السلام عليكم ورحمة الله وبركآته بحكم أنكم طلاب وورآكم ميآجر .. وعندكم حالة يسمونهآ [ ميجرزم ] .. < نذل مخلص ميآجر فرآح احكي لكم قصتي من البدآية الى آخر نقططططه < أقصد قطرهـ السالفة وما فيهآ يآ جمآعة الربعون .. أني أنا الطالب الـ كنت ساكن في العمآير القديمة .. وفي عمآرة 9 بالذآت < لبّى قلبهآ وبعد ما حاصرتنآ السيول والفيضانات ( الموية اللي تتسرب من الماصورة ) قررت اني اعلن انتفاضه .. طلعت من الغرفة وصرت اردد : الشعب يريد اسقآط المواصير الشعب يريد اسقآط المواصير الشعب يريد اسقآط المواصير الشعب يريد اسقآط المواصير واذا بادارة السكن ترسل علي الحرس القومي [ سرآكو ] لمحاولة عمل هدنة و نقلي من الغرفة بدون شوشرة وبدون تدخل [ دول أجنبيه ] وبالفعل .. نقلوني ادارة السكن الى عمآير الاوريآت .. وكآن فيسي بعد الانتصار العظيم تسسذآ [ ] نقلت اغراضي ثلاجة ثلاجة .. تلفزيون تلفزيون .. ثوب ثوب .. كتاب كتاب .. ورقة ورقه .. مرسمه مرسمه ...................... ألخ وبعد ما نقلت من الغرفة .. تذكرت ان الثلاجة تشتغل على كهرب 110 .. وكان هالكلام ع شهر 12 العام الماضي .. وكان قبل اجازة العيد .. فقلت خليهآ يآ سيييدنآ نزبطها بعد العيييد المهم انتهى العيييييد ورجعت ومر يوم .. اسبوع .. شهر .. شهرين !! . . . ومرة سنه .. والنصر ذابحه الفقر .. مرة سنه .. وعليكآن عيآ ما فهم . . . الزبده اني تكيسلت وما وديتهآ .. رجعت الترم هذآ .. وقلت خلاص لا رجوع الى الامام .. تصليح تصليح تصليح .. وصادف اني مرة كنت بغرفة واحد من الشباب وكان مركب محول ع ثلاجته .. وكنا بعد صلاة الجمعه ضآربين في شوآطي الخليج ونفت بلايستيشن فأذآ بـ رجال الهيئة .. اقصد السكن يطبون علينآ .. وبعد النقاش الطويل كان خلاصة كلام الاستآذ الخلوق : علي الغشيري انه بناخذ عليكم المحول وان يمدييك تحول كهرب الثلاجة عند الكهربائيين .. وسألنآه قلنآ طيب ما يصلحونهآ صيآنة الجامعه .. قال لا رحت لمحل .. محلييين .. 3 محلااات .. كلهم يقولون [ صديق لازم ركّب محول ] .. وللامانه ووآحد قآل [ صديق لازم ركّب مخوّل ] < أكيد تعرفون جنسيته قلت مالي غير الشركة اللي شريتهآ منهآ .. رحت لهم كـ العميل الـ .. و شرحت لهم الحكاية وقآل ما معك الا تشتري محول . . . . . بعد هذي الروآية الطويلة .. هل احد حوّل ثلاجة من 110 الى 220 .. واذا ايه وين ومتى وكيف ؟ وشوكرن شطحه : عندي سؤآلن برآكتيس .. في المقآله السابقة ذكر ما يأتي : + وش معنآة الـ .. اللي يجآوب له جآئزة
الله يسعدك والله استمتعت بطريقة طرحك للمشكلة لدرجة اني رجعت مرة ثانية وقريت الموضوع من اول عشان اتذكر ايش المشكلة عموما، على حد علمي ما لك الا محول، بس حاول تغبيه عن الأعين حطه تحت السرير ومد له سلك الثلاجة
طيب يا شباب بالمناسبة أنا عني اشتريت محول بس ما عرفت أركبه<<بططل ما عرفت فين أحط أبو220 في أي مدخل يا ليت أي واحد مخضرم
تشبك الـ 220 حقت المحول في فيش الكهرب حق العمارة >> إذا كنت في العماير الجديدة وتشبك الثلاجة في الـ 110 حقت المحول >> إذا كنت حاط الثلاجة في غرفتك في العمارة الجديدة
غالبا المحولات 110 / 220 فولت يجي شكلها كذا ... المدخل (الاحمر) 220 فولت و المدخل (الازرق أو الاسود) 110 فولت لو كانت الكهرباء عندك 110 فولت .... و الثلاجه 220 فولت تشبك فيش الثلاجه بالجهه اللي لونها أحمر .... و تشبك الجهه الثانيه بالكهرباء اللي بالجدار 110 فولت ملاحظه: انا غير مسؤول عن اي مشكله تحدث في حال انك شبكتها بشكل خاطيء
شبآب .. دآم ما فيه الا محول فكيف يقولون ادارة السكن حولوهآ ؟؟ يعني أخترع مثلا ؟؟ + كآسر .. لك جآئزة تقييم [ أحمر ]
أنا كان عندي محول وتم سحبه مني هذه السنة ... كلفني أكثر من 100 ريال ثم ذهب ... المهم قررت أن أنزل للجماعة وأسألهم عن حل لمشكتلي مع التحويل ! مدير الإسكان أخبرني بأن أحضر ستيبالايزر(مثبت جهد) فهو مسموح في السكن ... لم أحضره بعد... لكنني أخطط لذلك... فربما من الأفضل أن تحضر لك واحدا أنت الآخر بدلا من المحول الذي يمكن أن ينصاد مع أول طبة تفتيش !
انا محول ثلاجتي بعد ما نقلت من اللاينات طبعا لازم يركب لك محول داخل البدي حق الثلاجة كلفني تقريبا 110 ريال الحمد لله من سنتين ماطفت وما صار لها شيء
ايييييه~~ أنا لي سالفة مع السكن .: سيمستر 91 كنت ساكن في عمارة 18 .. .. صليت الظهر و تغديت شواطي حتى أصبحت في حالة تَجَلي .:.: و فجأة.... دقة ساعة السكن و من دلاختي قمت و فتحت الباب علطول و بدون أي تردد - تأثير شواطي - .: دخل موظف السكن... و أنا اقول في نفسي الله يستر؛ لان الغرفة كانت مليانة ممنوعات - طبعا ممنوعات السكن و ليس ممنوعات شرعاً - لا تروحون بعيد!! المهم بعد ما أخذ الموظف نظرة على الغرفة.. شاف أشياء كثيرة منها المحول حق الثلاجة - تسمع يا أبو فيصل - .:.: أثناء ما هو ينادى بــ الي معه علشان يشيلون الأغراض... جاني و سألني قال وش اسمك؟؟ قلت فلان الفلاني - بكل فخر و اعتزاز -... قال ما شاء الله,, أنت من آل فلان؟؟... قلت الله الله ... قال تعرف فلان الفلاني ؟؟ .... قلت كيف..! أكيد أعرفه .. قال اييييييييه.... أجل لا عاد تعيدها مرة ثانية و سلم علي و سحب أخوياه و مشا و خلو الأغراض كما هي!! و أنا . . . . مرة ثانية جوني و انا في عمارة 33 و للأسف الرجال خويي الأول ماهو معهم!! .:.: شافو محول الثلاجة..... على طول شالوه .: قلت له يا اااا وش اسمه ياا الحبيب - بكل ثقة - ترى أنا فلان الفلاني... قال طيب؟ وش يعني؟ ... قلت له تراني أعرف فلان الفلاني!! ما سمعت فيه من قبل؟؟ ... قال لي لا أعرفه و لا سمعت فيه من قبل!!! <<< لسان حالي يقول كذا أخيرا صادرو المحول... بعدين خذو الثلاجة و قال لي الموظف بنوديها الصيانة يحولونها لك إلى 220 و بيرجعونها لك! ودعت الثلاجة و لا جابوها لي إلا بعد ثلاث أسابيع حسبي الله على ابليسهم!! و الان الحمد لله ثلاجة 220 و لا أحلى... حاشرها بما لذ و طاب... و بعض الناس مساكين ما عندهم ثلاجات.. .:.:.:.: اخيرا تمنياتي لك يا أبو فيصل بحظ أوفر مع ثلاجات أخرى!!!
لما تكون متجه للشارع التجاري<اتوقع اسمه كذا- وبنك ساب على يمينك - يجيك حرف تي - تاخذ معه يسار - في محل كهربائي على المين علطول - ومركب لناس كثير في الجامعه من هنا http://www.stkfupm.com/vb/showthread.php?t=23644&page=2
هذه صورة لمثبت: علمي أنهم غالبا يستخدموه مع الأجهزة... يتميز حسب ما شرحلي مدير السكن بوجود فيوز عن المحول ... تجده غالبا في المحلات الكهربائية ... وأعتقد محلات بيع أجهزة الكمبيوتر أيضا لأنه غالبا يشترى لغرض تأمين هذه الأجهزة... من ناحية أسعاره لست متأكدا لكن أظنه أغلى من المحولات بقليل... يعني ممكن بـ150 وطالع...