كيف أشبك البلايستيشن أونلاين على نت الجامعة؟

نت الجامعة مو مخصص للعب أونلاين

تقدر تحمل ألعاب وتدخل على الستور ، بس ما تقدر تلعب

 

للأسف مافي واذا فيه لاحد ينزل الطريقة هنا لأن الجامعة راح تمنعها . فالي يعرف طريقة يرسلها على الخاص لصاحب الموضوع .

 

أنا متفهم لحجب التورنت لأان فيه اعتداء على حقق الشركات المنتجة ,

لكن ليش الأونلاين محجوب ! شيء مسموح فيه ومدفوع بعد !

أمر غريب جدا .

 

^^^^^
لا ماهو بأمر غريب ،لو كل واحد دخل وشبك اونلاين وحمل وتورنت ، راح تضعف سرعة النت على الكل

 

بالنسبة لصاحب الموضوع ،مالك الا تشتري لك مودم خاص

 

شكلك تسمع بالاون لاين.. وبعدين نت الجامعات ماهو ابو نص ميقا ! ترى نت جبار.. واذا ميزانية الجامعة ما أمنت للطالب نت يعينه بدراسته وترفيهه لا خير فيها .. وشو اللي يضعف النت؟ لا يكون تحسبه DSL بيتنا وبيتكم؟

انا الان في Colorado School of Mines والانترنت مفتوح بكل ماتحويه الكلمة من معنى وسريع جدا جدا !

لكن السبب في حجب العاب الاون لاين ماهو السرعه لان في البلايستيشن مثلا تقدر تدخل الستور وتحمل الى ان تقول امين. لذلك هدف الجامعه ثاني وهو ان الطالب بينشغل عن دراسته...

اللي صاير بنت جامعتنا باختصار (بربسة) الله المستعان.

 

استهلاك مشاهدة يوتيوب أعلى بكثير من اللعب أون لاين.

فديو ساعتين بجودة HD :
2.14 Gb

فديو 10 ساعات بجودة SD :
2.1 Gb

لعب أون لاين لمدة 100 ساعة :

يستهلك 2.07 gb .

 

يارجل النت في الجامعة هاليومين سيء مع كل الحجب اللي صايردتبي تقنعني ان لو خلو كل شي مفتوح ماراح يضعف ... وبالنسبة للمثال اللي ذكرته لاينطبق عندنا لمفارقة بسيطة لاتقارن النت هنا بالخارج +هو اكيد راح يعينك في دراستك ولا بالنسبة للترفيه اخذ لك مودم وامورك الترفيهية بتزين وشكرا مع كامل احترامي لك ولرأيك

 

وش هالمعلومة الكيس ههههههه
ياحبيبي لما تلعب اون لاين فأنت تقريبا تستهلك قيقا في الساعة

 

نسأل طلاب الحاسب ونتأكد من هالمعلومة

 

لو تبحث عن bandwidth of online games في قوقل
بيطلع لك انه يتراوح بين 20-100 ميجا في الساعة

 

بعد كلام بوريان بعد خلاص ،اعمل انسحاب تكتيكي

 

أنت الحين قاعد تتبع حدسك ولا تتكلم من تجربة وبحث ؟
على العموم شوف المواقع ذي وتشوف الكيس الملكي اللي قاعد تتكلم منه أنت .
و الأفضل تتأكد دايما من معلوماتك .
Estimate Your Web Usage | Data Usage Calculator

Aggregate Data On PS4 Internet Usage • /r/PS4

 

هههههههه طيب شفيك مصعب ، حصل خير لكن للحين على اعتقادي ان حضر الجامعة لمثل هالشي مش فقط لإلزام الطلاب بالدراسة الخ

 

-


الاونلاين مايعتمد ع الداونلود نهائيا ..
فلحد يقول انه يضعف النت ..
اللهم انه يستهلك حيز كبير من الاتصال
لكن نت الجامعه ماهو زي نت البيوت اذا شبكت عليه ثلاثه اجهزه يهنق


ع العموم تقدر تاخذ لك راوتر اس تي سي ..
انا شغال عليه في الاونلاين و ممتاز خصوصا خارج اوقات الذروه

 

ولا معصب ولاشيء ، دايما اتحمس في النقاشات كذا

 

الاونلايين وما ادراك ما الاونلاين ,

تذكرني ببدايات الجامعة, كان في واحد من الشباب عنده طريقة عشان يلتف على الحظر,

بس خلينا نكون واقعيين, لو كل القيمرز بيلعب بينه وبين نفسه مع ضجة بسيطة, نقول انه شي طيب, لكن اغلب الشباب الله يصلحهم ويهديهم صوته يوصل برا العمارة 24 ساعة , هذي تدخل في اذية الجيران, وعانيت منها معاناة شديدة انا واللي حولي لان روميتي كان من هذا النوع ويوميا تجيني شكاوي من الجيران بدون فايدة,

انا اقترح مثلا يحطو زي المبنى اللي فيه الجمعية قاعة لعب كبيرة متوفرة فيها تلفزيونات للي يحب يجيب الكونسول, او طاولات للي يحب يلعب لابتوب,
والنت في هذاك المكان مسموح فيه طبعا العاب الاونلاين