لشباب الخبرة: وش تركز عليه خلال أول فترة في عملك الجديد؟

مجال ممتاز جدا وكويس ان علاقتك مع ال CEO مباشرة ، راح تكبر في الشركة بسرعة

اعمل Screening كامل للسوق؛ حجم السوق، كم حصتكم السوقية، ، مين منافسينكم وكم حصة كل واحد فيهم وليه (هل هو سعر او خدمة او جودة او علاقات … الخ) ، اعمل SWOT Analysis للشركة حقتكم بين له نقاط القوة والضعف وايش الفرص المتاحة والتحديات وايش خطتك لمواجهة التحديات هذي وايش الدعم اللي تحتاجه منه

بناء عليه هو راح يبني خطة ويستهدف رقم او نسبة معين خلال الفترة القادمة

 

يا هلا والله

بعطيك أشياء عامة ممكن تفيدك بأي شركة خاصة بأيامك الاولى , الامور الاخرى ممكن يفيدونك فيها الشباب

طبعا هذي مش كتاب منزل مثل ما يقولون ولكن أمور الواحد حاول إنه ما يتعداها او يكون حواليها ان صح القول

- إحرص على الحضور المبكر في أول الايام (First impression is the last impression) الانطباع الأول عنك راح يكون الانطباع الاخير , بلهجتنا العامة الإنطباع الاول يدوم!
ما يحتاج أسهب كثير فيها ولكن الحضور المبكر راح يعطيهم انطباع عن شخصيتك بشكل عام ومدى انظباطيتك بالحضور < اذا انت من النوع الي يتأخر حاول تشدها أقل شيء الأيام الأولى !

- المظهر العام مثل ما يقولون راح يظهر شخصيتك! جزء كبير من تقبل الناس وإحترامهم للطرف الاخر تكون من هالمنطلق وشخصيا شفت أثرها الكبير علي مقارنة بالإشخاص الغير مرتبين اذا حبينا نلطفها شوي !


- الميانة الزايدة مع الموظفين وبالذات الايام الاولى البعض يقلبها سوالف وضحك مما يعطي الطرف الاخر انطباع انه لعاب أو غير جدي بالعمل!

موفق خير يارب وفالك التوفيق ..