لاهل الخبرة، Siemens vs Nomac

دام حاط في بالك هدف انك تكسب خبره غير اللي انت فيها حاليا فانصحك تروح على Nomac انا زيك خريج mechanical ومقتنع انه لازم خبرتي تكون في قطاع operation او maintenance حتى لو توظفت اي وظيفه اخرى زي وضعك لان بعد 5 او 10 سنين ما راح يكون لك الا فرص وظيفيه محدوده بحكم الخبره الدقيقه

 

لو تخصصك انسترمنت وشغال على PLC او كهرباء بور وشغال Switch gears كان قلت لك اجلس 5 سنوات فسيمنس وارامكو وسابك هم اللي يجون يدورونك

 

و عليكم السلام و المعذره على التاخير في الرد .
اولا مبروك على الوظيفه في ظل الظروف هذي . ثانيا يعتمد عليك انت هل تفضل العمل المكتبي او السايت؟ ’. بعطيك من خبرتي رغم اني ما اعرف عن بيئه سيمنز الكثير.
شركات الانترناشونال دائما الاجانب كثير و التعلم فيها صعب بحكم انهم لوبات و سيمنز اعرف مسيطيرين عليها لوب عربي اجنبي فافتح عيونك شوي و اقرا بيئه عملك كويس برضو شركات الانترناشونال بحكم الشريك المحلي دائما جودتها سيئه و اغلب الشغالين هنا هم يخلصون اوراق للادارات في المانيا او اي دوله يعني شغل ظاهري فقط .
ناتي الان الى شركه نوماك وهي شركه وطنيه . انا افضل الشركات الوطنيه على الشركات العالميه اذا تبغى خبره اما اذا تبغى اسم و نيتك تشتغل برا فالشركات الانترناشونال افضل . سمعت عن نوماك الكثير و هي شركه جدا رائعه بالاضافه الى ان المدراء سعوديين و دائما اذا المدراء سعوديين باي شركه روحها بحكم الرقي في العمل بالاضافه الى ضمان ان خبرتك راح تزيد بشكل كبير .

بخصوص القاز و الاستيم تورباين اللي هو عشقي . اشتغلت 7 شهور في شركه الكهرب فائدتها بالنسبه لي افضل من 4 سنوات في شركه انترناشونال انا شغال فيها الى الان و لكن ما احب اذكر اسمها . القاز او الاستيم تورباين العمل كمشغل او صيانه افضلها في بدايه مشوارك على العمل المكتبي و الحسابات . بعدين لا تنسى توسط لي هههههه . اي استفسار انا حاضر باللي اعرفه و الله يوفقك .

 

انا دخلت موضوعك من قبل ومتردد ارد او لا. انا لي خبرتي مثلك في شركة عالمية وفي مجال مقارب لك. انا خبرتي ٤ سنوات ونص تقريبا، واللي بقوله لك من وجهة نظري فقط ويحتمل الصحة او الخطأ.
الي اكتشفته ومن خلال بحثي عن الوظائف، الشركات الوطنية تسحب من بعض في اغلب الاوقات، لانه خبرتهم مقاربة لبعض كend user or client.
حتى المميزات المادية في الشركات الوطنية افضل، كمثال ولا شركة عالمية بتلقى عندها برامج تملك بيوت او رواتب رمضان مثلا.
بالنسبة للخبرة، كل ما صارت خبرتك دقيقة كل ما قلت فرص تنقلك للشركات الاخرى، بعكس الوظائف الهندسية العامة مثل مهندس المشاريع، مهندس التخطيط، وما الى ذلك من الوظائف.
انا ما اخفيك اني صار لي فترة طويلة ابحث عن فرص افضل، لكن بحكم الخبرة اقولك صعب جدا تلقى شركة تحتاج خبرتك بالضبط، فتضطر تستنى المنافسين لك من شركات يفتحو بوزشنز مشابهة عشان تقدم.
واللي اكتشفته من ارامكو وسابك والي شفته، فنادر يوظفون سعوديين بخبرة من الڤندور بخبرة ٤-٦. لانهم اغلب الوقت يجيبون فرش ويبنون خبرته في المجال الي يبونه.
خلال الاربع سنوات ونصف جتني مقابلة واحدة فقط في ارامكو وما كانت حتى في صلب تخصصي وتم استبعادي. فنصيحة انك لا تتامل تجيك فرص كثيرة مع ارامكو او اي end user.
فنصيحتي لك انك تقبل بنوماك دامك لسه فرش، لانه انا على يقين انه انتقالك لشركات وطنية بالمستقبل راح يكون افضل واقوى من الشركات الثانية.
ارامكو و سابك معتمدين على الاوتسورسنج بكثرة، وما اعتقد يجيبو ناس بخبرة تقنية محدودة وهم عندهم عقود الصيانة مع الڤندورز وغيرها.
اتمنى يكون كلامي واضح ومفيد، واتمنى لك كل التوفيق.

 

المعذرة اخوي بس كم رواتب سيمنز (اسكوسا) لحديثي التخرج؟

بالنسبة لاستفسارك نعم ارامكو توظف مهندسين مختصين بالتورباين و تقدر تبحث في موقع لينكد ان و تتاكد من هالشي

انا في رايي اذا مرتاح من التخصص و قريب من اهلك و الفرق اللي بتعطيك اياه نوماك مش كبير جدا فافضل انك تظل في سيمنز

و الراي الاول و الاخير يرجع لك
بالتوفيق ان شاء الله