لاي استفسار عن الدسمس او التحذيرات الاكادمية [هنا]

يبدو انه دسمس صيف بس واعادوا قبولك ل١٧١ لكن تأكد من ادارة القبول كلمهم او رح لهم . اخلاء الطرف يعتمد احيانا يقول لك ضروري اخلاء الطرف واحيانا يمشون بدون اخلاء الطرف

اي طبعا اكيد تقدر

 

السلام عليكم
اناجاني

Your Student Status is Dropped which prevents registration
والي معناه ديسمس معدلي الفصلي اقل من 1 و مازال جدول الترم الاول موجود

وش المفروض اسوي بالتفصيل عشان يعدون قبولي مرة ثاني للترم 171 مين اكلم ولمين اروح

ارجو التوضيح

 

روح لمبنى 14 في الهيلب ديسك وخلهم يعطونك فورم اخلاء الطرف . بعدها راجع كل الادارات اللي تحتاج تخلي طرف فيها وبس . بعد ماتنتهي تروح لشؤون الطلاب الدور الاول وراح يعطيك ورقة تثبت انك اخليت طرفك . تاخذ الورقة وتصعد فيها لمكتب القبول (مبنى ٦٤، الدور الثاني) وخل معك خطاب تبين فيه اسباب تدني مستواك وانك تجاوزت ذلك وتقدم في نفس الخطاب بطلب اعادة قبول .

 

السلام عليكم ورحمة الله وبركاته
اخواني انا مقدم اعادة قبول لسمستر 171 وجاتني هالرسالة
النتيجة: عليك مراجعة ادارة القبول مبنى رقم (68) الدور الثاني مكتب رقم (237) مع احضار ولي امرك في موعد اقصاه 2 ذو الحجه 1438 الموافق 24 اغسطس 2017م للاهميه
هل هذا معناه اعادة قبول للترم الجاي؟ وهل لازم حضور الوالد؟ لو جبت اخوي الكبير بداله مايقولون شي؟ وش بيصير بالضبط داخل المكتب؟
ويعطيكم العافية

 

نعم هذا اعادة قبول ومبررروك ، حضور الوالد نعم الزامي .
اللي بيصير اذا دخولك على معاوية انه بيسفل فيك قدام ابوك وبيسمعك كلام يسم البدن لكن انت ماعليك منه وحاولرتجهز ولي امرك نفسيا (يعني قل له ان هالانسان هذا المدعو معاوية يحب يمسح بكرامة الطلاب في الارض وكذا) الاهم انك اسمع من اذنك اليمين وطلعه من اليسار .


بعد التسفيل بيخليك توقع على زبدة الموضوع وهو الشرط وبس.

 

وش صار عليك أخوي؟

 

السلام عليكم ورحمة الله وبركاته

هل الدسمس او الوورننق ممكن يجي بسبب معدل صيفي او معدل الصيفي مايحتسب فيه شي
يعني اذا جايب العيد في الصيف ممكن يجيني دسمس او وورننق

 

لا أبداً الصيف غير محسوب

 

انا لقيت في البورتال هذه الجملة
Your Student Status is Dropped which prevents registration
وش معنات هذا الكلام ؟؟؟ مع ان معدلي ممتاز وماعليه اشكال
الله يسعدكم ردوا لي سريع

 

هذا دسمس ، كم معدلك الفصلي آخر فصلين ؟!!!!!!

 

معدلي ممتاز في جميع الفصول ... بس معلقين تسجيلي وحاذفين كورسات 171 بدون اي سبب يذكر .

ليش اعطوني دسمس اجل ؟؟؟؟

 

راجعهم فوراً ممكن خطأ !!!!!!

 

هل ممكن انها تكون عقوبة بسبب حاجة او بسبب مخالفات مرورية ؟؟؟.
بمعنى هل كثرة المخالفات الاكاديمية او المرورية تسبب ديسمس ؟؟

 

طبعاً هذا موجود في الترانزكريبت حقي ، لكن اش المقصود ب effective 24 August ؟؟؟

طبعاً انا تواصلت مع العمادة والريجسترار وراسلتهم من الاحد الى الان بس ماحد رد ، عشان كذا كتبت موضوعي هنا

 

ممكن يكون انت مخالف النظام في امر ما او عليك ساعات خدمة ولا نفذتها قد يكون ، لكن مثل ماقلت لك هم مادردبو جدولك مؤقتا الا يبونك تروح لهم فروح لهم فاقرب وقت .

 

السلام عليكم
انا طالب جاني دسمس(اول مره ) ترم 162 وتم اعاده قبولي لترم 171 وحاليا عندي ماده ماني متاكد اني راح اعديها
سؤال لو اسوي دروب لترم هل بيقبلوني مره ثانيه ؟ وهل بيكون فيه مشاكل
بالاضافه اذا ماجبت المعدل الفصلي اللي يبغوه وش بيصير

 

اذا ما جبت المعدل بتاخذ دسمس طبعاً وبيشوفون يمكن يسمحون لك تدرس الترم الثاني او في الصيف ..

اذا بتحذف الترم قول لإدارة القبول قبل وحاول تجيب لهم عذر ما يقدرون يجادلونك فيه

 

قبل ماتحذف روح استفسر من ادارة القبول ، لكن من اطلاعي انهم بيقولون لك هذه آخر فرصة ولاتحذف الترم ، لكن اذا حذفت الترم ان شاء يعيدون قبولك لكن صعب .
لذلك حاول تشوف لك حل مع هالمادة لو تطلع منها ب C او D+ وحاول تضبط قريداتك في باقي الكورسات ولايمنع انك تروح لدكتورك في هالمادة وتشرح وضعك سو اي شي يارجل . وبالتوفيق ...

 

السلام عليكم
انا طالب حذفت ١٦١ وكنت warning2 بمعدل 1.8 اعادو قبولي ب ١٦٢ وجبت 2.4 معدل فصلي وتراكمي 1.98 صرت warning3 نزلj صيفي وصار معدلي التراكمي 2.063

الان قررت احذف ١٧١ بقريد wp الان فيه امل يقبلوني ١٧٢ بما ان معدي التراكمي فوق ٢ ؟

 

^^^^^^
بما انك معدلك التراكمي فوق 2 ، اعادة قبولك بإذن الله شبه مضمونة .