لاي استفسار عن الدسمس او التحذيرات الاكادمية [هنا]

حتى ولو كانت الحاله active مو droped

 

بعد فترة راح تنزل قائمة المدسمسين وراح تصير dropped وينحذف الجدول

 

اخوي امير الشعراء

انا جاني دسمس ترم 152 وكان معدلي 1.35 و رجعوني ترم 153 ورفعته الى 1.76 وترم 161 جبت معدل فصلي 2.067 وتراكمي 1.853 وجاني دسمس لكن جائت اعادة القبول سريعة الحمدلله حق ترم 162 في نهاية ترم 162 جبت معدل فصلي 2.36 وتراكمي 1.97

السوال هل راح يجني دسمس حق الصيف , لاني احتاجة جدا ؟

 

نظاماً راح يجيك بس احتمال كبير إذا كلمتهم راح يرجعونك في الصيف لأنك قريب من ال٢

 

السلام عليكم ياخوان
قدر الله وماشاء فعل وجاني دسمس للفصل القادم لاول مرة... سؤالي هو متى اقدم على اعادة القبول؟ وهل لازم اسوي اخلاء طرف؟ وبالنسبة للسكن هل بيروح علي الروميت ؟
يعطيكم العافية

 

مع اول يوم في الصيفي روح واخلي طرفك وقدم اعادة القبول+ السكن يروح على خويك لكن لكن احيانا مايلزمونك تعمل اخلاء طرف انت تأكد منهم قبل كل شي والله يوفقك

هذا رقم ادارة القبول 0138602901

 

السلام عليكم تغيرت حالتي الى

Your Academic Standing at the end of last term is Dropped W/ Warning which permits registration

الجدول حق ترم 171 موجود لكن حق الصيفي انحذف هل هذا معناة ان سمس حق صيف ؟

انا جدا محتاج اني اخذ هذا الصيف هل في امل اكلمهم يخلوني ادرسة ؟؟

 

السلام عليكم
حالتي الاكاديمية

Your Student Status is Dropped which prevents registration

معدلي الكلي 2.29

سمعت من بعض الطلاب اني اقدر اقدم معروض لادارة للقبول وارسله بالفاكس واقدر اسجل للسيسمستير 171 فهل هذا الكلام صحيح؟ واذا الكلام صحيح وش اكتب لهم فيه؟ وكم احتمالية انهم يقبلوني؟

 

فهد يا ليت تتاكد جدول 171 موجود اوانحذف ؟

 

انحذف الصيف لكن 171 مازال موجود

 

انحذف الصيف لكن 171 مازال موجود

 

جدول الصيف محذوف الآن من كل الطلاب ، وراح يرجع بعدين بالنسبة للي مش مدسمسين

اللي دسمسوا الآن راح تنحذف كل جداولهم بعد فترة

 

طيب هل في طريقة اقدر اعيد قبولي فيها للترم 171
تكفون ساعدوني

 

نعم في طريقة , قدم اعادة القبول وخل المومنين يدعونلك وادعوا حق نفسك خصوصا في هذا الشهر الفضيل , بكرة اتصل على ادارة القبول واسئلهم عن الاجرائات وان شاء الله ما يقصرون معاك , لا تعطي الموضوع اكبر من حجمة عشان ما يصير لك هم و يخرب عليك الاجازة , الله يوفقك يارب

 

اعتقد لازم تراجعهم بنفسك لان فيها اجراءات اخلاء الطرف

 

سو اللي عليك واذا معدلك قريب من ٢ ان شاء الله يرجعونك

 

صارت كذا الحين

Your Academic Standing at the end of last term is Warning 3 which permits registration

 

يبدو انهم راجعوا حالتك ، وبيعطونك فرصة ، شد حيلك وبالتوفيييق , تأكد شف يمديك تسجل ولالا .

 

السلام عليكم

معدلي التراكمي: 1.950
حالتي الاكاديمية اللآن Dropped W/ Warning
هل هذا يعتبر دسمس ؟
الغريب جدولي للترمين 163 & 171 موجودين ما انحذفوا
وحالتي بالتسجيل كلهم صح باللون الأخضر

أحد يفهمني وضعي سليم ولا لا ؟؟؟؟
وشكرا

 

للأسف يبدو انه دسمس لكن انتظر