اولا لم أكتشف مطعم يوصل سمك ممتاز لداخل السكن الجامعي لكن إليك تجربتي الشخصيه المتعمقه في هذا الموضوع بالتحديد نظرا لشرقاويتي و حبي للسمك المووووهم ما لك بالطويله 1- مطعم مشوار اللي داخل الجامعه يوصل لك سمك كنعد مع بطاطس أو رز بس انه يمشي الحال يعني جيد إلى مقبول مهوب ذاك الخرافي أو المتميز 2- مطعم النخيل يوصل لك سمكه بس ما انصح فيه و بقوه و بقوه و بقوه 3- مجموعه من مطاعم المأكولات البحريه موجوده خلف مطعم هارديز مباشره و الواقع على الواجهه البحريه , فيه هناك مجموعه طيبه جدا جدا تتفاوت قليلا في السعر و قد تتفاوت في الطعم رايح عن بالي اسم مطعم محدد هناك 4- ملعب الدمام الأمير محمد بن فهد فيه و انت رايح له من طريق اول ما تطلع من الجامعه من البوابه الشماليه مباشره على الملعب فيه عن النفق اللي الا يومك يعدلون فيه مسجد على اليمين و بجانبه مطعم متميز للأسماك 5- فيه في الدمام مجموعه برضو من المطاعم و هي على امتداد شارع الملعب تلقاها بعد ما تعدي مجمع الواحه على اليمين بس مشكلتها بنظام صيني في الغالب على عكس 3-4 نظام سعوووودي 6- فيه مطعم خرافي بس ناسي اسمه و موقعه اجيب لك أياه إن شاء الله لو منك أروح لثلاثه بس انا مو عارف انت وش اسعارك بالضبط انت رح و جرب ما راح تخسر
يا اخوي بين الارقام اللي كتبتها ما قصدت السنبوك اطلاقا فتأكد الله يحفظك انك عرفت المواقع اللي انا تكلمت عنها
السلام عليكم،، عندك مطعم البانوش في الخبر...(( لاتنسى تجرب اللوبستر بالجبن و الاستكوزا بعد...واذا تبي اكل شعبي بحري عندهم مشخول سمك او ربيان - أكلة شعبية شرقاوية رائعة )) وكذلك مطعم دارين في كورنيش الدمام...(( انصحك بصحن عندهم اتوقع اسمه مشكل ملكي او شي كذا..)) غاليين حبتين لكن اخذ الطعم اللي يحبه قلبك... --------- البحار ايضا كويس لكن من وجهة نظري مو الفروع اللي داخل المجمعات الفروع اللي تجيك مستقله افضل منها في واحد بالشارع الاول بالدمام..واتوقع في واحد بواجهة الخبر...( انصح بمشكل بحري و شوربة بحرية) شغلهم نظيف ولذيذ وأرخص من المطعمين اللي فوق... -------- بعد عندك هامور الخليج في الدوحة - الشارع التجاري اللي فيه مزون.. والشركة العربية للأسماك خلف المزرعة اللي بالدوحة.. طريقتهم تختار السمكه اللي تبيها وهم يشوونها او يقلونها... اسعارهم حلوه وشغل متوسط.. --------- اذا تذكرت شي بعد ارجع اقولك وبالهناء والعافية
تبي أحسن طعم و سعر في نفس الوقت ؟ أول شي رح السويكت وأشتر سمك من سوق السمك ....... وبعدين خذ هذا السمك و وده عند مطعم اللواء الأخضر في الشارع السابع في السويكت و قل لهم يطبخونه وبالهنا والعافيه ولا تنسى القطة
مشكورين يا شباب وما قصرتو قبل شوي رحنا درة الاسماك وتعشينا هناك بس الحق شغلهم مو ذاك الزود لكن يمشي حاله واسعاره بين البينين لان المنيو تغير وصارو يبيعون بالوجبة مو بالكيلو .
انا اذا بغيت اكل سمك اروح راس تنورة.. فيه مطعم هناك مدمنين عليه انا والعيال 3 سنوات.. واسعاره رخيصة... اسمو روبيان..
تعال بيتنا وكل على كيف كيفك .. بس المشكلة اني انا ما اكل سمك .. يعني تخيل اعزمك وتأكل بـ لحالك وانا اطالعك .. عشان كذا ماني بـ عازمك .. ودي اساعدك بس مالي بـ مجال السمك ..
انا جربت السمك بمطعمين دايم اروح لهم ., الاول , دارين الواجهة .. جيّد بس غالي وغالي حبتين .. الثاني , مطعم يعتبر جديد له سنة ونص أو سنتين بعد اول اشارة ع شارع الظهران يجيك مباشرة ع يمينك .. اسمه بيت التنور .. < اظن كذا اسمه .. هو محل كبير و وسيع .. هذا المطعم ممتاز جدا ونظيف .. واسعاره ممتازة جدا جدا .. عنده سمك ممتاز ., رحت فوق الـ 3 مرات لان اسعاره جيده وأكله ممتاز .. بس انتبه ترى هذا يجيك بعد أول اشارة مباشرة , مهب التنور الصيني اللي عند هارديز وكنتاكي قبل ثاني اشارة!
^^ بسسس يآ هوووو سمك .. آفضل من الدجاج و اللحم !!! ,,, آضيف على كلام الآخوان مطعم المرسآة .. ورآ قزاز الواجهه قريب من جوفريز أسعارهـ معقولة ,, >> ما ودك تعزمني
افضل وجبة سمك في الشرق الاوسط مطعم المناخ في الجبيل اطلب كبسة هامور مع رشة روبياان القطة تطلع 27 ريال بس طعــــــم خيااااااااااااااااااااااااااااااااااااااااااااااااااااااااااال
احس لو واحد جرب كل المطاعم اللي عطيتوها بيغتث --->ترى مالي في السمك>>لين سوو اهلي سمك في البيت اطلع من البيت^^