كل ما تريد معرفته عن برنامج الابتعاث الخارجي - أرامكو السعودية - cpc - cpp - cdpne ..

الموضوع في 'الطريق إلى جامعة الملك فهد للبترول والمعادن' بواسطة HaMmOdY_13, بتاريخ ‏23 يونيو 2011.

الوسوم:
أدوات الموضوع

أدوات الموضوع

أفضل المشاركات
الصفحة 1 من 2
  1. HaMmOdY_13

    HaMmOdY_13 عضو

    انضم:
    ‏27 يوليو 2010
    المشاركات:
    18
    التقييمات:
    +0 / 0 / -0
    #1 HaMmOdY_13, ‏23 يونيو 2011
    بسم الله الرحمن الرحيم ..

    بداية .. أبارك لكل الطلاب نهاية السنة الدراسية وخصوصاً طلاب تالت ثانوي وبالتوفيق إن شا الله في التحصيلي ..

    قبل سنة .. كنت طالب ثانوي .. أتخرجت .. قدمت على أرامكو .. دورت في النت عن أي معلومة عن برنامج الابتعاث الخارجي .. للأسف ما لقيت إلا شويييييية .. فعشان كدا حبيت إني أنقلكم دحين تجربتي خلال سنة دراسية في برنامج الابتعاث الخارجي في أرامكو ..

    في البداية .. إيش هوا برنامج الابتعاث الخارجي أو الـcpc ..؟
    باختصار .. هوا برنامج يجهزك ويخبرك هل تنفع تطلع تدرس برا وتتخرج بتفوق وهل تستاهل كل المبالغ اللى حتدفعها عليك الشركة عشان ترجع وتشتغل في الشركة ..
    طبعن الدراسة تكون سنة في الظهران .. وبعدين تطلع برا تدرس البكلوريوس وترجع تشتغل في الشركة ..

    أنا اليوم كتبت الموضوع وأنا ما زلت في الظهران .. خلصنا الدراسة بس باقي الاختبارات النهائية الأسبوع الجاي إن شا الله ..

    طبعن في البداااية .. لازم تعرف إنو مجرد قبولك في الـcpc يدل على إنك من أفضل الطلاب السعوديين .. وخلي في بالك إنو لو قررت إنك تدرس في الـcpc الدراسة ما حتكون سهلة إطلاقاً .. أقدر أجزم إنها أصعب مرحلة ممكن تواجهها في حياتك .. بس خلي في بالك إنها كلها سنة وحدة بس وبعدين تعيش أمير ..

    أدخل في الموضوع >> أما كل دا مقدمة ..!!

    حأوصف كل البرنامج بداية من التقديم وانتهاءً بالتخرج ..

    أول شي زيو زي أي جامعة .. التقديم يكون من النت .. فورم بسيط تعبي فيلو بياناتك الشخصية ..
    أهم الأشياء اللى في التقديم إنك حتحتاج ترفعلهم صورة من الشهادة ومن بطاقة الأحوال .. وكمان حيكتبولك كل التخصصات الموجودة ونتا ترتبها حسب الأولوية .. طبعن لازم أقل شي تختار تخصصين .. والباقي باختيارك .. بس أحب أنوه إنك لا تختار أبداً تخصص إنتا ما تبغا تدرسو .. مو لازم تعبيها كلها .. لأنو لو مثلاً درجاتك كانت تهيأك إنك تدرس هندسة كيميائية أو ميكانيكية أو أي هندسة بس إنتا حطيت في الاختيارات جيولوجيا مثلاً .. احتمال كبيييير إنهم يختارولك جيولوجيا .. فحاول إنك تختار التخصصات اللى إنتا فعلاً تحبها أو ما عندك مانع إنك تدرسها ..

    شي تاني أحب أنوه عليه .. أرامكو ما يطلبو تحصيلي .. وشروطهم كمان سهلة .. لكن المقياس الرئيسي هوا اختبارهم ..

    بعدين يحددولك موعد ومكان الاختبار .. الاختبار يسير في المدن اللى فيها مركز تدريبب تابع لأرامكو ( الظهران - الرياض - جدة - ينبع - ومدري فين كمان ..!! ) ..

    الاختبار يتكون من قسمين .. انجليزي ورياضيات .. الاختبار هوا اللى حيحدد مستواك لو انقبلت ويحدد المواد اللى تدرسها بعد قبولك .. شد حيييييلك في الاختبار .. وروح ونتا مصحصح ونشيييط ..
    طبعن الاختبار كلو اختيارات .. أتوقع 5 اختيارات لكل سؤال .. ما أفتكر عدد الأسئلة .. لكن كان مو صعب مرة .. المطلوب منك إنك تعدي المستوى التالت في الإنجليزي ..
    قسم الرياضيات ممتع جداً .. أسئلة أغلبها من تالت ثانوي ( تكامل - تفاضل - نهايات - قطوع - معادلات - … ) .. الأسئلة تحتاج تركيز .. لا تجاوب على طول .. فكر واقرا السؤال أكتر من مرة .. أغلب الأسئلة فيها لفات .. ونفس الفكرة .. 5 اختيارات لكل سؤال .. أتوقع إنو 40 سؤال رياضيات .. المطلوب منك إنك تعدي المستوى الخامس في الرياضيات ..

    بعد الاختبار يحددو موعد النتايج .. بس طبعن حط في بالك إنها تطلع بعد أسبوع من الموعد ..!! ^ــ^
    توصلك الرسالة على إيميلك ..
    الطلاب 4 أصناف في النتايج ..
    الصنف الأول : ناس يرسلولهم يقولهم إنهم مقبولين في التخصص الفلاني .. ويدوك موعد تروح توقع العقد مع الشركة ..
    الصنف التاني : ناس يقولولهم مقبولين لكن مو في التخصص المرغوب الأول ولا التاني .. وبرضو يحددولك موعد تروح تختار التخصص من جديد .. وبعض الأحيان يدقو عليك ع الجوال بدل ما يرسلولك الإيميل ..
    الصنف التالت : ناس في قائمة الانتظار .. ويدوك موعد يردو عليك فيه رد نهائي .. بس أقدر أقول إنو 99٪ إنك حتنقبل .. لأنو طلاب كتيييير يدخلو الاختبار بس كدا وينسحبو بعدين .. يعني طول بالك ..
    الصنف الرابع وهما اللى ما جابو الشروط : يرسلولك إنك ما انقبلت .. وأحياناً ( مو دايمن ) يرسلولك بعدين يقولولك تعال قبلناك .. بس احتمال ضعيف .. ودا الكلام يسير أحياناً بعد ما تبدأ الدراسة خلاص .. أو بعدها بأسبوع ..

    بعدها تروح توقع عقدك لو كنت من الصنف الأول .. ويحددولك موعد للمقابلة ..
    ولو كنت من الصنف التاني .. تروح تختار من جديد .. وبعدها بتقريبن أربعة أيام يعطوك التخصص النهائي .. بس برضو بنسبة 80٪ تقدر تغير تخصصك بعدين .. وبعدين توقع عقدك .. وبعدين المقابلة ..

    أنا عن نفسي .. كنت من الصنف التاني .. بعد ما اخترت التخصص المرة التانية ردولي إني أدرس هندسة كمبيوتر .. وبعدها بأسبوع اتصلو عليا وقالولي فيه مجال إنك تدرس هندسة كيميائية ( اللي هيا اختياري الأول ) .. ووافقت وروحت وقعت عقد جديد ..

    العقد يكون مكتوب فيلو الإدارة اللى حتشتغل فيها بعد ما ترجع .. وإدارتك هيا اللى حتدفع كل تكاليف دراستك ..

    المقابلة تكون جداً بسيطة .. أسئلة عااامة .. وما أتوقع إنهم ممكن يرفضوك بعد المقابلة .. كل الهدف من المقابلة إنهم يتأكدو إنو ما عندك مشكلة تدرس برا ..

    بعدين يحددولك موعد .. تروح تسمع محاضرة من طلاب سابقين .. مفيدة جداً ..

    بعدين يحددولك موعد تسلم فيه شهادتك ( أو صورة منها ) وصورة من الجواز وشهادات أولى وتاني ثانوي وبعدين تطلع بطاقة أرامكو وتاخد ورقة الإسكان ..

    بالنسبة للشهادة .. أغلب الطلاب يكون رسل الشهادة لأي جامعة انقبل فيها .. أرامكو تقولك مافي مشكلة .. أدينا صورة من الشهادة .. وبعد ما تبدأ الدراسة روح الجامعة وأسحب ملفك وجيبلنا الشهادة الأصلية ..

    بالنسبة للبطاقة .. للي عندو خبرة .. البطاقة زرقة .. يعني أرامكو يعتبرونا موظفين من الدرجة 3 ..

    معلومة .. دراسة أرامكو تبدأ قبل كل الجامعة ( دفعتنا بدأنا رابع يوم العيد ..!!!! ) .. وننتهي آخر ناس .. يعني لازم تكون متهيئ لدا الشي ..

    بعد ما تجي هنا الشرقية .. تستلم سكن ..

    السكن هنا عبارة عن غرفة ( سريرين ) وحمام ومطبخ .. تقدر تختار روميتك اللى تبغاه .. الغرفة في منطقة المنيرة داخل كامب أرامكو .. السكن يعتبر سيء إلى حد ما .. أقيمو 4 من 10 ..

    سلبيات السكن :
    جدران خشب مدري جبس .. شي سيء .. تسمع كل الأصوات اللى في الممر .. وشبابيك تدخل موية أحياناً مع المطر .. مع إنو الغرفة جديدة وإنتا تكون أول واحد يسكنها .. والأثاث رديء .. الممرات ضيقة جدا جداً .. الجدران مهي عازلة .. تسمع أصوات السيارات أحياناً .. تسمع اللى فوقك واللى تحتك ..! مافي نت في السكن .. يفضلو موبايلي كنكت ..

    إيجابيات السكن :
    حمام لكل غرفة .. مطبخ ( تلاجة وفرن ومغسلة ) .. قريب من مباني الدراسة ( دقيقتين بالسيارة .. وفيه باصات توديك وترجعك ) .. مواقف كبيرة ..

    المرافق الموجودة في المنيرة : ملاعب ( تنس أرضي - تنس طاولة - سلة - قدم - طائرة - بلياردو - سنوكر ) .. مركز رياضي ( جيم ) .. مطعم أرامكو ( بوفيه مفتوح بسعر جيد ) .. مغسلتين .. حلاق .. مركز بريد .. مسبح ..

    طبعن في كل عمارة فيه 4 غسالات و 4 نشافات مجاناً ..

    شي تاني .. اللبس موحد .. البنطلون من عندك .. بس التيشيرت من عندهم .. يدوك 5 تيشيرتات عليها شعار أرامكو .. لونها كحلي ( أزرق غامق ) .. ولبس الجزمة إجباري ..

    يتبع ..    ​
     
  2. HaMmOdY_13

    HaMmOdY_13 عضو

    انضم:
    ‏27 يوليو 2010
    المشاركات:
    18
    التقييمات:
    +0 / 0 / -0
    #2 HaMmOdY_13, ‏23 يونيو 2011

    طبعن الطلاب يتقسمو 4 أقسام .. حسب مستوى الإنجليزي والرياضيات :
    Ch ‫:‬ مستوى عالي في الرياضيات والإنجليزي ‫..‬
    cr : مستوى عالي في الإنجليزي ‫فقط ..‬
    ‫br : مستوى جيد في الإنجليزي ..‬
    ‫ar : مستوى متدني في الإنجليزي ..‬

    ‫كل صنف يدرس لحالو .. باستثناء طلاب الـc يدرسو مع بعض .. وفي الترم الأخير يدرسو كلهم سوا عادي ..‬

    ‫السنة في الـcpc تتكون من 3 أترام ..!‬

    ‫في أول ترمين ونص يتم تهييئك لاختبار اسمو ap .. وهوا اختبار عالمي تختبرو في الرياضيات والكيميا أو الرياضيات والفيزيا أو اقتصاد ورياضيات حسب تخصصك .. الاختبار متوسط المستوى .. لكنو أسهل بكتييييييير من أسئلة مدرسين الـcpc..‬

    ‫بالنسبة للدراسة .. جدا جدا جدا صعبة .. وكرف وضغط وإرهاق .. ومافي وقت .. يعني ترجع وعندك ستة آلاف شي تبغى تسويه .. ما تقدر تسويها كلها أحياناً ..‬

    ‫الدراسة تبدأ من 7 ونص صباحاً لكل الطلاب .. النهاية تختلف من طالب لطالب حسب تخصصك ومستواك .. في الترم الأول كانو كل الطلاب عندهم يوم على الأقل يخلصو الساعة 5 العصر .. وتقل تدريجياً إلين الترم الاخير تخلص كل يوم 3 العصر ..‬

    ‫ترتيب الحصص .. حصة .. بريك 10 دقايق .. حصة .. بريك نص ساعة .. حصة .. بريك 10 دقايق .. حصة .. بريك الغدا ( 80 دقيقة ) .. حصة .. بريك 10 دقايق .. حصة .. بريك العصر ( 20 دقيقة ) .. حصة .. بريك 10 دقايق .. حصة .. ‬
    ‫طبعن دا لو كنت تخرج الساعة 5 .. بس لو بدري عد كم حصة .. كل الحصص تبدأ في نفس الوقت وتنتهي في نفس الوقت ..‬

    ‫في كل ترم .. عندك حد أقصى للغيابات .. في الترم الأول 24 .. والتاني 24 .. والتالت 30 ..‬

    ‫الترم التالت أطول ترم ( 4 شهور وزيادة ) ..!‬
    ‫ينقسم الترم التالت قسمين .. قبل اختبار الـap .. وبعد الاختبار .. طبعن بعد الاختبار يتغير الجدول ..‬

    ‫لما تستلم الجدول .. كل حصة في فصل مختلف .. يعني تتنقل زي الجامعة .. وطلاب مختلفين أحياناً ..‬

    ‫المدرسين محترفين .. أغلبهم دكاترة .. مستوا تعليمي عالي جداً .. أسئلة اختبارات بنت حرام .. صعبة جدا جدا جدا .. الفل مارك مستحييييييلة .. حتتعود على الرسوب ( أقل من 50 ) .. بس شد حيلك ..‬

    ‫المدرسين مشددين جدا على مسألة الوقت .. تتأخر 15 ثانية تحسب غايب وما تدخل الفصل .. بس بعضهم ( قليييل جدا ) يتساهل شويتين ..‬

    ‫في سناك بار ( مقصف ) جنب مبنى الدراسة .. جيد .. بس زححححمة وقت الفطور .. افطر بدري عشان تفطر على رواقة ..‬

    ‫أرامكو توفرلك كل اللى تحتاجو للجامعة .. اختبار sat ( زي اختبار القدرات عندنا ) .. واختبارات التوفل والآيلتس .. وكلها في نفس المبنى .. يجيبو الفريق كامل يختبرك في نفس المبنى .. الفلوووس تسوي كل شي ..‬

    ‫بعض الاحيان تجبر إنك تداوم يوم الخميس .. سواء اختبار أو تقوية ( إجباري ) ..‬

    ‫طول فترة الدراسة .. معدلك لازم ما يقل عن 2.5 من 4 ..‬

    ‫على مر الدهور والعصور والأزمان .. مافي أحد وصل 3.9 .. ‬

    ‫أرامكو عندها قائمة معينة للجامعات حسب التخصص .. ولما يجي وقت التقديم ع الجامعات .. تختار 5 جامعات من القائمة .. وتقدم عليها .. تدفع الفلوس من عندك وبعدين يرجعولك هيا .. ولما يجيك القبول تقولهم فين تبغا تروح وهما يتفاهمو مع الجامعة ..‬

    ‫لما تكون هنا في الظهران تستلم 3000 ريال شهريا ( بالتقويم الميلادي ) .. تكفي وزيادة ..‬

    ‫وبعدين تزيد كل سنة إلين توصل آخر سنة 4500 راتب أساسي مع بدل دراسة خارج الممملكة .. يوصل راتبك 9000 ريال في آخر سنة ..‬

    ‫لما تجي تروح الجامعة .. يدوك فلوس تشتري لابتوب .. وكل ترم يدوك فلوس تشتري كتب .. ويدوك زيادة لما تطلع الدرجات حسب معدلك .. ‬

    الشركة توفرلك رحلات مجانية لجدة على طياراتها .. وكمان تخفيض 50٪ على طيارات الخطوط زي المدارس والجامعات .

    المدرسين أمريكان وبريطانيين وفلبينيين وأردنيين وسوريين ولبنانيين .. الدراسة كلها بالإنجليزي ..

    كل أسبوع تنزل المختبر .. تسوي تجارب وبعدين تكتب تقرير عن التجربة ..

    بعض المدرسين فلة .. وبعضهم بييييض .. وبعضهم بس حق دراسة .. وبعضهم أنجااااس .. ولازم تعرف تتعامل مع كل نوع ..

    لو قدر الله وانقبلت .. خلي في بالك إنو حتجي إجازات طلاب المدارس والجامعات ونتا عندك دراسة ..

    إجازات أرامكو قليييييييييييييييلة ..

    لو نزل معدلك عن المطلوب تاخد تنبيه .. ولو أتكرر تنطرد ..

    لو انسحبت من البرنامج ( فيه فرق بين الانسحاب والطرد ) ما تقدر ترجع للشركة إطلاقاً .. حتى لو درست وخلصت ما تقدر تقدم على الشركة ..

    أغلبنا كان الأفضل في مدرستو .. لكن الوضع هنا مختلف تماماً .. حتشوف نفسك بين دوافيييييييير .. ناس ما ترحم ..

    أخيرن .. للي محتار بين أرامكو وسابك .. حأقولكم بعض الفروقات الى أعرفها من طلاب قدي في بعثة سابك أعرفهم معرفة شخصية ..

    البرنامج التحضيري لسابك في أمريكا .. بس إنجليزي ..
    البرنامج التحضيري لأرامكو في الظهران .. دراسة كاااملة ( إنجليزي رياضيات كيميا و فيزيا وكمبيوتر وبدنية وبرمجة وبحث و… ) ..

    أرامكو تهتم بيك لدرجة إنك لو ما عديت اختبار عالمي يعيدوه ليك إلين تعديه على حسابهم ..
    سابك يرسلو للطلاب رسالة ع الإيميل ( يفضل إنك تختبر الاختبار الفلاني عشانو مطلوب في الجامعات ) وعلى حسابك .!!

    أرامكو تحسبها ليك سنوات خدمة ..
    سابك ما تحسبها خدمة .. ( معلومة أكيدة ومضمونة و موثوقة جداً ) ..

    أرامكو توفرلك خدمات حتى وإنتا في أمريكا .. من ضمنها إنها توفرلك اتصالاتك للسعودية مجاناً ..
    سابك .. مع نفسك ..

    أرامكو أكبر شركة بترول في العالم ..
    سابك .. طوووووط ..

    وقت التسجيل .. سابك عندهم سؤال في الفورم حق التقديم ( هل أحد أقاربك يشتغل في سابك ؟؟ ) .. يلعن أم الواسطاات ..

    أعرف طلاب طلعو مع سابك بدون اختبار ولا مقابلة ولا أي شي .. كلو واسطاااات ..

    أرامكو توفرلك اختبار الـ ap اللي يخليك تجتاز أول مستويين في الكيميا والفيزيا والرياضيات حسب درجتك ..!

    وبالنسبة لبعض الناس اللى يقولك مكافأة التقاعد في سابك أعلى .. أقولو حبيبي .. في أرامكو .. شي بديهي إنو راتبك أعلى من 30 ألف بحكم إنك مهندس .. وفي سابك .. سلملي على سلم الرواتب ..

    من وجهة نظري .. مافي مقارنة ..

    وبالنسبة لقائمة الجامعات .. من أقوى جامعات العالم ..

    على فكرة .. إدارة الطيران تجيك في نص السنة تقدم عروض لبعض الطلاب إنهم يدرسو تخصصهم مع دراسة الطيران .. ويرجع طيار ومهندس .. أم الفلة ..

    دا اللى عندي .. ومعليش لو نسيت شي ..
    وأستقبل استفساراتكم بكل أريحية ..
    ومعليش ع الإطالة ..
    وشكراً ..
    ​
     
  3. روح إنسان

    روح إنسان ~ وَمضَة أمَل ~

    انضم:
    ‏30 ديسمبر 2008
    المشاركات:
    4,865
    الوظيفة:
    Student
    الإقامة:
    KFUPM
    التقييمات:
    +28 / 0 / -0
    #3 روح إنسان, ‏23 يونيو 2011
    يعطيك العافيه يالغالي ما قصرت وان شاء الله يستفيدون الإخوان :)

    بس اقتراح إذا ماعليك أمر..

    لو تغير لون وتكبر الخط يكون أفضل :)
     
  4. HaMmOdY_13

    HaMmOdY_13 عضو

    انضم:
    ‏27 يوليو 2010
    المشاركات:
    18
    التقييمات:
    +0 / 0 / -0
    #4 HaMmOdY_13, ‏23 يونيو 2011
    تم .. الله يعافيك .. :good:
     
  5. فتى قادم

    فتى قادم عضو

    انضم:
    ‏7 يونيو 2011
    المشاركات:
    53
    التقييمات:
    +0 / 0 / -0
    #5 فتى قادم, ‏23 يونيو 2011
    شرررح واافي وكااافي يعطيك العافية ع الجهد المبذوول^_^تحيااتي
     
  6. HaMmOdY_13

    HaMmOdY_13 عضو

    انضم:
    ‏27 يوليو 2010
    المشاركات:
    18
    التقييمات:
    +0 / 0 / -0
    #6 HaMmOdY_13, ‏23 يونيو 2011
    هلا حياك الله ..
    الله يعافيك ..
     
  7. يحيى ~

    يحيى ~ * The Genius * سابقاً

    انضم:
    ‏9 مارس 2009
    المشاركات:
    8,797
    التخصص:
    هندسة ميكانيكية
    الجامعة:
    جامعة الملك فهد للبترول والمعادن
    سنة التخرج:
    2013
    الوظيفة:
    مهندس ميكانيكي
    الإقامة:
    نجران
    التقييمات:
    +90 / 0 / -3
    #7 يحيى ~, ‏23 يونيو 2011
    رجعتني سنين ورى ~

    مشكووور يالغلا ، :)
     
  8. ابو عسل

    ابو عسل عضو

    انضم:
    ‏29 أكتوبر 2010
    المشاركات:
    30
    التقييمات:
    +0 / 0 / -0
    #8 ابو عسل, ‏23 يونيو 2011
    الله يعطيك العافية

    طيب اخوي عندي كم سؤال اذا ماعليك امـر [ياليت تجاوب كلن على حدا]

    س/بما انك خلصت التحضيرية وين وجهتك بإذن الله ؟

    س2/تكلمت عن اختبار الرياضيات انه سهل واكثره من ثالث ..بس ماتكلمت عن الأنجلش كيف اختبار ..الإسئلة من مناهج الثانوي ..ولا على لغتي بشكل عام ..وماهي المتطلبات لكي اجتازة بتقدم ؟

    س3/مافهمت نقطة [مهندس طيار ] ياليت لو تشرحها بشكل مفهوم ؟

    س4/ماهي الطريقة لكي ادرس تخصصي الذي ارغبه؟

    س5/ وبشكل عام اي افضل ابتعاث الملك ولا ابتعاث ارامكو <من ناحية المستقبل ؟ وجميع النواحي ايضا ؟
     
  9. iAhmed015

    iAhmed015 عضو

    انضم:
    ‏11 مايو 2010
    المشاركات:
    399
    الوظيفة:
    FRESHMAN
    الإقامة:
    مابيّن الشَرق وَ الغَرْب !
    التقييمات:
    +13 / 0 / -1
    #9 iAhmed015, ‏23 يونيو 2011
    الحقّيقه ماكملت قرآءة الموضوع ، بس انت تحفّز الطلآب عن الابتعاد عن جآمعتنا =@
    و ويّن بـ موقع طلاب الجامعه !! =@
    يعني " ايششش اللّي " ؟؟!؟؟



    <~ هههههههههّ :$
    امزّح طآل عمرك ، يعطيكّ العافيه و ماقصرت (f)
     
  10. HaMmOdY_13

    HaMmOdY_13 عضو

    انضم:
    ‏27 يوليو 2010
    المشاركات:
    18
    التقييمات:
    +0 / 0 / -0
    #10 HaMmOdY_13, ‏24 يونيو 2011
    الله يعافيك حبيبي .. وأبشر ..

    س1/ رايح أمريكا إن شا الله في university of north dakota ..

    س2/ الانجلش يعتمد على لغتك بشكل عام .. بس أقول كتب الثانوي تساعدك في موضوع الجرامر ..

    س3/ شي نادراً يحصل .. لكن صعب القبول فيه وعليه اختبارات جداً صعبة .. لكن لو حالفك الحظ ( زي حالتي ) وجاك العرض .. أتوقع إنو جداً كويس .. تدرس طيران وتدرس هندسة .. 5 سنوات .. بعدين ترجع تشتغل طيار في أأرامكو ..

    س4/ حاول ما تختار أكتر من تخصصين في الموقع وقت التقديم .. وحاول تبدع في الاختبار ..

    س5/ ابتعاث الملك أفضل من ناحية الطب لأنو أرامكو ما عندهم طب .. لكن لو هندسة أو بزنس فمافي مقارنة .. أرامكو تضمنلك الوظيفة ..
     
  11. ابو عسل

    ابو عسل عضو

    انضم:
    ‏29 أكتوبر 2010
    المشاركات:
    30
    التقييمات:
    +0 / 0 / -0
    #11 ابو عسل, ‏24 يونيو 2011
    الدفعه الثانية من الأسئلة <راح اتعبك :)

    س1/تقول انه صعب القبول طيار مهندس <من اي ناحية صعب ؟ولو صرت طيار مهندس كم يكون الراتب بالتقريب ؟

    س2/انا قصدي بإبتعاث الملك [هندسة بمرحلة البكاليورس] انت تقول مافيه مو صح ...الا فيه عملها اكثر من مبتعث وراح اشرح لك كيف عملوها ...بس ابي اي افضل من ناحية البعثة [هندسة]ارامكو ولا الملك ؟

    س4/لو طالب معتمد على الملخصات والتحاديد بالثانوي هل يمشي بدارسة أرامكو.؟؟.طبعا مع اجتياز اختبارهم من قبل حق القبول ؟

    س5/ هل يدرسوني من جديد من ناحية الرياضيات والإنجلش والكيمياء والفيزياء ؟<مثل اغلب الجامعات ؟
     
  12. فالح الهاجري

    فالح الهاجري المدير السابق لمنتديات stKFUPM

    انضم:
    ‏25 أغسطس 2008
    المشاركات:
    5,074
    التخصص:
    Chemical Engineering
    الجامعة:
    KFUPM
    سنة التخرج:
    2016
    الوظيفة:
    Production Eng. SABIC
    الإقامة:
    Dammam
    التقييمات:
    +377 / 0 / -8
    #12 فالح الهاجري, ‏24 يونيو 2011
    يعطيكْ آلعآفية [ HaMmOdY_13 ] :قلب:

    تمّ التقييم :وردة::قلب:
     
  13. انتراوي

    انتراوي عضو

    انضم:
    ‏18 يونيو 2008
    المشاركات:
    2,171
    التقييمات:
    +0 / 0 / -0
    #13 انتراوي, ‏24 يونيو 2011
    كله كوم ولهجتك كوم ثاني

    لبى قلبك بس:khotrah::قلب:
     
  14. HaMmOdY_13

    HaMmOdY_13 عضو

    انضم:
    ‏27 يوليو 2010
    المشاركات:
    18
    التقييمات:
    +0 / 0 / -0
    #14 HaMmOdY_13, ‏24 يونيو 2011
    س1/ لازم ما تكون عندك إدارة .. ولازم تعدي مقابلة .. وتعدي اختبار جدا جدا جدا صعب .. لدرجة إنو 800 طيار من الخطوط السعودية ما عدوه ..!!

    س2/ أنا ما قلت إنو مافي بعثة الملك للهندسة .. كل اللى قلتو إنو مافي مقارنة بينهم .. أرامكو أفضل بالتأكيد .. أهم شي ضمان الوظيفة .. وتروح وعندك خبرة وااسعة عن الدولة اللي رايحلها وعن الدراسة وعن التخصص .. وكمان الراتب يزيد كل سنة ..

    س4/ الدراسة هنا مختلفة .. يعني أنسى إنو في الاختبار يجيك سؤال ( عدد ) ولا ( عرف ) .. كلها أسئلة فهم .. وأسئلة جدا صعبة .. يعني الوضع مختلف .. تحتاج ممكن نص ساعة للقراية بس .. وساعات تدريب وحل مسائل ..

    س5/ مو كل شي من جديد .. لكن أغلب الأشياء موسعة .. يعني تعيدها بتوسع ..
     
  15. ابو عسل

    ابو عسل عضو

    انضم:
    ‏29 أكتوبر 2010
    المشاركات:
    30
    التقييمات:
    +0 / 0 / -0
    #15 ابو عسل, ‏24 يونيو 2011
    يعطيك العافية اخوي

    بس ماوضحت لك سؤالي .,مو قصدي الإسئلة عرف او عدد

    س1/ مثلا طالب معتمد على التحاديد والملخصات بالثانوي هل يمشي بأرامكو من ناحية الرياضيات والفيزياء والخ ؟؟
     
  16. HaMmOdY_13

    HaMmOdY_13 عضو

    انضم:
    ‏27 يوليو 2010
    المشاركات:
    18
    التقييمات:
    +0 / 0 / -0
    #16 HaMmOdY_13, ‏24 يونيو 2011
    مالها دخل .. كل المهم إنك تفهم بسرعة ..

    أحياناً تدخل الاختبار بدون ما تفتح الكتاب ..

    بس عموماً .. حتى إحنا هنا عندنا ملخصات .. بس تفهمك الفكرة الأساسية .. يعني حتى لو حفظتها كاملة .. ممكن حتى ما تجيب 50 في الاختبار بدون مبالغة .. وحصلت معايا ..!
     
  17. INTELLIGENT

    INTELLIGENT عضو

    انضم:
    ‏11 يوليو 2008
    المشاركات:
    61
    التقييمات:
    +0 / 0 / -0
    #17 INTELLIGENT, ‏26 يونيو 2011
    اشكرك اخي الكريم Hammody-13 ولكن دعني اصحح معلوماتك عن برنامج سابك للابتعاث. اولا، المعلومات التي ذكرتها عن السنه التحضيريه قديمه لان السنه التحضيريه في سابك ومنذ سنتين تشمل الانجليزيه والرياضيات والفيزياء والكيمياء بالاضافه الى كورسات في اداره الوقت ومهارات التفكير. ثانيا، سابك تتكفل بجميع التكاليف المترتبه علي تقديمك للجامعات والاختبارات المطلوبه يعني تدفع من عندك وبعدين يعوضونك كامل المبلغ ولكن بالنسبه لاختبار التوفل فيتم تعويضك عن اول ثلاث محاولات فقط بعد ذلك لن يتم تعويضك عن رسوم الاختبار. ثالثا، بالنسبه للواسطات فهي موجوده في كل مكان وهناك طالبان فقط من 100 طالب الذين دخلوا في البرنامج بالواسطه في دفعه 2008 ( اللي هي دفعتي) غير ذلك هناك سياسه لدى سابك وهي ان يخصص 25٪ من الفرص المتاحه للابتعاث لابناء موظفي سابك تقديرا لهم ولاحظ ان هذه النسبه سيتم فيها تنافس يعني ال 25٪ هؤلاء كلهم ذو نسب ودرجات عاليه وليس كما يعتقد البعض الا انهم لهم مقياس اخر يختلف عن مقياس ال 75٪ الاخرون علما باني اعرف الكثير وانا واحد منهم في برنامج سابك وليس لنا اي صله بمن يعملون في سابك.
    اشكرك مره اخرى على طرحك وارجو انك تتقبل ملاحظاتي بصدر رحب .. ولو انك متحيز لارامكو :)
     
  18. HaMmOdY_13

    HaMmOdY_13 عضو

    انضم:
    ‏27 يوليو 2010
    المشاركات:
    18
    التقييمات:
    +0 / 0 / -0
    #18 HaMmOdY_13, ‏26 يونيو 2011
    العفو حبيبي ..

    لكن بالنسبة للسنة التحضيرية .. أتكلم عن دفعة 2010-2011 .. ما يدرسو غير الإنجليزي .. أعرف 6 طلاب في جامعات مختلفة ..

    وبالنسبة للـ25٪ .. هل التفضيل بينهم بالدرجات ..؟!!!!!!!! ما أتوقع ..!

    وبالنسبة للاختبارات .. اختبار SAT مطلوب في كل الجامعات .. طلاب دفعة 2010-2011 قالولهم تختبرو على حسابكم ..
    عموماً .. كلنا في النهاية رايحين نرجع ونشتغل هنا للسعودية .. :good:
     
  19. INTELLIGENT

    INTELLIGENT عضو

    انضم:
    ‏11 يوليو 2008
    المشاركات:
    61
    التقييمات:
    +0 / 0 / -0
    #19 INTELLIGENT, ‏27 يونيو 2011
    اتوقع ان هناك غلط في الموضوع .. دفعه ٢٠٠٨ و ٢٠٠٩ و ٢٠١٠ كلهم مروا بالسنه التحضيريه الشامله للغه الانجليزيه اضافه الي العلوم الاساسيه وانا متاكد ١٠٠٪ من كلامي وانا اتكلم عن الدفعات اللي في امريكا فقط لانه ليس لدي علم عن اللي في بريطانيا وكندا. وبالنسبه لل ٢٥٪ فهي مضمونه لاولاد موظفي سابك وانا اعرف بعضهم ومستواهم ممتاز جدا. عموما، لا يهمني كيف تم اختيارهم لانهم في النهايه ابناء الموظفين . اللي يهمني ال ٧٥٪ فقد تم اختيارهم بناءا على مستواهم بعيدا عن الواسطه وغيرها. انا ما ادافع عنهم ولكن الحق ينقال. اما بالنسبه للاختبارات، فهذا كلام جديد ولم يمر علي عندما كنت في السنه التحضيريه قبل سنتين، ربما تغير الوضع الان ولكن تصحيحا لمعلوماتك اختبار sat ليس مطلوب في جميع الجامعات. مره اخرى، اتمنى ان تتقبل ملاحظاتي بصدر رحب :)
     
  20. نقطة

    نقطة عضو

    انضم:
    ‏18 يونيو 2007
    المشاركات:
    424
    التقييمات:
    +12 / 0 / -0
    #20 نقطة, ‏28 يونيو 2011
    ^^
    اترككم من هالسواليف ياخوان

    كلأ الشركتيـن لها مزاياها المختلفة !

    أتمنى ماتطلعون من الموضوع اللي كل واحد يتفآخر بشركته !!!!

    بالتوفيق للجميع
     
(يجب عليك تسجيل الدخول أو التسجيل لتتمكن من المشاركة.)
الصفحة 1 من 2
جاري تحميل الصفحة...
مواضيع شبيهة - كل ما تريد معرفته عن برنامج الابتعاث الخارجي أرامكو السعودية cpc cpp cdpne
  1. HaMmOdY_13

    هنا .. استفساراتكم حول برنامج الابتعاث الخارجي - cpc ..

    HaMmOdY_13, ‏25 يونيو 2011, في منتدى: الطريق إلى جامعة الملك فهد للبترول والمعادن
    الردود:
    263
    المشاهدات:
    41,935
    Bin Saeed
    ‏27 يونيو 2012
  2. CODEX

    كل ما تريد معرفته عن برنامج وسام الأهلي، بالتفصيل الممل

    CODEX, ‏27 أكتوبر 2017, في منتدى: ساحة الخريجين
    الردود:
    10
    المشاهدات:
    17,560
    شدعوه
    ‏26 فبراير 2018
  3. شدعوه

    إعلان : برنامج الابتعاث الجامعي cdpne - أرامكو

    شدعوه, ‏22 فبراير 2016, في منتدى: الطريق إلى جامعة الملك فهد للبترول والمعادن
    الردود:
    2
    المشاهدات:
    3,393
    شدعوه
    ‏3 مارس 2016
  4. Dior

    برنامج الابتعاث الجامعي لحديثي التخرج من الثانوية (cdpne) لعام 2009

    Dior, ‏6 يوليو 2009, في منتدى: الطريق إلى جامعة الملك فهد للبترول والمعادن
    الردود:
    29
    المشاهدات:
    3,475
    KFuPM PRinCe
    ‏9 يوليو 2009
  5. ah2040123

    نتائج ارامكو cdpne (الابتعاث الخارجي)

    ah2040123, ‏17 يوليو 2008, في منتدى: الطريق إلى جامعة الملك فهد للبترول والمعادن
    الردود:
    8
    المشاهدات:
    3,612
    صدى المشاعر
    ‏19 يوليو 2008
  6. أبو خلدون 3

    كل ما تريد معرفته عن اختبار الـ PE الخاص بالمهندسين

    أبو خلدون 3, ‏4 فبراير 2021, في منتدى: ساحة الخريجين
    الردود:
    21
    المشاهدات:
    19,020
    Exelence
    ‏23 مايو 2022
  7. قنديد

    تخصص EE في أرامكو CPP

    قنديد, ‏24 يوليو 2020, في منتدى: الهندسة الكهربائية
    الردود:
    0
    المشاهدات:
    2,557
    قنديد
    ‏24 يوليو 2020
  8. Split

    برنامج الابتعاث الجامعي لارامكو 2018 (cpc)

    Split, ‏1 ابريل 2018, في منتدى: الطريق إلى جامعة الملك فهد للبترول والمعادن
    الردود:
    12
    المشاهدات:
    29,598
    Saleh alkharboush
    ‏20 مايو 2018
  9. أبو خلدون 3

    كل ما تريد معرفته عن اختبار ال FE الخاص بالمهندسين

    أبو خلدون 3, ‏7 مارس 2018, في منتدى: ساحة الخريجين
    الردود:
    94
    المشاهدات:
    172,587
    AboFordan2004
    ‏7 ديسمبر 2023
  10. The Impossible

    كل ماتريد معرفته عن برنامج رواد الأهلي و برنامج وسام الاهلي

    The Impossible, ‏16 ابريل 2017, في منتدى: ساحة الخريجين
    الردود:
    151
    المشاهدات:
    99,258
    Nay
    ‏26 يناير 2020

مشاركة هذه الصفحة