كيف تستعد ليوم المهنه القادم...

ال cv و المظهر اهم حاجتين

 

ثلاثه اسئله معروفه ومتكرره بالمقابلات وهي تكلم عن نفسك وتدريبك الصيفي او التعاوني بالاضافه الى مشروع التخرج حضر لها بشكل ممتاز وحاول تراجع البيسك بتخصصك وبالتوفيق

 

أغرب شي شفته في السنين الماضيه هو لبس بعض الشباب، يعني اعتقد سابك مستحيل يوظفوا واحد لابس ثوب غير مكوي وطاقية ربع!

 

أتفق مع أخوي طالب ذهب وزود عليها شم رجل أمك خلها تدعي لك

 

اتفق مع الاخوة المظهر مهم بشكل كبير ، لاحظت في السنوات الماضية بعض الشباب يجون بلبس غريب. لازم تجي بلبس مرتب و شكل مرتب لانك جالس تسوق لنفسك. غير كذا رتب السي في و برضو اساسيات تخصصك تكون ملم بها ، و توكل على الله و حط في بالك لو رزقك في اخر الارض بيجيك.

 

حاول انك تشوف يوتيوب عن المقابلات وبرضو تتدرب مع احد او مع نفسك وسوي لك جدول بكل اللي قدمت لهم وحط لك ملاحظات خاصة عن كل جهة ورتب اولوياتك بالاهتمام بالميزات

 

المظهر مهم والاهم الانطباع الاول عند دخولك للمقابلين
صافح يد المقابلين وكن واثق من نفسك
خليك طبيعي والا تشبك يديك ببعض
ابتسم
ولاتوقف لما يسألوك عن التعريف بنفسك الى ان يوقفوك
خليك ملم بتخصصك والاساسيات والقوانين المهمه

 

نصيحة روح معرس ثوب و شماغ حق ترضي الكل

 

بالتأكيد محد يرفض الثوب والشماغ

المهندسين بإمكانهم لبس بنطلون رسمي وقميص وحزام سادة

عيال التسويق وهالتخصصات ضروري مع كرفتة وجاكيت (بدلة كاملة)


^^^

طبعاً ما جبت أي طاري للجنز فوق
لأن مع احترامي الشديد وأقولها بكل صراحة: اللي يلبس جنز في هالمناسبات .. يُعتبر "شخص أهبل" ما يعرف ايش يلبس ، السعوديين عموماً -للأسف- يفكروا الجنز شيء عادي تحضر فيه مناسبات .. وهالشيء غير مقبول بتاتاً برا ، اللبس شيء مهم حتى أنهم قالوا مثل فيه وهو: "كل ما يعجبك والبس ما يعجب الناس" ، وكما أنه لكل مقام مقال .. فأقول لكل مقام لبـس

 

طبعاً تضبيط السي في شيء مهم .. وأهم شيء هو راحة العين + تبيّن الأشياء اللي تبيه يعرفها عنك وقت الـ scan

 

مؤيد طبعاً .. ولكن أفضّل أن المهندسين يلبسوا لبس آخر وهو:

 

طيب جزاكم الله خيرا يا شباب ,, غطيتوا جانب المظهر كامل اعتقد

نجي للجانب الاهم ,, وهو التخصص والشركات

مثلا انا عندي ماستر هندسة شبكات الاتصالات ,, ابغا اعرف الشركات اللي مهتمة بتخصصي

انا ما يهمني اسعى ورى سابك ولا ارامكو بقدر ما احصل شركة توفر لي بيئة عمل في تخصصي وتطور من قدرات العلمية والعملية

فا ياليت الشباب الي حضروا يوم مهنة غير قبل يعطونا خبر عن الشركات التخصصية الي تحتاج تخصصات بعينها

 

طيب يا اخوان انا عندي الترم الجاي آخر ترم وهو coop
عادي أقدم في اليوم المهنه !؟

 

أفهم من كلام الأخوان هذا هو اللبس المثالي:



هل يفضل كرفتا ولا بدون؟

 

يوم المهنة هل جميع الشركات تسوي مقابلات؟! ولا فقط شركات قليلة زي ارامكو وسابك! والباقية تسلم الcv.. بالنسبة للي ما يقدر يحضر كيف اقدر استفيد منو يعني هل اقدر مثلا ارسل السي في لشخص ويسلمه لهم او هل يوجد فورم مثلا اعبيه عن طريق موقع الجامعة. علما باني لست من خريجي الجامعة وحاليا اعمل ضمن برنامج سامبا لحديثي التخرج! كما تعلمون ان يوم المهنه يبدا الاحد 21 ديسمبر - الاربعاء 24 ديسمبر يعني صعبة احضر يوم الثلاثاء والاريعاء..