كل ماتريد معرفته عن برنامج رواد الأهلي و برنامج وسام الاهلي

السلام عليكم انا قدمت على البرنامج وهذي صورة الموقع
هل التقديم صحيح وحالوت اعدل ولكن مافتح
عطوني علم

 

أنت سجّلت في موقع التوظيف فقط. تحتاج تتقدّم لأحد البرامج او الوظايف. ادخل لحسابك وابحث عن الوظايف اذا لقيت وسام الاهلي قدّم عليه اذا ما لقيت معناه قفلوا التسجيل.
بالتوفيق

 

الراتب هذا لبرنامج الوسام ولا الرواد؟

 

السلام عليكم جميعا
انا اختبرت في برنامج وسام تاريخ ١٨-٨ والى الان ماجاني رد قبول او رفض في احد صار له مثلي؟

 

وعليكم السلام..

ايوه انا كمان زيك اختبرت بنفس تاريخك ولا ردوا لسى.

 

تقصدون اختبار assessment اونلاين؟

 

ايوة

 

أنا عملت وكثير هنا في الموضوع هذا عملنا الاختبار والمقابلة الأولى وننتظر رد الترشّح للمقابلة الثانية. ما اعرف اذا فيه اكثر من دفعه او شي. نظام البرنامج مو واضح للأسف وما اعطونا المواعيد المتوقّعة وتاريخ بداية البرنامج. انا عملت المقابلة الأولى يوم 26-7 ميلادي وإلى الآن ما أعلنوا عن ترشيح أحد للمقابلة الثانية.

 

وصلني الاختبار لبرنامج الوسام بتاريخ 31/7
و الى الان ماوصلني رد

في طريقه اتواصل معهم سواء ايميل او رقم هاتف

 

عندهم ايميل التوظيف [email protected] ارسلت لهم مرّتين وما وجدت رد للأسف.

 

أمس وصلني رفض منهم بسبب متطلبات البرنامج ما تنطبق عليا بحكم تخصصي، والحمدلله على كل حال.

 

انا توه وصلني الاختبار بس حبيت اسال ايش اسهل الطرق لحل الاختبار خاصه و ان كل سوال دقيقه ايش مواقع او فيديوات استعملتها للمراجعه و شكراً

 

فيه اختبار تدريبي في الموقع لكل قسم من الأقسام انصحك تاخذ وقتك وتتدرب عليها.
بعدين لما تبدأ الاختبار يديك الخيار برضو انك تتدرب على كل قسم قبل ما تبدأ الاختبار
انصحك تتدرب عليها وتقسم الاختبار على يومين او زي ما يناسبك

 

ايش طبيعة العمل بعد التدريب؟ هل بيكون خدمة عملاء ومبيعات ولا ايش بالضبط؟

 

برنامج الوسام حيكون لخدمة عملاء الوسام
ومسمى الوظيفة يكون "مدير علاقات عملاء الوسام"

برنامج الرواد حيكون للوظائف في إدارة البنك

 

السلام عليكم. للأسف جاني ايميل امس بالرفض اعتقد بسبب اختبار الرياضيات لأن طلبوا مني اعادته واخبروني اني اجتزت المقابلة الاولية. الحمدلله على كل حال وبالتوفيق لكم جميعاً

 

الله يوفقك وتحصل على الفرصة الأفضل.

سؤالي الرفض جاك بالايميل؟ ومتى بالضبط؟

 

اللهم امين. 14 سبتمبر عن طريق الايميل.

 

مرحبا شباب،

وصلني ايميل بالترشّح للمقابلة الثانية ولله الحمد. أتمنّى لكم التوفيق جميعاً وبإنتظار أخباركم.

 

عندي استفسارين يا شباب، في احد قبل كذا انطلب منه يعيد Ability Test (Inductive Reasoning only) انا سويت الاختبار الخميس و اليوم جاني ايميل اعيد السيكشن ذا، هل في احد سار معاه نفس الشي، و بالنسبه للبرنامج هل ممكن التحويل ولا صعبه انا قدمت على الوسام و ودي احول للرواد