السلام عليكم احب اسأل هالسؤال لكثير من العيال المقبلين على التخرج طبعاً الاجابات تتنوع , فيه الي اولوياته الزواج , وفيه الي موب مستعجلين وده يجمع لسيارة معينه او يفتح مشروع سريع وفيه الي يبي يفلها ومايبي يجمع ويوجع راسه بالنسبه لي , هدفي في اول سنة اني انسى شي اسمه توفير واشتري كل شي نفسي فيه وخصوصاً قطاع الالكترونيات ويمكن اجمع الدفعه الأولى لسيارة في بالي عشان تنقص علي الاقساط في السنة الثانيه السنة الثانيه افكر بالزواج طيب عزيزي القارئ وش خطتك في اول سنتين في الوظيفه. وللمتخرجين, وش فعلت في اول سنة او سنتين ؟
تدري عاد ، كثير من الربع اللي تخرجوا ، يقولون ماحسينا بفرق "بموضوع الراتب" يقول ناكل اكل عادي مثل ايام الجامعه ، ونفس الروتين والوضع ويقولون اخر الشهر مطفرين يقولون اللي يفرق هو ان سكنك افضل واغلى والشي الثاني اللي يفرق انه اذا شفت شي ودّك تشتريه ، تشتريه مع عمل حسابات واخذ وعطى مع نفسك اقل بكثير من ايام الجامعه وبرضو بعد موضوع الزواج يقول تطلع متخرّج ومتحمس وانك بتفلّها ، كلها ستة شهور او سنه وانت مال من الدوام ومن روتين الدوام وخصوصا لو كثير من ربعك تزوجوا ، غصب تقول ياولد انا ليش ما اطق لي مره بعد ، على الاقل ترجع وتلقى انسان بالبيت ينتظرك
بالنسبة لي شايل فكرة الزواج من رأسي ( على الأقل أول 4 سنوات ) .. لذلك لو كتب الله وتوظفت .. فبإذن الله بيحصل تجميييع .. وراح أعيش على 2000 ريال بالكثير .. طبعاً التجميع بيكون لأجل البيت المستقبلي .. :$
وعليكم السلام ورحمة الله وبركاته أول سنه كنت اول ثلاث شهور بالوظيفه اصرف الراتب كله>>>>>>مدري ليه؟ بعدها بديت اجمع للزواج والسيارة في نهاية السنه الاولى تملكت عقبالكم في السنة الثانية مواصل اجمع من الدراهم الله يعين ان شاء الله مع نهاية السنه الثانية الزواج الله ييسر تحياتي
تخرجي ان شاء الله في ترم 141 لكن عندي خطط اذا شاء الله انفذها : 1-الزواج في نهاية الكوأب اوقست 2014 2-بعدالتخرج، الاستمرار في مشروع بدأته من 10 شهور تقريبا 3- الحصول على cma + scopa في خلال 18 شهر من تاريخ التخرج 4- بدء الإعداد ل acca في السنة الثانية من التخرج 5- السفر لامريكا للحصول على ماستر+cpa "على حساب جهة العمل" نسأل الله التوفيق والتييسر لنا ولكم
خلال السنتين الأولى : تجميع. بداية مشروع تقني. بعد السنتين: زواج // الموضوع جميل ياليت لو ينقل للساحة الجامعية العامة
2018 راح أتخرج الله يطول في أعمارنا المشروع الأول بيت لي و للوالد الله يطول في عمره المشروع الثاني الزواج المشروع الثالث مشروع تجاري
طيب أنت روميتك ينام معاك في نفس السرير ؟ يا خريجين تراكم قاعدين " تعبثون " بـ مشاعرنا ليش تجيبون طاري الزواج وأنا وراي مياجر
تشبه الزوجة بالروميت صدق فيك قول الشاعر : ألم تر أن السيف ينقص قدره **** إذا قلت أن السيف أمضى من العصا
ههههههههههههه انا ما شبهت كل الروميت بكل الزوجة ,, انا قلت لك ان الروميت ينتظرك ترجع مثل ما تسوي الزوجة لا اكثر يعني التشبيه محصور في نطاق انتظار العودة وكُلُّ أخٍ يقولُ: أنا وَفيٌّ ** ولكنْ ليسَ يفعَلُ ما يَقُولُ سوى خلٍّ لهُ حسبٌ ودينٌ ** فذاكَ لما يقولُ هو الفعولُ وأحسب روميتي من أهل البيت الثاني
والله م عندي مخططات حاليا والراس فاضي لان باقي لي حدود 3 سنين على التخرج بس هي على حسب الوظيفة ... ان الله رزقني بوظيفة مرموقة طقيت لي الموتر الي بخاطري والزواج تقريبا بعد سنه او سنتين .. الله يكتب لنا الخير ويحيينا حياة طيبة
اشكك في اول سطرين الا اذا هم طلاب بعثات مدلعين او اهلهم مدلعينهم وقت الجامعه او انهم موب مهتمين اساساً بالنسبه للشطر الثاني: اشوف فيه تفاوت بين شخص وشخص زميلي قبل الوظيفه كان يسب الحكومه في عدم تسهيل الزواج وانها سبب كل الانحرافات وان اول شي بيسويه اذا مسك الوظيفه انه يتزوج ويوم تخرج وتوظف الحين كمل سنتين وماتزوج :khotah: وفيه ناس العكس يقول موب متزوج واول واحد يتزوج هو <<اخاف اكون انا شكراً على الرد الجميل
الله ييسر لك وعندي لك اقتراح , قدم على قرض الاسكان بدون فوائد والا قرض ارامكو وابني من اول يوم مايحتاج تجمع عشر سنوات
إذا توظفت بمدينة ، بأخطب -إن شاء الله- أول ما أتخرج ثم أتزوج بعد سنة السنة هذي أبغى أسوي فيها كل شئ بخاطري (حلال طبعا) : أحضر الكلاسيكو بالسانتياغو ، فرة على دول أوروبا ، أطب باراشوت .. يعني الزبدة أبغى أحلل شبابي ، ما عندي أي نية لا صار عمري بالأربعين ما أتذكر من فترة الشباب إلا مبنى 54 بعد ست شهور من الوظيفة ، أطق لي قرض 600000 : 300000 للسيارة اللي بخاطري و 300000 مصاريف الزواج و دلع أول سنة بعد الزواج ثم لا صار عمري 35 (أكون سددت القرض الأول) أبتدي ببناء بيت العمر ، و أعيش باقي عمري عالحديده