لكل طالب يبي a+ وكل طالب جاب a+ شاركنا تجاربك

ما راح اتكلم على سالفة الشرب اللي تطرقت لها بداية الموضوع

بالنسبه لكلامك فيه جزء من الصحه و كل انسان له طريقة تفكير مختلفه و قدرات تختلف عن غيره

الأهم من كل شي انك تحط هدف في بالك و بتحققه بطريقتك الخاصه اللي تنفع لك

 

ما شاء الله تكلمت عن الدخان والشرب والمعاصي والوضع عادي ولا جبت طاري علاقة الانسان بربه وصلاته ودعاء والديه! راجع نفسك.

 

وش فيكم شبيتو ع الرجال يعني تركتو كل موضوعه وركزتو على كلمة بعض الشباب يشرب والا يدخن (ناس مرضى تنظر للجزء الفارغ من الكوب)

سلمت يداك اخوي وبمشي على نصيحتك ان شاء رب العباد

 

من أهم الوسائل إنك تلغي الأشكال اللي تجيب الهم من يومك..
وبعض هالأشكال تلقاها سواء في الجم (النادي) أو خلال يومك
أو في المنتدى..

الشغلة الثانية ضروري تخلي في يومك وقت رفاهية
وتكون نسبة تفكيرك بأي شي يتعلق بالدراسة 0%
بعدها بتلاحظ كأنك توك راجع من إجازة ومتحمس تنجز شيء
وذهنك صافي..

موضوع خرافي وإذا خطر في بالي شي بأضيفه بإذن الله.

 

1- مفتاح النجاخ في رأيي التوكل على الله, الدعاء, التواضع, الشكر لله سبحانه, والتعلم لله. والله بيكتب لك الخير.

2 - أنا ما أتفق معك في سالفة ان الكتاب مضيعة للوقت. هو مصيعة اذا كان هدفك درجات فقط, بس بعدين وقت العمل أو النقاشات يوضح الفرق الكبير بين الي قرأ كتب والي قرأ سلايدات.

نصيحتي ان الي يبدأ الجامعة يعود عمرو يقرأ الكتب عشان يتعود عليها وتصير الكم الهائل من المعلومات ما تخوفه في مستقبله.

3- الاوفيس اورز يمكن يفرق بس مو دائما, حسب دكتورك, اعرف ناس كل مرة عند الدكتور ولا زادهم شيء. بس اذا انت ما عندك سؤال أشوف انك ليه تروح تضيع وقتك, روح ذاكر أفصل لك.

4- ما هو شرط تحب مادة عشان تجيب a+, اكرف فيها ولو على مضض, بس حط في نيتك انها لله.

 

صراحه احب الي يقول الي بقلبه بكل صراحه ما يعيش متناقض مع نفسه
الرجال تكلم بواقع نعيشه وانا اشوفه بعيني انه بعض الطلاب بمجرد انه مدمن
بلايشتاشن او مدخن او يروح البحرين او او يحس انه خلاص فاااشل بالعكس انا اتفق معه

بعدين طالعوا فوووق كاتب خاااطره خااااطره مو المقال الرئيسي

اما الي طرحه من الاوفيس والله اني اسمع الشباب يقولوا بعض الدكاتره خاصه
الانجليش اذا ماجيته الاوفيس يخسف بك الارض ومن جد في دكاتره مبدعيين يحبوا النقاش
واتفق مع كلام دكتورك الي بالفيزياء 1000+
انه توزيع القريدات ما يعتمد ابدا على كم درجه انت جمعت يعتمد على نظره الدكتور لك

 

بعدر ميجر 2 روح للدكتور ، وقول له كم احتاج عشان آخذ الاي بلس ؟؟

صدقني لو شافك تحاول بيعطيك فرصه ،،

انا مره قال لي دكتور جيب 30 وفوق من 35 بالفاينل .. واعطيك الاي بلس ..

ودكتور ثاني .. قالي كل الكورس اللي مضى ما يهمني ولا يقيس مستوى فهم الطالب عندي .. شد حيلك بالكورس بروجكت + ضبط وضعك بالفاينل واوعدك بالاي بلس ..

وانا عن نفسي اقولك اضمن المياجر وترتاح بالفاينلز ..

حل الهوموركس بنفسك وترتاح بالميجرز والفاينلز ..

ذاكر للكوزز مذاكره ميجر ، وبترتاح بالميجرز والفاينلز ..

ضع لك خطه أو جدول تمشي عليه ،،

ومو شرط تسكر ع نفسك باب الغرفه وتكرف تكرف ،لا خلي لك وقت راحه وفهلوه ومزاج وروقان ..

اطلع ، تعشى برى ، العب تنس بليارد كوره سله طائره ، العب بلوت سوني ، شوف مباريات ،،

بس كل ذولا تسويهم لو خلصت امورك ،،

بالعربي خلص الدوام وارجع ريح ساعه ، وخلص امورك حق اليوم وبكره ، وبيكون عندك وقت فاضي لييييييييين تطفش ..

وترى كلها كم سنه تطير بسرعه صدقوني ،

هذي آخر سنه وكأني بالامس اناقز بالاوريا بين مبنى الماث والانقلش :/

جامعتنا ، ذكريات لا تنسى !!

 

صم الإختبارات القديمه

 

اول مادة مادة جبت فيها a+ كان بسبب حبي الشديد لها

ثاني مادة بسبب اني اتبعت استراتيجية حلوة

كنت اقرا الدرس مرة او مرتين قبل المحاضرة

حتى لو مافهمت حرف واحد .. اقلها كنت انتبه للكلمات المفتاحية في الدرس

وبعد الدوام كنت ارجع اقرا النوت او رؤس الاقلام وابدا اطبق

حتى جات المياجر والفاينلات ماشاء الله حليت سلام سلام

وكنت اخذ قدر كافي جدا واكثر من كافي من الترفيه

نص ساعة مذاكرة مقابلها ساعتين ترفيه

كنت اذاكر ساعة ونص في اليوم وارفه عن نفسي سته ساعات

وطبعا خليت شعاري يكون لا للتسويف مع اني فشلت جزئيا في تطبيقه

واي استفسار انا حاضر

 

جزاك الله خير يا الغالي

 

الله يعطيكم العافية ويوفقكم وينوركم بنوره نور العقل والمنطق والحكمة

بس سؤال اتمنى تساعدوني فيه؟؟؟؟
أنا فريشمن والترم اللي فات أول ترم لي بالجبل,,,, تعرفون الفيزياء والماث والكيميست هي عليها الكلام,,, انكبت الترم اللي فات اول ترم وسحبت والحمد*لله انعاد*قبولي,,,,,

سؤالي هنا بصراحه كم ساعه للدراسه تكفي زي الحين منزل ماث وفيزياء واسلامي وعربي ,,,, من تجاربكم كم ساعه للدراسه الماث والفيزياء تكفي يوميا؟ وأيضا أنا انسان أحب الكتاب على السلايدات ما قد تعاملت معها,,,,, يعني كم ساعة يوميا تكفي للدراسة؟ واللي سلايدات متعامل معها يعطيني نصيحة سمعت خاصة للفيزياء السلايدات أفضل ؟؟؟؟

وشكككككرااااااا

 

بغض النظر عن الوقت اهم شي ما تجبر نفسك على المذاكرة وتصير تذاكر بدون نفس

 

طبعا أهم نقطة للتفوق ,هي سؤال الله العون والتوفيق وطبعا هذا يتنافى مع الشرب واللعب ,وعموما الخمر معروف أنه يدمر خلايا المخيخ ويسبب تليف في الكبد وفي النهاية بيدمر الطالب حتى لو كان متفوقا في البداية

الشيء الثاني يا صاحب الموضوع ,هو موضوع السلايدات ,بالنسبة لي سبب حصولي على قريد سيء في الكيمستري هو اعتمادي على السلايدات وسبب حصولي على قريد جيد في فيزكس 102 هو اعتمادي على الكتاب"بعد توفيق الله" خصوصا وأني أفضل الكتاب والأوراق "شيء مادي يعني" على السلايدات والمراجع الالكترونية ,لو نظرت للموضوع بشكل أدق ,كثير من الطلاب يستخدمون السلايدات لأنهم يتأخرون في المذاكرة ,لو كان عنده وقت فالكتاب خير مرجع ,الا اذا طبعا منزل مواد كثيرة فهذا موضوع ثاني

لكن بشكل عام الكتاب هو الطريقة المضمونة للحصول على قريد عالي

 

السلام عليكم

ambitious 91

في الرياضيات حل الواجب بنفسك + ساعة و نص حل مسائل من study plan اللي موجود

في موقع الواجب + 6 مياجر قديمة اذا قرب الميجر او 4 فاينلات اذا قرب الفاينل

هذي الخلطة مفروض تطلعلك أقل شيء B+



في الفيزياء و بالختصار ذاكر من أي مكان بس حل أسئلة الكتاب حل أسئلة الكتاب

حل أسئلة الكتاب حل أسئلة الكتاب حل أسئلة الكتاب حل أسئلة الكتاب حل أسئلة الكتاب

أقصد Problems + Questions الي نهاية كل شابتر

حل الواجب بنفسك و شيك حلك من المنتدى

واذا قرب الميجر أو الفاينل حل Old Exam وذا في مسائل ما عرفت تحلها

أرجع للكتاب و حل على نفس section

اذا سويت اللي قلتلك للفيزياء بتجيب A+ و حتى لو سويت بعضه بتجيب A+​

 

استمروا يا شباب
أتحفونا بارك الله فيكم