كم المعدل المطلوب مني للتحويل للهندسة

والله ماعندي علم أخـوي أتوقع كل قسم يختلف متطلباته عن غيره .

يعني أنا الي اعرفه هو كليات الادارة بس , المحاسبة يحتاج فوق 2 والمالية 2.5 والادارة+التسويق من غير أي متطلبات لأنه بنظر مدير القسم أنه من حق الطالب يغير تخصصه من غير شروط.

فكـر عدل أخـوي قبل تحول للهندسة , ترى كلية الادارة فيها خيارات كثيرة وحلوة , انا أنصحك بقوة قبل تحول التحويل الثاني انك تقرأ في كل تخصصات الادارة وتشوف قدراتك وبعدها استخير وحوّل . لأن التحويل بعد هالمرة لازم إذن من وكيل الجامعة! شي مو سهل يعني

أنا كنت علوم اكتوارية مثلك وشفت ان وضعهم سيء جداً وادارتهم سيئة ومصعبين الموضوع فوق ماهو لازم وطلعت منهم لكلية الادارة , يعاملونك كـ بشر! مو كـ human machine.

موفق واعذرني ما جاوبت على سؤالك بالتحديد بس حبيت اقولك الكلام الي فوق

 

والله يا الأخو ما أعرف كم المطلوب بالضبط ،،، لكن إلي أعرفه أن هندسة البترول التحويل لهم مجنون
+
أنا مع الأخ سنكرس قلبا ً وقالبا ً

تخصصات الإدارة فيها خيارات ممتازة + دراسة سهلة نسبيا ً أو على الأقل أسهل من الهندسة
وبالنهاية أنت اقرأ عن الكل والخيار لك

ومعليش شطحت عن الموضوع وإن شاء الله يجي أحد يجاوبك

بالتوفيق

 

اللي اعرفه انو لازم معدلك التراكمي يكون 2.5 او اكثر واذا كان حولها روح لرئيس القسم ومعاك الترانسكربت واقنعه وممكن يوافق
بس المهم انك تحاول ترفعه قبل ماتروح له

 

بالعادة تكون 2 او 2.5

انصحك اخوي تروح للقسم الي ناوي تحول له وتسأل عن التخصص من دكتور بالقسم
وتاخذ فكرة عنه قبل تحول

واضح انك ما تدري وش تبي

 

الهندسة الصناعية .. معدل فوق الــ 2

 

سلام عليكم ,,

اعتذر عن اخوي صاحب الموضوع ماعندي أي معلومة أخدمه فيها , بس شدني صراحة موضوع العلوم الاكتوارية لأني "اوريا" وناوي عليه.. . وشفت اخوي سنيكرز و كذلك صاحب الموضوع .. فـ اذا تكرمتوا :$ تقولون لي ايش وضعكم مع هالتخصص بالضبط وليش موب مرتاحين؟

 

^^^

التخصص جديد ومحد كمل فيه للحين

لكن كعلم تقدر تقرا عنه طبعا ، بالتوفيق

 

هلا فيك أخـوي, أنا طلعت من العلوم الإكتوارية لأني شفت إن قسم الماث شايف الناس كلها كمبيوترات ما يدري ان البشر يخطي ويصيب. يبغون إنسان كمبيوتر ما يخطي وطول وقته يذاكر لا يصلّي ولا ينام ولا ياكل . وفوق هذا مصعبين التخصص والأساتذة مو متساهلين أبداً. إذا حاب تدرس علوم إكتوارية , إدرسها برا جامعة البترول , لكن مو بهالجامعة.

وإعتذاراتي لصاحب الموضوع