راجع مبنى 68 غرفة 108
    http://www2.kfupm.edu.sa/stutraining/Default.aspx


    4 - عن طريق الجامعة :
    ( بين فترة وفترة الجامعة ترسل روابط للتسجيل في برامج تدريب او فرص خاصة بطلاب الجامعة مثل فرص التدريب في سابك )

    5 - تبحث بنفسك عن فرص تدريب :
    و الصراحة التقديم عن طريق الايملات نادرا مايجيب نتيجة لكن ما يمنع إنك تتواصل مع الـ HR في الشركات وتقدم وذهي قائمة بالشركات الي تدريب فيها الطلاب خر 5 سنوات
    [[ قائمة بالشركات الي سبق وإن تدرب فيها طلاب الجامعة ]] ~


    . على العموم فيه فرص تدريب يتم الإعلان عنها في مواقع التوظيف مثل linked in فـ فعل خدمة الـ job alert وراح توصلك إعلانات التدريب بإستمرار

    [​IMG]


    - تابع حسابات بعض موظفي أو مسؤولي التدريب في الشركات او حسابات الشركات في السوشل ميديا والحسابات المهتمة بتدريب و توظيف الطلاب مثل :
    * SmartLancer
    * روابي القابضة
    * خبرة لتوظيف الطلاب
    *وادي مكة للتقنية
    * PepsiCo

    - بعض الشركات لها صفحات خاصة ببرامج التدريب مثل ارامكو : شيك عليها بين فترة وفترة ( هذي روابط التقديم )

    * ARAMCO - COOP
    * ARAMCO - Summer Training
    *SAMREF - COOP
    * KAUST - Internship
    *شركة علم - تدريب تعاوني / صيفي
    * برنامج صيفي - صندوق الموارد البشرية
    *Pwc
    * بنك ساب - كواب
    * هيئة سوق المال - التدريب التعاوني
    * روابي القابضة



    - تروح بنفسك للمدن الصناعية القريبة منك مثلا المدينة الصناعية الثانية بالدمام : لو ماحصلت فرصة تدريب وانتهى السمستر رح لها .. اما في نص السمستر شوي بدري انك تروح لهم وتدور فرصة تدريب . وهذي قائمة بالشركات والمصانع في المدن .
    دليل المصانع والمنشآت


    - الخيار الأخير هو التدريب في الجامعة في معهد البحوث أو الـ ITC خاصة اذا كنت كواب ( الفترة الأخيرة ادارة التدريب ما قامت توافق على الكواب في الجامعة الا في حالات خاصة ) وتقدر تقدم عليهم بنفسك وأغلب اخوانا الغير سعودين تدريبهم يكون في معهد البحوث لو ماحصلوا فرص تدريب برا الجامعة .

    - نصيحتي إنه يكون فيه موضوع تجميع لفرص التدريب او قروب واتساب تتشاركون فيه إعلانات التدريب

    [[تجميع لـ فرص الكواب والتدريب الصيفي لفصل 161 & 152 & 153]]



    بعد ماتحصل فرصة تدريب في أوراق لازم تعبيها وتسلمها لإدارة التدريب وتفاصيل هذي الاوراق والاجرائات موجودة في هذا الموضوع :
    إجراءات البحث عن فرصة تدريب

     
    • x 6 إعجاب إعجاب
  2. شدعوه

    شدعوه مشرف سابق

    انضم:
    ‏12 يوليو 2011
    المشاركات:
    6,149
    التخصص:
    Control & Instrumentation Engineering
    الجامعة:
    Kfupm
    سنة التخرج:
    2017
    التقييمات:
    +3,160 / 2 / -20
    #2 شدعوه, ‏7 سبتمبر 2016
    آخر تعديل: ‏11 فبراير 2017
    5 - اسئلة شائعة :
    0- تجارب الطلاب في التدريب
    قيم تدريبك الصيفي / الكواب & بعض الأسئلة

    01 - : ملفات مهمة للكواب والسمر: Final&Progress Reports&CO-OP Presentations

    1 - انتهى السمستر و ماحصلت فرصة تدريب وش الحل ؟
    حاول تتواصل مع كوردينتر التدريب في قسمك عشان يتواصل مع إدارة التدريب + يبحث بنفسه عن فرص تدريب لك واكثر من كوردينتر في اكثر من قسم دبروا فرص تدريب لبعض الطلاب . لو لاسمح الله ماحصلت فرصة تدريب رح لمعهد البحوث في الجامعة وبنسبة كبيرة راح يتم قبولك .

    2 - هل راح يحذف التدريب لو ماحصلت فرصة تدريب ؟
    الحذف هو آخر حل وإدارة التدريب راح ترسل لكم رسائل بخصوص هذا الشي عشان تخلي مسؤوليتها + تخوفكم وتخليكم تبحثون فرص تدريب بأنفسكم خاصة لو كنت تدريب صيفي .. على العموم الجامعة غالبا تدبر لك فرصة تدريب لو بدأ التدريب ماحصلت فرصة تدريب لكن بنسبة كبيرة ماراح يكون التدريب على مستوى و الشركة لك عليها .

    3 - هل راح تسجلني الشركة في التأمينات ؟
    تسجيلك في التأمينات يعتمد على الشركة وفيه شركات ماتسجل لكن أغلب الشركات في الكواب تسجلك في التأمينات اما التدريب الصيفي فإحتمال أقل يتم تسجيلك في التأمينات لأن المدة قصيرة .

    4 - لو كنت مسجل سعودة هل راح يأثر هذا الشي علي في التقديم على الشركات ؟
    لا ماراح يأثر أكثر من شخص أعرفه جصل فرصة تدريب .. لكن الأفضل إنك تترك السعودة قبل فترة كافية من التدريب لأن شركة التدريب راح تسجلك في التأمينات .

    (( انا ضد السعودة الوهمية لكن السؤال هذا تكرر كثير فحبيت اجاوبه .. بس رايي ابتعد عن السعودة الوهمية لوجه الله والله راح يعوضك بشيئ أفضل إن شاء الله ))

    5 - هل مسموح بتغيير شركة التدريب بعد بداية التدريب ؟
    اي نعم مسموح لكن إدارة التدريب متشددة في هذا الموضوع ونصيحة عشان تتجنب عوار الراس حاول تعرف وضع التدريب في الشركة قبل بداية التدريب لأن التغيير قبل بداية التدريب أسهل . هذي هي إجرائات التغيير ( من العضو خالد الله يجزاه خير )


    6 - هل الفاينل ريبورت يحفظ في الـ turn it in ؟
    الريبورتات تحفظ عند القسم لكن مب متأكد لو الأقسام تستخدم turn it in لكن بشكل عام حاول تتجنب النسخ أو إنك تأخذ ريبورت غيرك لأن العقوبة راح تكون صارمة ممكن توصل إن الجامعة تلزمك تعيد الكواب + فصل تأديبي لسمستر أو عقوبات ثانية .

    7 - وش الأوراق الي احتاجها في التقديم للشركات ؟
    - CV وتذكر فيه المهارات او الاشياء الي له علاقة بالتدريب في الشركة ومجالها .
    - خطاب يثبت إنك مرشح للتدريب وتقدر تطلعه من مبنى 68 غرفة 108 .
    - الترانسكربيت .

    8 - هل التدريب التعاوني مسموح لغير السعوديين ؟
    للأسف غير مسموح وهذا الشي بسبب قوانين وزارة العمل والتنمية الإجتماعية . لكن هل مسموح له بالكواب برا السعودية ماعندي فكرة الي يعرف ياليت يفيدنا .

    9 - متى ابدا أقدم على الشركات ؟
    أفضل شيئ إنك تقدم عن طريق مواقع الشركات من بداية السمستر الي يسبق التدريب لكن إذا ماحصلت تجاوب فلا تخاف لأن فيه شركات كثيرة ماترد الا قبل فترة بسيطة من بداية التدريب . نصيحتي لا تشيل هم التدريب حاول تركز على الدراسة وبين فترة وفترة ( كل اسبوع او اسبوعين ) شيك مواقع الشركات او السوشل ميديا وابحث عن فرص تدريب خاصة في الشركات المعروفة مثلا ارامكو لأن التسجيل فيها يكون في مدة معينة .

    10 - هل تخصم 150 ريال السكن من المكافأة في فترة التدريب ؟
    اي تخصم .

    11 - هل مسموح إن يبدأ تدريبي التعاوني ( الكواب ) في السمستر الثاني بدل من السمستر الصيفي ؟
    اي نعم مسموح وفيه فرص تدريب عددها جيد في السمستر الثاني .

    12 - كيف أقدر اتدرب برا السعودية ؟
    موضوع شامل عن التدريب الخارجي ~


    13 - من أكثر فرص الكواب أو التدريب الصيفي ؟
    الكواب أكثر والشركات تفضل الكواب لأنهم راح يستفيدون منه من ناحية التسجيل في التأمينات + الوقت كافي للتدريب


    14 - هل تسمح الجامعة بالتدريب بدون مكافأة ؟
    في السابق كان هالشي ممنوع لكن الفترة الاخيرة بدأت الجامعة تسمح بهذا الشي خاصة للتدريب الصيفي اما الكواب فـ لإدارة التدريب تحاول تتجنب هذا الشيئ .


    15 - أقدر ابدأ في التدريب قبل الموعد الرسمي لبداية التدريب وأخلص قبل الموعد الرسمي لنهاية التدريب المحدد من الجامعة مع العلم إني تدربت المدة المطلوبة مني ( 8 أسابيع للتدريب الصيفي /28 اسبوع للكواب ) ؟
    الجامعة تحاول تتجنب هذا الشيئ إلا لو كان عندك عذر قوي مثلا لو بديت متأخر راح يكون فيه تعارض بين تدريبك وبين مشاركتك في برنامج التبادل الطلابي ( exchange ) وهذا الشيئ صار في 153 .
    بشكل عام الجامعة ماراح تقبل بهذا الشيئ خصوصا في الكواب لأن منسق التدريب في قسمك ممكن مايكون متواجد قبل الموعد الرسمي لبداية التدريب . اما السمر فالوضع راح يكون أسهل .


    16 - أقدر ابتدي في التدريب بعد الموعد الرسمي لبداية التدريب ؟
    لا . لكن فيه حالات اضطروا يبتدوا بعد الموعد الرسمي خاصة لو كان تدريبهم برا السعودية أو حصلت مشاكل في الشركة أو اضطروا لتغيير الشركة . لكن بشكل عام ادارة التدريب متشددة في هذا الامر وتتحاول تتجنبه قد ماتقدر + لازم تكون مدة تدريبك 8 أسابيع حتى لو بديت متأخر وتحتاج موافقة من إدارة التدريب وقسمك .

    17 - أقدر أتدرب اكثر من 8 أسابيع ( للتدريب الصيفي ) أو أكثر من 28 أسبوع ( للتدريب التعاوني " كواب) ؟

    اي عادي أهم شيئ إنك تدربت المدة المطلوبة من الجامعة وهي 8أسابيع للتدريب الصيفي أو 28 أسبوع للتدريب التعاوني + مايكون فيه تعارض بين المدة الإضافية الي بتدرب فيها مع بداية الدراسة في الجامعة .

    18 - انا طلعت اكسشينج ( التبادل الطلابي ) أو زيارة دولية هل اقدم أتدرب برا السعودية ؟

    "ايه يقول اذا بيتكفل بكل شي فما فيه مانع ولكن يفضل انه يناقش الدكتور الخروبي اول "

    ( الجواب من العضو k94 يعطيه العافية تواصل مع د طلال خروبي )


    19 - غير السعودين غير مسموح لهم بالكواب بسبب قوانين وزارة العمل في السعودية , هل يقدروا يأخذوا الكواب برا السعودية ؟

    "ايه ولكن في بلده ,, يقول ممكن تلاقون في اوروبا او دولة صناعية لكن الفيزا بتكون مزعجة جدا ولازم التطبيق في شركة كويسه مو مش حالك بكلامه "

    ( الجواب من العضو k94 يعطيه العافية تواصل مع د طلال خروبي )

    20 - انتهيت من التدريب الصيفي / الكواب وفي الترانسكربيت القريد IC ايش يعني ؟

    IC = Incomplete وهذا القريد راح يتغير مع نهاية السمستر الي بعد الكواب او التدريب الصيفي .. للكواب راح يكون قريد مثلا A+ او B
    اما في التدريب الصيفي راح يكون NP = No Grade Pass


    21 - اقدر اخذ الكواب او السمر اخر سمستر لي بالجامعة ؟
    لا . والجامعة متشددة في هذا الموضوع .


    إذا فيه شيئ مب واضح أو خطأ فأنا حاضر واسف ان اغلب الكلام مب بالفصحى ..
     
    • x 10 إعجاب إعجاب
  3. Krooom

    Krooom عضو

    انضم:
    ‏17 يونيو 2016
    المشاركات:
    171
    التخصص:
    coe
    الجامعة:
    kfupm
    سنة التخرج:
    2018
    التقييمات:
    +67 / 0 / -5
    ما شاء الله عليك

    موضوع مميز

    انت من الاعضاء القلة اللي يحاولون يفيدون الاعضاء باللي يقدرون عليه

    تحياتي لك
     
    • x 3 إعجاب إعجاب
  4. Bo Rayan

    Bo Rayan نائب المدير العام
    طاقم الإدارة

    انضم:
    ‏27 أغسطس 2013
    المشاركات:
    690
    التخصص:
    علوم حاسب
    الجامعة:
    KFUPM
    سنة التخرج:
    2018
    الإقامة:
    الخبر
    التقييمات:
    +659 / 2 / -53
    ما شاء الله تبارك الله

    الله يجزاك ألف ألف خير

    موضوع مرتب وواضح ومنسق.. باختصار Perfect

    الي قاعد تقدمه للمنتدى لا يقدر بثمن ورح يفيد أجيال قادمة

    تعجز الكلمات عن التعبير والله

    :وردة:
     
    • x 3 إعجاب إعجاب
  5. انامش كذا

    انضم:
    ‏8 أغسطس 2012
    المشاركات:
    1,437
    التخصص:
    بتروليوم
    الجامعة:
    kfupm
    سنة التخرج:
    2019
    التقييمات:
    +637 / 0 / -98
    ناااااااااااااااااااااايس,,, لقيت كل اللي احتاجه وكل الاستفسارات جاوبت عليها مجهوووووووووووود تشكر عليه الله يعافيك يارب
     
  6. غسان العسيري

    انضم:
    ‏23 يوليو 2016
    المشاركات:
    9
    الجنس:
    ذكر
    التقييمات:
    +8 / 1 / -4
    اذا احد عنده فكره وش المقصود ب Training plan
     
  7. شدعوه

    شدعوه مشرف سابق

    انضم:
    ‏12 يوليو 2011
    المشاركات:
    6,149
    التخصص:
    Control & Instrumentation Engineering
    الجامعة:
    Kfupm
    سنة التخرج:
    2017
    التقييمات:
    +3,160 / 2 / -20
    #7 شدعوه, ‏9 أكتوبر 2016
    آخر تعديل: ‏9 أكتوبر 2016
    المقصود وش خطة تدريبك في الشركة ... ادارة التدريب تطلب من الشركة خطة بالاسابيع فيها تفاصيل تدريبك مثلا الاسبوع الاول وين راح تشتغل + وش القسم المسؤول عنك + المجال أو الموضوع الي راح تشتغل عليه طول مدة التدريب
    +
    عشان توضح الفكرة هذي خطة تدريب لـ 4 طلاب من تخصصات مختلفة من شركة JGC
    Dropbox - 20160712_Training Schedule-1.xls
     
  8. ’ماجد

    ’ماجد عضو

    انضم:
    ‏10 يونيو 2014
    المشاركات:
    481
    التخصص:
    ACHE
    الجامعة:
    kfupm
    سنة التخرج:
    N/A
    الجنس:
    ذكر
    الوظيفة:
    طالب
    الإقامة:
    الاحساء - الظهران
    التقييمات:
    +654 / 0 / -54
    مشكور و الله يعطيك العافية

    موضوع جبار ومتعوب علية :icon30:

    عندي كم سؤال كالتالي :

    شتقصد بعدد جيد ؟
    وهل الشركات الكبيرة يكون عندها فترتين للتدريب التعاوني أي فترة صيفي و فصل أول و فترة فصل ثاني وصيفي ؟

    هل راح يأثر تسجيلي في التأمينات على فرصة التوظيف بعدين ؟
     
  9. شدعوه

    شدعوه مشرف سابق

    انضم:
    ‏12 يوليو 2011
    المشاركات:
    6,149
    التخصص:
    Control & Instrumentation Engineering
    الجامعة:
    Kfupm
    سنة التخرج:
    2017
    التقييمات:
    +3,160 / 2 / -20
    الله يعافيك يا ماجد
    11 #
    اي اغلب الشركات عندها فترتين للتدريب ( صيفي + السمستر الأول ) أو (السمستر الثاني + صيفي )
    مثل سابك + ارامكو + ge + شلمبرجير .... وفيه شركات غيرها بس هذا الي متأكد منهم
    ,,,,
    13 #
    ما ادري ... إن شاء الله الشباب يفيدونك
     
    • x 1 إعجاب إعجاب
  10. MOATH ALDAWSARI

    انضم:
    ‏2 فبراير 2014
    المشاركات:
    4
    التقييمات:
    +0 / 0 / -0
    يعطيك الف عافيه عندي سؤالين الله يحفظك ....
    انا EE هل اقدر اخذ الكواب في سمستر عادي بعدين صيفي يعني مثلا 172 و173 ؟
    السؤال الثاني : هل لازم اكون مخلص كل مواد ليفل 2 ؟( لان عندي Science Elective مابعد خذيتها )
     
  11. شدعوه

    شدعوه مشرف سابق

    انضم:
    ‏12 يوليو 2011
    المشاركات:
    6,149
    التخصص:
    Control & Instrumentation Engineering
    الجامعة:
    Kfupm
    سنة التخرج:
    2017
    التقييمات:
    +3,160 / 2 / -20
    هلا معاذ
    اي تقدر تطلع كواب في الفصل الثاني وفيه شركات كثيرة توفر فرص تدريب وهذا الروابط ليوم التدريب في 151 و 161 تقدر تشوف الشركات الي كانت موجودة
    الشركات التي ترغب في إجراء مقابلات مع الطلاب ( للكواب )


    يوم التدريب لترم 161 : 24 - 25 أكتوبر


    وبخصوص المتطلبات للتدريب في الـ ee ماعندي فكرة لكن هالرابط فيه بعض المعلومات عن الكواب ومتطلباته بالنسبة للـ ee
    http://www.kfupm.edu.sa/departments/ee/SitePages/en/ContentDetailsPage.aspx?CUSTOMID=77
    +
    هذا ايميل د محمد قصاص غالباً هو يكون الكوردينتر للسمر والكواب لطلاب الـ ee تواصل معاه اضمن لك .
    [email protected]

    Building 59, Room 1081
     
  12. MOATH ALDAWSARI

    انضم:
    ‏2 فبراير 2014
    المشاركات:
    4
    التقييمات:
    +0 / 0 / -0
     
  13. ee390

    ee390 عضو

    انضم:
    ‏4 فبراير 2017
    المشاركات:
    1
    التخصص:
    ee
    الجنس:
    ذكر
    التقييمات:
    +0 / 0 / -0
    موضوع رائع
     
  14. انامش كذا

    انضم:
    ‏8 أغسطس 2012
    المشاركات:
    1,437
    التخصص:
    بتروليوم
    الجامعة:
    kfupm
    سنة التخرج:
    2019
    التقييمات:
    +637 / 0 / -98
    السلام عليكم شباب انا طالع الصف هذا سمر ترينيق

    هل أبدا من الحين بالتسجيل ؟؟ وبالنسبة للشركات هل يكون التسجيل كانه تقديم لأي وظيف عادية لكن كيف يعرفوون اني مقدم على اساس ابي اتدرب؟؟؟
     
  15. انامش كذا

    انضم:
    ‏8 أغسطس 2012
    المشاركات:
    1,437
    التخصص:
    بتروليوم
    الجامعة:
    kfupm
    سنة التخرج:
    2019
    التقييمات:
    +637 / 0 / -98
    ومتى اروح اخذ ورقة التدريب والترشيح للصيفي؟؟
     
  16. شدعوه

    شدعوه مشرف سابق

    انضم:
    ‏12 يوليو 2011
    المشاركات:
    6,149
    التخصص:
    Control & Instrumentation Engineering
    الجامعة:
    Kfupm
    سنة التخرج:
    2017
    التقييمات:
    +3,160 / 2 / -20
    ^^^
    اذا تقضد الخطاب الترشيح للتدريب ( يعني انك مرشح للتدريب وهو متطلب للتخرج) فتقدر تطبعه بعد ماتسجل كورس الكواب أو السمر في 26 فبراير
    هذا على كلام واحد من الشباب راجع ادارة التدريب
    وعلى العموم بتوصا رسالة على الايمل لو صار الخطاب جاهز
     
  17. شدعوه

    شدعوه مشرف سابق

    انضم:
    ‏12 يوليو 2011
    المشاركات:
    6,149
    التخصص:
    Control & Instrumentation Engineering
    الجامعة:
    Kfupm
    سنة التخرج:
    2017
    التقييمات:
    +3,160 / 2 / -20
    وعليكم السلام
    اسف توني انتبه لردك الأول ,
    الشركات اذا عندها فرص تدريب راح تعلن والتقديم إما يكون عن طريقة ايميل أو رابط معين . مايحتاج تقدم على المواقع اذا مافيه اعلان عن فرص تدريب .
    تابع ايميل الجامعة لأن إدارةا لتدريب راح ترسل لكم اعلانات عن فرص التدريب وطريقة التقديم عليها .
    بعض الشركات مثل ارامكو لها صفحة خاصة ببرنامج التدريب الصيفي أو التعاوني تقدم عن طريقها
    برنامج التدريب الصيفي للمرحلة الجامعية
     
  18. شدعوه

    شدعوه مشرف سابق

    انضم:
    ‏12 يوليو 2011
    المشاركات:
    6,149
    التخصص:
    Control & Instrumentation Engineering
    الجامعة:
    Kfupm
    سنة التخرج:
    2017
    التقييمات:
    +3,160 / 2 / -20
    فيه شي ودي اقوله بخصوص فرص التدريب ,
    صحيح حاليا ً الفرص قليلة لكن من الأشياء الي قللت الفرص هي انطباع الشركات عن الطلاب
    بعض الشركات للأسف وقفت التدريب للطلاب بسبب الي شافوه من بعض الطلاب من تأخير في الدوام والغياب وامور ثانية
    فأتمنى تعكسوا صورة طيبة عن الجامعة لأن التزامكم وتميزكم راح يفتح فرص تدريب للدفعات الي بعدكم وحتى فرص وظيفية للخريجين !


    وهذا مثال لتأثير تصرفات الطلاب في التدريب على التوظيف والتدريب في بعض الشركات

     
    • x 1 إعجاب إعجاب
  19. Suli_ali

    Suli_ali عضو

    انضم:
    ‏12 أغسطس 2015
    المشاركات:
    28
    التخصص:
    Finance
    الجامعة:
    KFUPM
    سنة التخرج:
    2019
    التقييمات:
    +29 / 1 / -0
    يعطيك العافية،،
    حسب ماهو مكتوب ما أقدر أسجل كورسات أثناء فترة التدريب.
    طيب مافيه استثناء أو طريقة يسمحون لي؟
     
  20. شدعوه

    شدعوه مشرف سابق

    انضم:
    ‏12 يوليو 2011
    المشاركات:
    6,149
    التخصص:
    Control & Instrumentation Engineering
    الجامعة:
    Kfupm
    سنة التخرج:
    2017
    التقييمات:
    +3,160 / 2 / -20
    الله يعافيك , لا ما في طريقة .
     
جاري تحميل الصفحة...
مواضيع شبيهة - كل ماتحتاج معرفته
  1. Medoalkebsi
    الردود:
    9
    المشاهدات:
    1,372
  2. Medoalkebsi
    الردود:
    10
    المشاهدات:
    2,535
  3. AE STUDENT
    الردود:
    4
    المشاهدات:
    878
  4. goalkeeper
    الردود:
    9
    المشاهدات:
    1,394
  5. ChemicalG.E
    الردود:
    1
    المشاهدات:
    249
  6. Kira
    الردود:
    5
    المشاهدات:
    654
  7. ICTC@KFUPM
    الردود:
    3
    المشاهدات:
    66
  8. CODEX
    الردود:
    2
    المشاهدات:
    253
  9. Amazing
    الردود:
    5
    المشاهدات:
    648
  10. NafasWhy
    الردود:
    2
    المشاهدات:
    468

مشاركة هذه الصفحة