لمن سبق له إنهاء فترة الـcoop

معقووووووووووووووله 60 % بيد الأدفاايز !!!



ااتمنى يا شباب توافونا بالمعلوماات

 

شوف ..

1- تروح الكورديناتور حق الكوأب وتاخد الابلكيشن منو وتوقعو من الادفايزر اللي انتاا تبغا تختارو .. طبعا عشان تلحق من الافضل انك تختار الادفايزر من الاسبوع التالت او الرابع من الترم يعني لو فكرت الان احتمال كبير ما تحصل الادفايزر اللي انتاا تبغاه ..

2- تروح للافايزر توقع الورقة منو ..

3- تسلم الورقة للكورديناتور ..

4- اختيار الشركة .. في طريقتين .. يا إنك تجيب موافقة الشركة بنفسك عن طريق يوم المهنة أو أي طريقة أخرى .. أو إنه تكون عن طريق مكتب التدريب التعاوني في مبني 17 ..

5- بعد ما تتأكد إنه الشركة أرسلت أوراقك للجامعة إنه تاخد الكوأب عندهم .. عالفاينلات تمرهم في مبني 17 الدور التاني عند تركي الدوسري حالياً وتاخد ظرف مقفل عشان تسلمه الشركة اول ما تداوم ..

6- خلال فترة الكوأب احرص إنو تكون متواصل مع الادفايزر حقك ,,, وبعضهم يطلب يشوفك .. فممكن تطلب من الشركة اجازة عشان تجي الجامعة .. وطبعا لاتنسى الاشياء المطلوبة منك واللي راح يشروحها لكم في محاضرة عن الكوأب قبل ما تطلعو مثلا زي (التقييم ، الخطة، الخ ..)

7- بعد ما تخلص من الكوأب (طبعا حاول إنك ما ترجع الجامعة إلا وإنت مخلص الريبورت عشان تسلمه للادفايزر على طول لانه غالبا حيمرمط أمك) ..

8- بعد ما يعطيك الادفايزر الاوكي .. تروح تختار الكوميتي دكتورين والادفايزر حقك عشان تسوي البرزتيشن ..

9- اول ما ترجع حاول انك تتأكد انه التقييم وصل لتركي الدوسري .. لانه غالبا يسوي فيها ساندويشات ويضيعها ويطلب منك انو يرسلوها اكتر من مرة ..

10- لا تنسى تنسق مع الكورديناتور لانه لازم تسلم له نسخة من الكوأب ريبورت .. شوف كيف يبغاه ..

11- بعدها خلاص .. كل سنة وانتاا طيب ..

:-)

 

على فكرة .. احس عندنا في القسم .. الكوأب سهالات .. بس اكتر شي يركزو عليهم البرزنتيشن .. لو كان تعبان ,,, رحتو وطي .. صدقوني .. اهم شي البرزنتيشن .. لا تقلي ريبورت ومدري ايش ..