ماهي أفضل الجامعات الأمريكية لدراسة التخصصات التالية؟!

انا اقدر اساعدك لكن مانصحك بشكاغو لانها غاليه( على فكره شكاغو مدينه كبيره في الينوي ماهي ولايه لكن اغلب الناس تحسها ولايه لانها مشهوره) ... الا اذا صار اهلك وضعهم ميسور ومستعدين يدعمونك كل نهايه شهر لان احيان حتى لو صرت ذكي بالصرف مع الدراسه وشرا الكتب وتامين سياره وظرف طورائ تتوهق لذا اذا اهلك مستعدين يدعمونك اقولك روح شيكاغو لكنها روعه المدينه مره حلوه وفيها جاليه عربيه ضخمه يعني ماتتوهق من ناحيه الاكل العربي والشغلات الي تتحتاجها علشان تسوي زي اكلنا بالسعوديه

بنسبه للجامعات اغلب جامعات امريكا المستوى المتوسطه تدي قبول لكن اهم شي المعدل ويكون عندك لغه توفل او ايلتز حسب شروط الجامعه راسلني على الخاص اذا حبيت معلومات اكثر....

الله يوفقك

 

ما أفتيك في كل التخصصات اللي ذكرتها, لكن هذا الموقع إن شاء الله راح يفيدك http://www.usnews.com/education
الموقع معروف وتقدر تشترك ب20 دولار سنويا ويعطيك معلومات واحصائيات اكثر عن الجامعات

 

اقدر افيدك بهندسة البرمجيات بحكم قرب التخصص
افضل جامعة هي كارنجي ميلون بدون منازع في هذا المجال ، الدخول لافضل الجامعات صعب جدا بالعادة لكنه غير مستحيل ، الجامعة الثانية في هذا المجال هي جامعة كورنيل و ان كانت تركز اكثر علي الحوسبة منها علي البرمجيات . نصيحتي لك لا تبحث كثير عن اسم الجامعة و لكن ركز علي المناطقة اللي فيها اكثر من جامعة كويسة مثلا كاررنجي ميلون بجانب الحرم الجامعي لجامعة بتسبرغ اللي هي من الجامعات العرقية جدا و ذات التصنيف العالي فلما تروح لمدينة بتسبرغ اللي فيها هالجامعتين حتي لو ما درست في اي من الجامعتين راح تستفيد منها لان الجامعات الثانية تتعاون مع هالجامعتين لانهم رواد في مجالاتهم نفس الكلام ينقال عن بوسطن فيها ام اي تي و هارفرد بس بقية الجامعات اللي بنفس المدينه يكون مستواها مرتفع بحكم القرب من هالجامعتين و فيه كثير من المدن اللي بها نفس الوضع .
اتمني لك التوفيق و التقدم

 

up
up
up
>>>>>