كم متوسط رواتب المهندسين فالسعوديه ؟ و كم شطحه أخرى ...

.
.

و الله يآ آخي ما في ميزان يضبط أو يحدد لك رينج الرواتب

أعطيك مثأل

سابك تعطي للفريش صاحب معدل 2.5 رآتب أساسي قدرهـ 8800 ريال

شيفرون السعودية تعطي للفريش راتب أساسي 10500 ريال

كم الفرق .. ؟ 1700 ريال


طيب .. تعال نشوف شغلة مهمه

سآبك عندهآ برنامج pdp
و عندهآ بآب الكورسات الداخلية شبه مفتوح ع مصراعيه
و التريننق .. في الشركة ممتاز

شيفرون السعودية
لآ يوجد شيء آسمه تدريب و تطوير !!
فقط تدريب داخل الشركة مع الانجنير الخبرة


الآن هل الفرق 1700 ريال
يعتبر مجزي آنك تترك عرض سابك و تروح شيفرون ؟

اللي ما عنده تخطيط و هدف .. و همه الدراهم
بيروح شيفرون .. و عظم الله أجره في مستقبله المهني
لآنه تدبس في شركة ما تطورهـ و بالتالي راح تصعب عليه
فرص تنقله من شركة لآخرى


مثآل آخر

سابك و أرامكو

أرامكو تعطي راتب 9800 ريال للي معدله 3 و تحت

سابك 8800 - 9300 ريال من 2.5 حتى 3 بوينت سمثنق

كلا الشركتين برامجهم التدريبية و التطويرية ممتازة


كم الفرق بين الشركتين ؟ 700 ريال - 1000 ريال

أي الشركتين ستختار ؟
أرامكو لآنها أعلى ؟

تعال نشوف

الدوام في
أرامكو .. مجهد و كرف
سابك .. أريحية

الآجازات في
أرامكو .. لازم تحددها و ترسل للمسؤول عنك و يا يوافق يا يرفض
سابك .. رح الله معك

المميزات المالية في
أرامكو .. 3 رواتب بدل سكن + 2 بونص
سابك 3 رواتب بدل سكن + 3 بونص غالبآ

تأمين طبي
أرامكو .. محدود بـ مستشفى معين
سابك .. بطاقة تأمين طبي .. وين ما تروح تلاقي مستشفى أو مستوصف يعالجك



خلآصة القول

الفرق في الرواتب في بداية الوظيفة
ليس كبيرآ .. و لآ يستاهل آنك تطرد ورآ 1000 ريال
مقابل شغلآت آخرى قد تسبب لك قروشة كبيرة
آنت في غنى عنها كمثال الآجازات المذكور أعلآهـ
أو التدريب و التطوير المذكور أعلآهـ

بآختصار رينج الرواتب 8000 - 10000 ريال
و الآفريج هو 9000 ريال رآتب أساسي

حوله و حوااااااليه .. آقبل و الله يوفقك و يسهل دربك



.
.

 

شكرا للمعلومات المفيده.

 

الى الاخ كروكليوم

كلامك فيه نوع من الخطأ حيث انك حللت العروض بشكل سطحي دون التعمق في المميزات

في بعض الاشياء لاتستطيع معرفتها الا بعد بتجربتها

حكمت على ارامكو وكانها اي قسم تروحه راح تلقى نفس المميزات بينما الواقع شي ثاني
حيث في بعض المناطق ممكن تحصل دبل راتب سابك ولكن تعمل بمناطق نائيه
الكل متصور ارامكو انها كرف والواقع يقول على حسب المكان والاغلب انك مريح والشغل يادوب تحصله

في النهايه كل واحد ونظرته و هدفه

اذا السالفه ارامكو و سابك تراهم خوات

واذا المساله فلوس وتطوير فانا اشوف شلمبر ات ذا توب

واذا مابعد التقاعد فارامكو ات ذا توب (حاليا)

بخصوص العلاج في مساله قليل يحسب ليها وهي كم مدة استحمال الشركة للعلاج
مثلا واحد والده موجود بالعنايه المركزه 20 سنه بمستشفى ارامكو ولا قالوا له شي
ممكن هالشي مو موجود في بعض التامينات

لمعلوماتكم انا لا اسوق للشركة ولكن اوضح بعض المميزات لاني احد موظفيها

والسلام

 

أتوقع أن متوسط رواتب المهندسين السعوديين الجدد من 9 آلاف إلى 10 آلاف ريال سعودي .. طبعا فيه شركات تعطي أعلى و شركات تعطي أقل بكثير من هالمستوى .. لكن حنا نتكلم عن متوسط رواتب المهندسين الجدد بشكل عام .

 

مشكورين يا شباب على المعلومات والمقارنات

بالنسبة لشركة أميانتيت

الراتب الأساسي للمهندس الفريش فهو ٧٤٠٠ شهريا

بالإضافة إلى بدل نقل شهري ١٠٠٠ فيصبح ٨٤٠٠ شهريا

بالإضافة إلى بدل سكن سنوي = ٤ رواتب

إذا الراتب السنوي = (٨٤٠٠ * ١٢ شهر ) + بدل السكن ( ٧٤٠٠ * ٤) = ١٣٠٤٠٠ ريال في السنة

وهذا يكون في جميع شركات ومصانع أميانتيت في السعودية

* يدخل المهندس الفريش على قريد ( ٩ )

* الانتقال من قريد إلى الذي يليه ( حاليا ) صعب جداً ممكن بعد ثلاث سنوات ممكن خمس ممكن أكثر !

* يوجد بونص سنوي يعتمد على تقييم الرئيس لك

* البونص عبارة عن زيادة في الراتب

مثال : لو كان الليمت لقريد ٩ يبدأ من ٨٤٠٠ ريال إلى ١٠٠٠٠ وبعدها يبدأ قريد ١٠

يكون البونص السنوي ٥٠٠ ريال لمن يأخذ تقييم ممتاز و٤٠٠ لمن يأخذ جيد جدا وهكذا ..

أتمنى أني أفدتكم ، وبالتوفيق للجميع

 

كلآمك غير صحيح
أنا ركزت على الأشياء المهمة
و اللي المفروض الكل يركز عليها

التدريب و التطوير + بيئة العمل

آنت هنآ آضفت شيء ثآني .. منطقة نائية
و لو كانت سآبك عندها منطقة نائية
بتلآقي المميزات الاضافية

أنا مقارنتي كانت بين الشركتين
في الظروف الطبيعية
مثال أرامكو رآس تنورة .. سابك الجبيل

بالنسبة للشغل .. ممكن أكون حكمت
على مدى تخصصي .. كيميكال آنجنيرنق
و اللي أغلب توظيفنا يكون في البلآنت كـ المصفاة مثلآ
حيث الشغل متواصل بشكل فضيع
لكن بالآجمال .. شركات البتروكيميكالز " سابك مثآل ".. أكثر آريحية من ناحية ضغط الدوام

كلآمك صحيح ,, كلهم خوات
و أنا ما قصدت بالرد أعلآهـ المقارنة بين الشركتين
بقدر ما ركزت على المميزات المعطاة من كل شركة
سواء تدريب و تطوير أو حتى طريقة أخذ الآجازات

أما بخصوص ما بعد التقاعد
فكلآمك غير صحيح

سآبك تعطيك نهاية خدمة لأول 5 سنين رآتب .. أرامكو نـص رآتب !!
بعد الـ 5 سنين .. سابك تعطي رآتبين .. أرامكو رآتـب !!!



.
.

موفق

 

يعطيكم الف عافيه
صراحه ردودكم مفيده كلها وتوضح اشياء كثير وتفتح عقولنا على اشياء كثير
الي عنده اضافات لا يرده اللا الكيبورد

 

مشكور اخ كروكيلوم

اللي قصدته بعدم التعمق هو انه في اشياء مانحطها بالحسبان قبل التوظف
مثلا في مميزات انا ماحسيت بها الا بعد ما توظفت
بالاضافة للمميزات اللي ذكرتها سابقا يعني في بعض الاشياء انا ماشفتها في غير ارامكو وهي
الطيران الداخلي لارامكو و خدمات الباصات و الجوازات والاحوال المدنية وكاتب العدل والمرور

لكن الشركة حالها حال اي شركة زي مافيها مميزات فيها عيوب و مافي شركة تخلى من العيوب

بالنسبه للتقاعد انا تكلمت عن نهاية الخدمة حيث ان الحقوق المتوقعة للموظف هي قرابة الثلاثة مليون وقد تكون اكثر

بالنسبه للراتب الاساسي فعلى حسب التخصص
المهندس 9500 او 10260 اذا كان اونر
الجيوفيزيكس والجيولوجي والبتروليوم 10000 او 10800 اذا كان اونر
وفي راتب الشهر 13 و راتب رمضان كل سنه وبدل سكن 3 رواتب و بدل مواصلات وفي بدلات متنوعه انا لين الحين مدري متى المفروض استلمها

وهذا الراتب للجدد ولكن المينيمم للمرتبة 11 هو 12500 والماكس 19000 تقريبا واول 3 سنوات تكون الزيادات نصف سنويه وبعدها تكون سنويه وكل مرتبة لها المينيمم والماكسيمم الخاص فيها
وفي برنامج تقدر تقدم عليه بعد الثلاث سنوات الاولى مدته عشر سنوات تترقى بعدها الى قريد 15 مباشرة
وفي النهايه الافضل يعتمد على الشخص نفسه وليس التخصص ولا الشركه واهم شي الراحه النفسيه لان لو راتبك قليل وانت راضي فيه ومرتاح نفسيا وشاكر الله عليه والله مبارك لك فيه افضل من يكون راتبك 20000 وانت غير مرتاح نفسيا واللي مكتوب لك من رزق راح تاخذه و
القناعة كنز لا يفنى

 

بس لتوضيح بعض الامور
1-تامين الصحي لسابك ينقطع بعد التقاعد لرامكوا مدى الحياة
2-ارامكو ماخذه الترتيب الثامن ع مستوى العالم من ناحية الصرف على التطوير والتدريب
كورسات كثيرة معهد خاص الانجلش برنامج ماستر ودكتوراه....
3-برنامج التملك لرامكو ف اي منطقة ويخصم 24% من القرض سابك لازم ف الجبيل ولو ترك الشركة قبل ما تسدد كامل الاقساط يسحب البيت منك.

 

تسجيل اعجاب بلموضوع و معلومات مفيده جدا عن الشركات
+تقيم

 

والله موضوع روعه / لاني لسا طالب اتمنى انه حطيت خيار وكتبت

لسا طالب ..... او شي زي كذا

لاني بصراحه ابي اشوف الافرج حقها /


موضووع رووعه

 

سآبك تعطيك نهاية خدمة لأول 5 سنين رآتب .. أرامكو نـص رآتب !!
بعد الـ 5 سنين .. سابك تعطي رآتبين .. أرامكو رآتـب !!!
ايش قصدك بهذا الله يسلمك

 

مكافأة نهاية الخدمة


.
.

 

طيب لو بتوظف في الحكومة كمهندس
كم يعطوني راتب ؟؟؟

 

يا خوشنايقدن

الحكومة توظفك على الرتبة السابعة الدرجة 3 يعني تستلم 7740

 

ياخي انت بطل!!! ردك جدا جدا مفيد! تشكر عليه

 

رد جميل جدا!

الموضوع عامة اكثر من ممتاز!

شكر خاص للأخوة فهود, كروكيلوم و أبو الهان لإثرائكم الموضوع

 

-/+ 11000 sar
full package