كل ماتريد معرفته عن me 218

السلام عليكم ورحمة الله وبركاته .

طبعا هذا وصف لكورس me218 من خلال سمستر كامل .

محادثكم احد الطلاب السته الي اخذوها هذا السمستر .

اولا: الماده عباره عن انترودكشن للdesign يعني مو متعمقة كثير وقت المحاضره ممل

وقرقره زايده عن اللزوم ولو انها مفيده ولكن لان مافيها لامياجر ولا فاينل فعشان كذا

احنا نشوفها ممله بس الحسنه الوحيدة في اللكتشر اذا كان الدكتور ناصر مراح.

ثانيا: اللاب هو الجزء المهم من هالكورس يعطونك بروجكت وتقعد تشتغل عليه طول

السمستر لكن قبل هذا انت تقعد تفكر كيف هذا البروجكت راح يكون يعني مايعطوك

مخطط للبروجكت انت الي تسوي المخطط وكل شي و تعمل الحسابات وأمور السوليد

وورك يعني مثلا في هذا السمستر معطينا بروجكت كيف تطلق بيضه عن طريق launcher

and carrier for the egg بحيث انها لو وصلت ال target ماتنكسر هذي البيضه واعتقد نفس

البروجكت راح يكون موجود السمستر الجاي .

طريقة العمل في الاب يعني احنا سته قسمنا الدكتور في بداية السمستر

الى مجموعتين كل مجموعه فيها ثلاثة وهذا الثلاثه يشتغلون مع يعض

طول السمستر وتوزيع الدرجات يكون : فيه درجات حسب الشغل الجماعي

وفيه درجات حسب شغلك انت لنفسك يعني تقديمك للبرزنتيشنس ودفترك

الي تكتب فيه كل شي بتسويه يعني هذا الدفتر عليه 15 بالميه والدكتور

يشيكه كل خمس اسابيع يشوفك هل انت مشتغل معاه ولا لا .

ثالثا : بالنسبه للهومووركات والكويزات .

بما ان هذي الماده جديده فكانت الهوم ووركات متوسطه يعني لا كثيره ولا قليله

والكويزات كانت قليله جدا بس اخذنا كويزين وسهلين يعني مافيهم صعوبه وبما ان

الطلاب كانوا قليل فكانوا متساهلين معنا في امور الديد لاين والدرجات كانوا كريمين .

بالنسبه للجروبات كل جروب راح يكون عليها mentor يساعد الجروب اذا احتاجه .

نقطه اخيره ومهمه في الاب راح يعطوك materials محدده يعني لازم تسوي البروجكت

منها ولا تقدر تستعمل غيرها .

يعني بإختصار الماده ممله بعض الشيء في اللكتشر وممتعه الى حد ما في الاب ومريحه ولكن

ممكن يجيك اسبوع او اسبوعين طول السمستر تنضغط فيه فجأه من هالماده .

الي يبي يستفيد اكثر السيلابس في المرفقات.

والي حاب يسأل عن اي شي مايرده الا لسانه في هالموضوع.

دعواتكم ياشباب بالتوفيق في الفاينلات وموفقين ان شاء الله

 

طبعا هذا الكورس للي تو ماخلص ال216 الي هي 215 سابقا .

اما الي خلصوها هذا الكورس غير مطلوب عليهم نهائيا .

(بو شوووق غريبه ماخلصت ال215 للحين )

 

وانا وش قاعد اقول من زمان الي بتسويه انت قاذفة بيض اكيد بس هذي البيضه

تبيها توصل للهدف بدون ماتنكسر وهذا وظيفة الكارير الي راح يحفظ البيضه .

السوليد وورك راح تحتاجه في تصميم الكارير واللنشر وتسوي المقاسات بالضبط

يعني راح تستخدم السوليد وورك قبل ماتسوي الشكل النهائي حقك هذا وظيفة

السوليد وورك اعتقد الا اذا كان له وظيفة ثانيه ممكن تفيدنا فيها يا هذا.

طبعا هذا السمستر كان فيه لخبطه وخلونا نسوي الشكل النهائي قبل السوليد

وورك ولكن في الاصل انك لازم ترسمه بعدين تبدأ تسويه فهمت ياهذا.

وفي حاجه نسيت اقولها ذكرتني فيها الله يذكرك بالشهاده طبعا كل الي سويته

بيجي يوم الكومبتشن وراح تجي القروبات كلها وراح يطلقون البيضه والي يوصل

الكارير حقه للهدف بدون ماتنكسر البيضه راح يكون هو الفائز بالكومبتشن وهذا

اعتقد عليه 15 بالميه من الكورس وطبعا في نفس يوم الكومبتشن قبل الانطلاق

فيه برزنتيشن عليه 25 او 20 بالميه تشرح كل الي سويته من بداية السمستر .

اي اسئله ثانية ترى حاضرين وفي الخدمه.

 

ايه يعني لازم تاخذها مطلوبة عليك..

انا كنت اقصد الطلاب الي خلصوا ال215 (216) قبل

هالسمستر الماده مو مطلوبه عليهم.

 

واجبنا اخوي ماسوينا شي.

والله ياخوي مشكلة هالكورس انك ماتعرف الرنج حق القريدات

انا بالنسبه لي مجموعي اتوقع ماتعدى السبعين انا وخويي

وطلعنا اثنينا ب c+ ولاحظ طبعا ان الدكتور كان متساعد بحكم انه

اول سمستر لهالكورس.

والله ماتوقع انها تنزل صيف بس تقدر تتاكد من القسم نفسه.

ياطويل العمر حتى حنا قبل كانوا حاطينها بس بعدين شالوها قبل

الفاينلات باسبوعين بس اتوقع انهم حطوا موعد محدد للفاينل برزنتيشن

وموعد انطلاق البيضه .

مراح ممتاز بس يكره شي اسمه تأخير ولا الدكتور حبوب ومتساعد .

بايج والله مادري عنه .

الماده مثل ماقلت اغلب شغلها في الاب وكويزات طبعا تعتمد على الشرح

الي في اللكتشر والسلايدات الي يعطيك اياها الدكتور وفي الغالب تكون سهله .

اذا تقصد تقسيم الدرجات فهو موجود في السيلابس اما القريدات فمثل ماقلت

في ردي الي قبل مجموعي اتوقع ماعدى السبعين واخذت c+ .