كم لازم يكون راتبك عشان تنقل الرياض

وعليكم السلام ورحمة الله وبركاته

الايجارات في شمال الرياض سلخ ، نتكلم حول 40 - 50 الف في السنة على شقة 3 غرف او حتى غرفتين. واذا رحت شرق تقل بشكل كبير وممكن توصل ل22 في بعض الاحياء مثل الرمال. اغلب الناس يسكنو بعيد ومشوار 45 دقيقة بين البيت والدوام يعتبر طبيعي في الرياض. شقق العزاب عموما اغلى بفرق واضح من العوائل وهذا عامل تحطه في الحسبان، وتلاقي كثير شباب يتشاركو شقة عوائل بس يكونو محترمين نفسهم على الاخر. وخلي زميلك يحط في باله ان باقي جوانب المعيشة اغلى في الرياض، المطاعم مثلا اعمل حسابك زيادة 30% عن الاسعار اللي تعرفها في الشرقية تقريبا، ويفضل تطبخ اكلك بنفسك لو تبغى توفر.

 

الحياة في الشرقية ماعدا الجبيل ارخص وافضل بكثير الرياض نار
وانا اتكلم عن نفسي دامي مغترب في كل الحالات استغل الموقف واتمنى العمل ريموت منها كل شي جاهز بالريموت واعلى
لكن 25% زيادة منطقية اذا الشركة فيها تطور او اذا يحب الرياض وفعاليات وترفيه الرياض افضل طبعا

 

وعليكم السلام ورحمة الله وبركاته
مثل ما فادوك الشباب بالأعلى في عدة عوامل لازم تاخذها بالحسبان، وبرضو ركز على بيئة العمل والمرونة لأنها حتفرق معاك في المكان الا حتروح فيه لأنو ممكن تلاقي عمل براتب مغري ولكن مديرك أو البيئة غير صحية. عموما انا عن نفسي لما نقلت من عملي السابق للعمل الحالي (كلها في الرياض) طلبت ٣٠٪؜ زيادة (مع الأخذ في الاعتبار راتبك الحالي)

 

النقل للرياض على زياده 25% ماتسوى كلها بتروح ايجار + تعب المشوار والزحمه ماتتقارن بالشرقيه الا في حاله شخص يبي يطلع عشان بيئه العمل الحاليه اما كراتب ماتسوى ابد.

بالتوفيق

 

على حسب رابتك نقدر نحدد ونقولك ينفع او ماينفع
25% زيادة على الراتب ترى تشمل التالي:
- زيادة في البيسك
- زيادة في بدل السكن
- زيادة في بدل النقل

الأمر الآخر حسب مجال عملك والجهة الي انت بتعمل فيها وعدد الموظفين ومجالها، هل فيه تطور وظيفي هل فيه نظام موارد بشرية واضح يبين انت متى تترقى كم العلاوة السنوية كم البونص السنوي.

أنا في رأيي ضع معايير لدراسة النقل، وخل الراتب جزء منها وبنفس الوقت لاتهمل الجوانب الأخرى الي ذكرتها فوق ولعلك تزيد بنقاط أخرى من عندك.
فالك التوفيق