للباحثين عن عمل جزئي خارج الجامعة

ممكن الشباب اللي اشتغلوا قبل يعطونا تجربتهم ؟؟؟

 

مشكور اخوي..

 

يعطيك العافية اخــوي عزاااوي و إن شاء الله الشباب يستفيدون منــه ..

 

شكرا عزوااااي يعطيك العافية
شباب كثير يبغوا يشتغلوا ... بالذات الي ماخذين صيفي ..

 

بعدي والله بغزاوي ..

أسأل الله الأحد الصمد الذي لم يلد ولم يولد ولم يكن له كفوا أحد وأسأله بأنه الحي الذي لا إله إلا هو أن ييسر أمرك ويفرج كربتك ويسري همك وأن يغنيك بحلاله عن حرامه وبطاعته عن معصيته وفضله عمن سواه ويرفع عنك البلاء ويجعل التوفيق والسداد معك وأن يجعل عاقبة كل قضاء قضى لك رشدا ..

 

الله يعطيك العافية

 

انا من الدفعات السابقه في موبايلي وكانت الرحله كالتالي

1 ترسل السيره الذاتيه
2 في حال ان جاك اتصال تروح للمقابله الشخصيه في نيوهرايزن
3 تنتضر الرد وما عليكم ردودهم تجي بسرعه
4 اذا كان الرد بالقبول يعطونك موعد لتوقيع العقد معاهم وهو عقد شهرين مع التدريب
5 يعطونك موعد للتدريب وحنا كنا نتدرب في فندق كارلتون المعيبد 7 ساعات لمدة اسبوع (طبعا راح تاخذ راتب حتى على التدريب ) طبعا خلال فترة التدريب راح ترتب معاهم موضوع جدولك ودوامك وطبعا هي اربع ساعات لمدة خمس ايام بالاسبوع.
6 تبدا في العمل اول اسبوع ما تستلم السماعات ولا شي بس تكون اول يوم مستمع مع احد الموضفين
وبعدها ممكن تاخذ منه وتخدملك كم عميل
7 بعد هذا الاسبوع تستلم السماعات وتبدا العمل

انا انصح به صراحه وكمان الشغل سهل جدا.

بس هذي رحلتي مع موبايلي الشركة الممتازه طبعا انا الحمدلله اخذت نسبه عندهم ممتازه بس ما مددت العقد لان تمديد العقد الجديد 4 شهور وانا كنت ابي صراحه راحه اسبوعين الي هي بعد الفاينل فما قدرت اخذها اجازه فقدمت استقالتي.
ودعواتكم ياشباب.

 

الف شكر.
ولكن وش اكتب في السيره الذاتيه <<<<< ماقد كتب سيره ذاتيه

 

شباب ..

اتصلو علي اليوم وقالوا لي ان موعد المقابله بكره الظهر في القولدن تولب ..

بس النكبه اني ما ادري وينه فيه ..

اذا في امكان احد يوصفه لي او يأشر عليه من خريطه قووقل ويضع الصوره اكون من الشاكرين ..

بس بسرعه بالله <<طرار ومتشرط

 

أنا برضوا قدمت السيرة الذاتيـة اليوم الساعـة 7 الصباح بعد ما شفت الموضوع .. والساعة 6 العصر جاني الرد .. ماشاء الله شغلهم مرتب بصراحـة .. وقالوا لي مقابلتك بكره الساعـة 2 الظهـر .. في نفس الفندق المذكـور ..

الوصف على حسب ما أعطاني إياه الموظف ..

إذا كنت ماشي على واجهة الخبر البحريـة ومكتبة جرير على يمينك .. عدي إشارة مركز الشرطة .. الإشارة اللي بعدها خذ منها يوتيرن .. تلاقي الفندق على يمينـك ..


أنت متى موعـد مقابلتـك ؟

 

السلام عليكم .. مساكم الله جميع بالخير
ولا اطول عليكم .. يعطيكم العافيه ..

ما قدرت افتح الملف المرفق.. يقول the file is damaged
اذا امكن ارسال الملف بصيغة ثانية او رساله مرة اخرى الله لا يهينكم ..
ان شاء الله ما يروح علينا التقديم..

مشكورين..

اخوكم: مروان

 

الساعة 2:15 ..


على العموم مشكور ابويه وما قصرت

 

عزيزي مروان ..

هذا الملف رفعته لك على موقع ثاني ..

http://file6.9q9q.net/Download/35618289/mobily.pdf.html

و إذا عندك أي استفسار .. أخوك في الخدمـة ..

 

اخوي البرفيسور .. الله لا يهينك

مشكور وما قصرت .. مضبوط الحين