كل ماتريد معرفته عن شلمبرجير!!

الشركات هنا غريبين ما لهم وقت محدد ولكن انا اول ما اتخرجت قدمت عليهم وردوا بالرفض بعد 9 شهور وتقريبا الاحد 4/17/2016 هذا برضو رجعت قدمت علي وظيفة في موقعهم والاثنين ردوا بالرفض

 

شباب في احد ردوا عليه من اللي سو المقابلة الثانية بداية ابريل ؟؟

 

هل الشركة توفر فرص وظيفية لتخصص هندسة الطيران والفضاء ؟ علماً ان هذا التخصص هو من فرع من الميكانيكية , ولكن هو أشمل منه تطبيقياً .

 

لما كنت كواب مع الشركة كان في واحد من المهندسين متخرج من البترول تخصص هندسة طيران

 

انا سويت المقابلة الثانية نهاية مارس والى الان مافي رد على الرغم من تاكيدهم بأنهم راح يرسلون رسالة سواء الموافقة او الرفض.

 

اللي سوا مقابلة مؤخرا انا اعرف شخص اخذوه كلموه وسوا الفحص الطبي وكمل في باقي الاجراءات

والبعض سوا مقابلة ثالثة. لكن اتذكر على كلام زياد ال recruiting manager كان قايل في وظايف ما تفتح الا في اكتوبر، يعني عدم ردهم مو شرط انه رفض. (تفسيري الشخصي)

بالتوفيق للجميع

 

أرسلولي قبل شوي عن موعد مقابلة مع الفيلد مانيجر كمبليشن سيرفيسز hakan varinile
أبغى اعرف معلومات عن القسم هذا completion services
طبيعة عمل ورواتب وبونص وبدلات وإجازات من هذا القبيل !؟!

عندي شغلتين سمعت ان اذا اروح الفيلد صعب أني انزل (لوكان عندي شغل ضروري )وحتى مافيه خدمات جوال ونت بسبب الريموت اريا؟!؟

اذا وقعت معهم واشتغلت لمدة شهور مثلا 5 او 6 واستقلت هل يطالبوني مبالغ مادية حتى ولو ما أخذت كورسات
وهذا السؤال نفسه اذا كان عقدي خليجي او عالمي ؟!؟

أتمنى احد يفيدنا

 

يا اخوان كيف قدمتوا على الشركة؟
انا رحت الف ملتقى توظيف ورحت مقر الشركة كذا مرة وماخليت احد الا دقيت عليه وماحصلت لي على مقابلة

 

انا سويت الكواب حقي في هذا القسم, و كان ال RMC sub-segment
Reservoir monitoring and control
كنا نركب حساسات في البئر يحسب الحرارة و الضعط, و ايضا نركب control flow valve
بالنسبة للراتب و البدلات فهي ثابتة لكل الاقسام المتغير هو البونص, وعلى حسب كلام المهندسين البونص اول ما يصير قريدك 9 يكون حول ال200 دولار لليوم.
و لللإسف القسم ما في روتيشن تشتغل عادي بويك اند, و اذا كنت في الفيلد الويك اند ينحسبلك كا days off تجمعها و تاخذها بعدين.

و بالنسبة انك ترجع من الفيلد فصعبة جدا الا للضرورة القصوى. و بالنسبة للجوال و النت فحسب الموقع مرات يكون في شبكة ( أحسن شبكة كانت stc)

بالنسبة للاستقالة اعتقد عندك اول 6 أشهر تقدر تستقيل بدون أي التزامات مع الشركة (حسب مكتب العمل)

 

شباب احد منكم عنده معرفه بشغلة Reservoir Engineering في شلمبرجير من ناحية الرواتب, طبيعة العمل, الخ؟

 

ياشباب هل الشركة توظف مهندسين مدنيين؟

 

اي توظف ,اهم شي تخصصك هندسي , لكن بتشتغل ك Field Engineer يعني مب تشتغل في تخصصك .

 

ايه توظف خريجين البترول هندسة مدنية وأعرف ٢ توظفوا فيها ٢٠١٧ من جامعتنا أما بقية الجامعات لا اعلم.

 

يا جماعه طبيعي انه بين المقابله الاولى والمقابله الثانيه شهرين؟؟ ولا الHR ماعنده سالفه؟ يعنس اكلم مسؤول ثاني اصرف لي؟؟

خصوصا ان الHR كان عندهم قبولي بالمقابله الاولى بس ماعلموني الا لما انا ارسلت follow up email بعد ٣ اسابيع من المقابله....

وتعرفون احد اقدر اكلمه؟؟

 

Mad95
اول شي تفاءل بالخير
اذا مقدم ع فيلد انجنير ترا يكون قبولهم حسب احتياج الاقسام وشي ثاني ان فيه كورس بابوظبي اذا اكتمل العدد ارسلو القروب للسكول

 

يعطيك العافيه اخوي، انا ان شاء الله متفائله خير.. ماقلت لي هل قبولي بالمقابله الاولى يعني خلاص تمام؟ وان المقابله الثانيه فقط عشان يعرفون للقسم المناسب لي؟؟ او انه المقابله الثانيه ايضاً فيها اختبارات و و و...

 

السلام وعليكم ممكن حد يفيدنا عن طبيعة عمل MI Equipment operator مشغل معدات وكيف الرواتب قريد ٤ وهل السكول للاوبريتر صعب

 

شباب هل الوزن عائق؟ الي عنده وزن زايد (دب) ممكن يأثر بقبوله؟

 

أنا شغال في هذا القسم. الأمور سهالات لا تشيل هم

 

نعم يأثر
ارامكو و الحفر العربية تشترط ان يكون الوزن مناسب مع الطول